ਚੰਡੀਗੜ੍ਹ,5 ਅਪ੍ਰੈਲ, Gee98 news service
-ਅਜੋਕੇ ਦੌਰ ਦੇ ਦਬਾਅ ਵਾਲੇ ਰਾਜਨੀਤਿਕ ਮਾਹੌਲ ਵਿੱਚ ਵੀ ਕੁਝ ਲੀਡਰ ਅਜਿਹੇ ਹੁੰਦੇ ਹਨ ਜੋ ਗਾਹੇ-ਬਗਾਹੇ ਮਨੋਰੰਜਨ ਦੇ ਪਲ ਕੱਢ ਹੀ ਲੈਂਦੇ ਹਨ। ਅਜਿਹੇ ਪਲਾਂ ਦਾ ਆਨੰਦ ਬੀਤੇ ਕੱਲ੍ਹ ਪੰਜਾਬ ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਬਠਿੰਡਾ ਵਿਖੇ ਮਾਣਿਆ। ਦਰਅਸਲ ਸਪੀਕਰ ਸੰਧਵਾਂ ਬਠਿੰਡਾ ਵਿਖੇ ਕਿਸੇ ਸਮਾਗਮ ਵਿੱਚ ਆਏ ਹੋਏ ਸਨ ਜਦ ਉਹ ਸਮਾਗਮ ਤੋਂ ਵਾਪਸ ਜਾ ਰਹੇ ਸਨ ਤਾਂ ਰਸਤੇ ਵਿੱਚ ਉਹਨਾਂ ਨੇ ਇੱਕ ਨੌਜਵਾਨ ਕੋਲ “ਹਾਰਲੇ ਡੇਵਿਡਸਨ” ਮੋਟਰਸਾਈਕਲ ਦੇਖੀ, ਜਿਸ ਨੂੰ ਦੇਖ ਕੇ ਸਪੀਕਰ ਸੰਧਵਾਂ ਨੇ ਆਪਣਾ ਕਾਫ਼ਲਾ ਰੋਕ ਲਿਆ ਅਤੇ ਉਹ ਉਤਰ ਕੇ ਹਾਰਲੇ ਡੇਵਿਡਸਨ ਮੋਟਰਸਾਈਕਲ ਵਾਲੇ ਨੌਜਵਾਨ ਕੋਲ ਚਲੇ ਗਏ ਤੇ ਉਹਨਾਂ ਤੋਂ ਮੋਟਰਸਾਈਕਲ ਬਾਰੇ ਜਾਣਕਾਰੀ ਪ੍ਰਾਪਤ ਕੀਤੀ। ਇਸ ਦੌਰਾਨ ਨੌਜਵਾਨ ਨੇ ਸਪੀਕਰ ਨੂੰ ਮੋਟਰਸਾਈਕਲ ਚਲਾਉਣ ਦੀ ਪੇਸ਼ਕਸ਼ ਕੀਤੀ ਤਾਂ ਸਪੀਕਰ ਸੰਧਵਾਂ ਨੇ ਆਪਣਾ ਕਾਫਲਾ ਛੱਡ ਕੇ ਉਸ ਨੌਜਵਾਨ ਨੂੰ ਨਾਲ ਬਿਠਾ ਕੇ ਬਠਿੰਡਾ ਦੀਆਂ ਸੜਕਾਂ ‘ਤੇ ਹਾਰਲੇ ਡੇਵਿਡਸਨ ਮੋਟਰਸਾਈਕਲ ਚਲਾਉਣ ਦਾ ਨਜ਼ਾਰਾ ਲਿਆ। ਸਪੀਕਰ ਸੰਧਵਾਂ ਵੱਲੋਂ ਬਠਿੰਡਾ ਦੀਆਂ ਸੜਕਾਂ ‘ਤੇ ਹਾਰਲੇ ਡੇਵਿਡਸਨ ਮੋਟਰਸਾਈਕਲ ਚਲਾਉਣ ਦੀਆਂ ਤਸਵੀਰਾਂ ਤੇ ਵੀਡੀਓ ਖ਼ੂਬ ਵਾਇਰਲ ਹੋ ਰਹੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਰਲੇ ਡੇਵਿਡਸਨ ਮੋਟਰਸਾਈਕਲ ਦੀ ਕੀਮਤ ਲਗਭਗ 10 ਲੱਖ ਹੈ।
Menu
