ਚੰਡੀਗੜ੍ਹ, 31 ਮਾਰਚ, Gee98 news service
-ਅਯੁੱਧਿਆ ਵਿਖੇ ਭਗਵਾਨ ਸ੍ਰੀ ਰਾਮ ਮੰਦਰ ਟਰੱਸਟ ਨੇ ਰੋਜਾਨਾ ਜ਼ਿਆਦਾ ਇਕੱਠ ਹੋ ਜਾਣ ਦੇ ਮੱਦੇਨਜ਼ਰ ਰਾਮ ਭਗਤਾਂ ਲਈ ਇੱਕ ਵੱਡੀ ਪਹਿਲ ਸ਼ੁਰੂ ਕੀਤੀ ਹੈ ਜਿਸ ਵਿੱਚ ਰਾਮ ਮੰਦਰ ਟਰੱਸਟ ਹਰ ਰੋਜ਼ 600 ਵਿਸ਼ੇਸ਼ ਦਰਸ਼ਨ ਪਾਸ ਮੁਫ਼ਤ ਜਾਰੀ ਕਰੇਗਾ। ਹਰ ਰੋਜ਼ 600 ਲੋਕ ਰਾਮਲਲਾ ਦੇ ਵੀਆਈਪੀ ਦਰਸ਼ਨ ਕਰ ਸਕਣਗੇ। ਇਸ ਲਈ ਵਿਸ਼ੇਸ਼ ਦਰਸ਼ਨ ਪਾਸ ਜਾਰੀ ਕੀਤਾ ਜਾਵੇਗਾ। ਇਹ ਪਾਸ ਆਨਲਾਈਨ ਵੀ ਲਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਦਫ਼ਤਰ ਵਿਖੇ ਕੈਂਪ ਵੀ ਲਗਾਇਆ ਜਾਵੇਗਾ ਅਤੇ ਅਤੇ ਇਹਨਾਂ ਵਿੱਚੋਂ ਕੁਝ ਪਾਸ ਵੀ.ਆਈ.ਪੀਜ਼ ਲਈ ਰਾਖਵੇਂ ਰੱਖੇ ਜਾਣਗੇ। ਸ੍ਰੀ ਰਾਮ ਜਨਮ ਭੂਮੀ ਤੀਰਥ ਖੇਤਰ ਟਰੱਸਟ ਦੇ ਕੈਂਪ ਆਫਿਸ ਇੰਚਾਰਜ ਪ੍ਰਕਾਸ਼ ਗੁਪਤਾ ਨੇ ਦੱਸਿਆ ਕਿ ਇਹ ਦਰਸ਼ਨ ਪਾਸ ਜਾਰੀ ਕਰਨ ਲਈ ਵੱਖ-ਵੱਖ ਸਮਾਂ ਨਿਸ਼ਚਿਤ ਕੀਤਾ ਗਿਆ ਹੈ ਜਿਵੇਂ ਕਿ ਸਵੇਰੇ 7:00 ਵਜੇ ਤੋਂ ਸਵੇਰੇ 9:00 ਵਜੇ ਤੱਕ 100 ਲੋਕਾਂ ਨੂੰ ਪਾਸ ਦਿੱਤੇ ਜਾਣਗੇ। ਇਸ ਦੇ ਨਾਲ ਹੀ 9 ਤੋਂ 11, 1 ਤੋਂ 3, 3 ਤੋਂ 5 ਅਤੇ 5 ਤੋਂ 7 ਅਤੇ 7 ਤੋਂ 9 ਤੱਕ ਹਰ ਸ਼ਿਫਟ ਵਿੱਚ 100 ਲੋਕ ਆਉਣਗੇ। ਵਿਸ਼ੇਸ਼ ਦਰਸ਼ਨ ਪਾਸ ਰਾਹੀਂ ਕੁੱਲ 600 ਲੋਕ ਰਾਮਲੱਲਾ ਦੇ ਦਰਸ਼ਨ ਕਰ ਸਕਣਗੇ। ਹਰ ਦੋ ਘੰਟੇ ਦੀ ਸ਼ਿਫਟ ਵਿੱਚ ਜਾਰੀ ਕੀਤੇ ਜਾਣ ਵਾਲੇ 100 ਪਾਸ ਵਿੱਚੋਂ ਰਾਮ ਮੰਦਰ ਟਰੱਸਟ 50 ਪਾਸ ਜਾਰੀ ਕਰੇਗਾ,20 ਪਾਸ ਆਨਲਾਈਨ ਕੀਤੇ ਜਾ ਸਕਦੇ ਹਨ ਅਤੇ ਹਰ ਸ਼ਿਫਟ ਵਿੱਚ VIP ਲਈ 30 ਪਾਸ ਰਾਖਵੇਂ ਰੱਖੇ ਜਾਣਗੇ।
ਰਾਮ ਮੰਦਰ ਟਰੱਸਟ ਮੁਤਾਬਕ ਹਰ ਰੋਜ਼ ਕਰੀਬ 1.5 ਲੱਖ ਲੋਕ ਰਾਮਲਲਾ ਦੇ ਦਰਸ਼ਨਾਂ ਲਈ ਆ ਰਹੇ ਹਨ। ਕਈ ਥਾਵਾਂ ਤੋਂ ਵੀਆਈਪੀ ਦਰਸ਼ਨਾਂ ਦੇ ਨਾਂ ‘ਤੇ ਪੈਸੇ ਵਸੂਲਣ ਦੀਆਂ ਸ਼ਿਕਾਇਤਾਂ ਮਿਲੀਆਂ ਸਨ, ਜਿਸ ਤੋਂ ਬਾਅਦ ਟਰਸਟ ਵੱਲੋਂ ਉਹ ਕਿਤੇ ਦਰਸ਼ਨ ਪਾਸ ਯੋਜਨਾ ਸ਼ੁਰੂ ਕੀਤੀ ਗਈ ਹੈ ਅਤੇ ਇਸ ਸਬੰਧੀ ਰਾਮ ਭਗਤਾਂ ਨੂੰ ਜਾਗਰੂਕ ਕਰਨ ਲਈ ਸੋਸ਼ਲ ਮੀਡੀਆ ‘ਤੇ ਵੀ ਜਾਣਕਾਰੀ ਸਾਂਝੀ ਕੀਤੀ ਗਈ।