ਨਹਿਰ ਵਿੱਚ ਡਿੱਗੀ ਕਾਰ…ਦੋ ਨੌਜਵਾਨ ਲਾਪਤਾ…!
ਜਗਰਾਓ-ਬੀਤੀ ਰਾਤ ਨੇੜਲੇ ਪਿੰਡ ਲੱਖਾ ਦੇ ਨੌਜਵਾਨਾਂ ਦੀ ਜੈੱਨ ਕਾਰ ਨਹਿਰ ਵਿਚ ਡਿੱਗਣ ਦੀ ਖ਼ਬਰ ਹੈ ਜਿਸ ਵਿੱਚ ਚਾਰ ਨੌਜਵਾਨ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ ਲੋਕਾਂ ਨੇ ਜਦੋਜਹਿਦ ਕਰਕੇ ਦੋ ਨੂੰ ਬਚਾਅ ਲਿਆ ਹੈ ਜਦਕਿ ਦੋ ਨੌਜਵਾਨ ਲਾਪਤਾ ਹਨ । ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਲੱਖਾ ਦੇ ਵਸਨੀਕ ਦਿਲਪ੍ਰੀਤ ਸਿੰਘ ਦਾ ਜਨਮ ਦਿਨ ਸੀ ਅਤੇ ਉਹ ਆਪਣੇ ਤਿੰਨ ਹੋਰ ਦੋਸਤਾਂ ਨਾਲ ਕਾਰ ਵਿਚ ਜਨਮ ਦਿਨ ਦੀ ਪਾਰਟੀ ਕਰਨ ਪਿੰਡ ਡੱਲਾ ਦੇ ਇਕ ਰੈਸਟੋਰੈਂਟ ਵਿਚ ਗਿਆ ਸੀ। ਪਾਰਟੀ ਕਰਨ ਤੋਂ ਬਾਅਦ ਜਦ ਚਾਰੇ ਦੋਸਤ ਵਾਪਸ ਆ ਰਹੇ ਸਨ ਤਾਂ ਉਨ੍ਹਾਂ ਦੀ ਕਾਰ ਨਹਿਰ ਵਿਚ ਡਿਗ ਗਈ । ਘਟਨਾ ਦਾ ਤੁਰੰਤ ਕਿਸੇ ਨੂੰ ਪਤਾ ਲੱਗਣ ‘ਤੇ ਮੌਕੇ ‘ਤੇ ਇਕੱਠੇ ਹੋਏ ਲੋਕਾਂ ਨੇ ਜਦੋਜਹਿਦ ਕਰਕੇ ਦਿਲਪ੍ਰੀਤ ਸਿੰਘ ਅਤੇ ਇਕ ਹੋਰ ਨੌਜਵਾਨ ਨੂੰ ਬਚਾਅ ਲਿਆ ਪ੍ਰੰਤੂ ਦੂਜੇ ਦੋ ਨੌਜਵਾਨਾਂ ਦਾ ਕੋਈ ਥਹੁ ਪਤਾ ਨਹੀਂ ਲੱਗਾ।
