ਚੰਡੀਗੜ੍ਹ,5 ਅਪ੍ਰੈਲ, Gee98 news service
-ਇੱਕ ਔਰਤ ਨੂੰ ਅਰਧ ਨਗਨ ਕਰਕੇ ਗਲੀਆਂ ‘ਚ ਭਜਾ ਕੇ ਉਸਦੀ ਵੀਡੀਓ ਬਣਾ ਕੇ ਫਿਰ ਵੀਡੀਓ ਵਾਇਰਲ ਕਰਨ ਦੀ ਸ਼ਰਮਨਾਕ ਘਟਨਾ ਸਾਹਮਣੇ ਆਉਣ ਤੋਂ ਬਾਅਦ ਇਸ ਸਪੱਸ਼ਟ ਹੈ ਕਿ ਪੰਜਾਬ ਵਿੱਚ ਕਾਨੂੰਨ ਤੇ ਡਰ ਨਾਮ ਦੀ ਕੋਈ ਚੀਜ਼ ਨਹੀਂ ਹੈ ਅਤੇ ਅਪਰਾਧਿਕ ਬਿਰਤੀ ਵਾਲੇ ਲੋਕ ਬੇਖੌਫ਼ ਅਜਿਹੀਆਂ ਘਟਨਾਵਾਂ ਨੂੰ ਅੰਜਾਮ ਦੇ ਰਹੇ ਹਨ ਜਿਹੜੀਆਂ ਘਟਨਾਵਾਂ ਪੰਜਾਬ ਸਰਕਾਰ ਦੀ ਹੋਂਦ ‘ਤੇ ਹੀ ਸਵਾਲ ਖੜੇ ਕਰਦੀਆਂ ਹਨ। ਸ਼ੁੱਕਰਵਾਰ ਤਰਨਤਰਨ ਦੇ ਵਲਟੋਹਾ ਥਾਣੇ ਅਧੀਨ ਇੱਕ ਅਜਿਹੀ ਘਟਨਾ ਵਾਪਰੀ ਜਿਸ ਨੇ ਪੰਜਾਬ ਦੇ ਮੁੱਖ ਮੰਤਰੀ/ਗ੍ਰਹਿ ਮੰਤਰੀ ਅਤੇ ਉਹਨਾਂ ਦੀ ਪੁਲਿਸ ਨੂੰ ਕਟਹਿਰੇ ਵਿੱਚ ਖੜਾ ਕਰ ਦਿੱਤਾ ਹੈ। ਤਰਨਤਾਰਨ ਵਿੱਚ ਕੁਝ ਵਿਅਕਤੀਆਂ ਤੇ ਔਰਤਾਂ ਨੇ ਪਿੰਡ ਦੀ ਇੱਕ ਔਰਤ ‘ਤੇ ਹਮਲਾ ਕੀਤਾ ਤੇ ਉਸ ਨੂੰ ਅਰਧ ਨਗਨ ਕਰਕੇ ਗਲੀਆਂ ‘ਚ ਭਜਾ ਕੇ ਉਸ ਦੀ ਵੀਡੀਓ ਬਣਾਈ, ਹੱਦ ਉਸ ਵੇਲੇ ਹੋ ਗਈ ਜਦ ਦੋਸ਼ੀਆਂ ਨੇ ਇਹ ਵੀਡੀਓ ਵਾਇਰਲ ਵੀ ਕਰ ਦਿੱਤੀ। 55 ਕੁ ਸਾਲ ਦੀ ਪੀੜ੍ਹਤ ਔਰਤ ਨੇ ਦੱਸਿਆ ਕਿ ਉਸ ਦੇ ਬੇਟੇ ਨੇ ਗਵਾਂਢ ‘ਚ ਰਹਿਣ ਵਾਲੀ ਇੱਕ ਲੜਕੀ ਨਾਲ ਕੋਰਟ ਮੈਰਿਜ ਕਰਵਾ ਲਈ ਸੀ, ਉਹ ਦੋਵੇਂ ਜਣੇ 24 ਫਰਵਰੀ ਨੂੰ ਘਰੋ ਭੱਜ ਗਏ ਸਨ ਅਤੇ 9 ਮਾਰਚ ਨੂੰ ਉਹਨਾਂ ਨੇ ਕੋਰਟ ਮੈਰਿਜ ਕਰਵਾ ਲਈ। ਇਸੇ ਰੰਜਿਸ਼ ਦੇ ਵਿੱਚ 31 ਮਾਰਚ ਦੀ ਸ਼ਾਮ ਲੜਕੀ ਦੇ ਭਰਾ ਅਤੇ ਮਾਂ ਕੁਝ ਵਿਅਕਤੀਆਂ ਨੂੰ ਨਾਲ ਲੈ ਕੇ ਉਹਨਾਂ ਦੇ ਘਰ ਆਏ ਅਤੇ ਉਸ ਦੀ ਮਾਰਕੁਟਾਈ ਕੀਤੀ। ਪੀੜ੍ਹਤ ਔਰਤ ਨੇ ਦੱਸਿਆ ਕਿ ਲੜਕੀ ਦੇ ਭਰਾ ਨੇ ਉਸਨੂੰ ਵਾਲਾਂ ਤੋਂ ਫੜ ਕੇ ਘਸੀਟਿਆ ਤੇ ਉਸਦੇ ਕੱਪੜੇ ਪਾੜ ਦਿੱਤੇ। ਉਸਨੇ ਦੱਸਿਆ ਕਿ ਲੜਕੀ ਦੀ ਮਾਂ ਨੇ ਉਸਦੀ ਸਲਵਾਰ ਪਾੜਨ ਦੀ ਕੋਸ਼ਿਸ਼ ਵੀ ਕੀਤੀ ਪਰੰਤੂ ਉਸ ਨੇ ਅਜਿਹਾ ਨਹੀਂ ਕਰਨ ਦਿੱਤਾ ਪਰ ਦੋਸ਼ੀਆਂ ਨੇ ਉਸ ਦਾ ਸਾਰਾ ਕਮੀਜ਼ ਪਾੜ ਦਿੱਤਾ। ਫਿਰ ਦੋਸੀਆਂ ਨੇ ਉਸ ਨੂੰ ਗਲੀ ਵਿੱਚ ਭਜਾਇਆ ਤੇ ਉਸਦੀ ਵੀਡੀਓ ਵੀ ਬਣਾ ਲਈ। ਉਹ ਆਪਣਾ ਬਚਾਅ ਕਰਨ ਲਈ ਇਧਰ ਉਧਰ ਦੁਕਾਨਾਂ ਵਿੱਚ ਲੁਕਦੀ ਰਹੀ ਪ੍ਰੰਤੂ ਹਮਲਾਵਰ ਉਸ ਦੇ ਪਿੱਛੇ ਹੀ ਰਹੇ ਤੇ ਉਸਦੀ ਵੀਡੀਓ ਬਣਾਉਂਦੇ ਰਹੇ। ਇਸ ਦੌਰਾਨ ਇੱਕ ਦੁਕਾਨਦਾਰ ਨੇ ਅੱਗੇ ਹੋ ਕੇ ਦੋਸ਼ੀਆਂ ਦਾ ਵਿਰੋਧ ਕੀਤਾ ਤਾਂ ਉਹਨਾਂ ਨੇ ਵੀਡੀਓ ਬਣਾਉਣੀ ਬੰਦ ਕਰ ਦਿੱਤੀ। ਹੈਰਾਨੀ ਇਸ ਗੱਲ ਦੀ ਹੈ ਕਿ ਪੀੜ੍ਹਤ ਔਰਤ ਨੇ 31 ਮਾਰਚ ਦੀ ਸ਼ਾਮ ਨੂੰ ਹੀ ਵਲਟੋਹਾ ਥਾਣੇ ਸ਼ਿਕਾਇਤ ਦਿੱਤੀ ਪ੍ਰੰਤੂ ਪੁਲਿਸ ਨੇ 4 ਅਪ੍ਰੈਲ ਤੱਕ ਮਾਮਲਾ ਦਰਜ ਨਹੀਂ ਕੀਤਾ। ਐਸਐਚਓ ਸਨੀਤਾ ਰਾਣੀ ਨੇ ਸ਼ਰਮਨਾਕ ਸਫਾਈ ਦਿੰਦੇ ਹੋਏ ਕਿਹਾ ਕਿ ਪੀੜ੍ਹਤ ਔਰਤ ਨੇ ਸ਼ਿਕਾਇਤ ਦੇਣ ਤੋਂ ਬਾਅਦ ਦੋਸ਼ੀਆਂ ਨਾਲ ਰਾਜ਼ੀਨਾਮੇ ਦੀ ਗੱਲ ਕਹੀ ਸੀ। ਐਸਐਚਓ ‘ਤੇ ਸਵਾਲ ਉੱਠਦੇ ਹਨ ਕਿ ਭਾਵੇਂ ਔਰਤ ਨੇ ਰਾਜ਼ੀਨਾਮੇ ਦੀ ਗੱਲ ਕਹੀ ਹੋਵੇ ਪਰੰਤੂ ਐਸਐਚਓ ਨੇ ਕਾਰਵਾਈ ਕਰਨ ਲਈ ਇੰਨੇ ਦਿਨ ਉਡੀਕ ਕਿਉਂ ਕੀਤੀ, ਇਹ ਵੀ ਹੈਰਾਨੀਜਨਕ ਅਤੇ ਸ਼ਰਮਨਾਕ ਹੈ ਕਿ ਖੁਦ ਔਰਤ ਹੁੰਦੇ ਹੋਏ ਵੀ ਐਸਐਚਓ ਨੇ ਇੱਕ ਬੇਹੱਦ ਨਿੰਦਣਯੋਗ/ਸ਼ਰਮਨਾਕ ਘਟਨਾ ਸੰਬੰਧੀ ਸਮੇਂ ਸਿਰ ਕਾਰਵਾਈ ਨਹੀਂ ਕੀਤੀ। ਪੀੜ੍ਹਤ ਔਰਤ ਨੇ ਦੱਸਿਆ ਕਿ ਉਸਨੇ 31 ਮਾਰਚ ਦੀ ਰਾਤ ਨੂੰ ਹੀ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾ ਦਿੱਤੀ ਸੀ। ਪੁਲਿਸ ਨੇ ਰਿਪੋਰਟ ਦਰਜ ਕਰਨ ਲਈ ਪ੍ਰੰਤੂ ਦੋਸ਼ੀਆਂ ਨੂੰ ਨਹੀਂ ਫੜਿਆ, ਜਦ ਉਹ ਸ਼ਿਕਾਇਤ ਦਰਜ ਕਰਵਾ ਕੇ ਘਰ ਆਈ ਤਾਂ ਦੋਸ਼ੀ ਘਰ ਹੀ ਸਨ ਅਤੇ ਫਿਰ 1 ਅਪ੍ਰੈਲ ਨੂੰ ਵੀ ਉਸਨੇ ਪੁਲਿਸ ਨੂੰ ਕਿਹਾ ਕਿ ਦੋਸ਼ੀ ਘਰ ਹੀ ਹਨ ਉਹਨਾਂ ਨੂੰ ਫੜਿਆ ਜਾਵੇ ਪਰੰਤੂ ਪੁਲਿਸ ਨਹੀਂ ਆਈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ 4 ਅਪ੍ਰੈਲ ਨੂੰ ਜਾ ਕੇ ਤਿੰਨ ਦੋਸ਼ੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ।
ਫੋਟੋ ਕੈਪਸ਼ਨ-ਪੀੜ੍ਹਤ ਔਰਤ ਜਾਣਕਾਰੀ ਦੇਣ ਸਮੇਂ
Menu
