ਮਹਿਲ ਕਲਾਂ 15 ਦਸੰਬਰ ( ਜਸਵੰਤ ਸਿੰਘ ਲਾਲੀ )-
ਸਿਹਤ ਵਿਭਾਗ ਪੰਜਾਬ ਵੱਲੋਂ ਅੱਖਾਂ ਦੇ ਮੋਤੀਏ ਬਿੰਦ ਦੇ ਖਾਤਮੇ ਲਈ ਵਿੱਢੀ ਗਈ ਮੁਹਿੰਮ ਤਹਿਤ ਅੱਜ ਮੁੱਢਲੇ ਸਿਹਤ ਕੇਂਦਰ ਗਹਿਲ ਵਿਖੇ ਸਿਵਲ ਸਰਜਨ ਬਰਨਾਲਾ ਡਾ ਜਸਵੀਰ ਸਿੰਘ ਔਲਖ ਦੀਆਂ ਹਦਾਇਤਾਂ ਅਤੇ ਐਸਐਮਓ ਮਹਿਲ ਕਲਾਂ ਮੈਡਮ ਡਾ ਗੁਰਤੇਜਿੰਦਰ ਕੌਰ ਦੀ ਨਿਗਰਾਨੀ ਹੇਠ ਅੱਖਾਂ ਦਾ ਕੈਪ ਲਗਾਇਆ ਗਿਆ। ਇਸ ਮੌਕੇ ਡਾ ਇੰਦੂ ਮਲਹੋਤਰਾ ਅਤੇ ਡਾ ਰਾਜ ਕੁਮਾਰ ਨੇ ਆਪਣੀਆ ਟੀਮਾਂ ਨਾਲ ਮਰੀਜ਼ਾਂ ਦਾ ਚੈਕਅੱਪ ਕੀਤਾ। ਇਸ ਕੈਪ ਦੌਰਾਨ 200 ਤੋਂ ਵੱਧ ਮਰੀਜ਼ਾਂ ਦੇ ਅੱਖਾਂ ਦੀ ਜਾਂਚ ਕੀਤੀ। ਮੋਤੀਏ ਤੋਂ ਪ੍ਰਭਾਵਿਤ ਮਰੀਜਾਂ ਦਾ ਅਪਰੇਸਨ ਸਿਵਲ ਹਸਪਤਾਲ ਬਰਨਾਲਾ ਵਿਖੇ ਕੀਤਾ ਜਾਵੇਗਾ। ਇਸ ਮੌਕੇ ਮੈਡਮ ਡਾ ਗੁਰਤੇਜਿੰਦਰ ਕੌਰ ਨੇ ਕਿਹਾ ਕਿ ਜੋ ਲੋਕ ਅੱਖਾਂ ਜਾਂ ਹੋਰ ਕਿਸੇ ਬਿਮਾਰੀ ਤੋਂ ਪੀੜਤ ਹਨ ਉਹ ਹਸਪਤਾਲ ਪੁੱਜ ਕੇ ਡਾ ਸਹਿਬਾਨਾਂ ਦੀ ਰਾਇ ਜਰੂਰ ਲੈਣ। ਇਸ ਮੌਕੇ ਗੁਰਦੇਵ ਸਿੰਘ ਇੰਗਲੈਂਡ,ਡਾ ਪ੍ਰਕਾਸ਼ ਸਿੰਗਲਾ,ਏਐਮਡੀ ਸੀਮਾ ਬਾਸਲ,ਨੋਡਲ ਅਫਸਰ ਕਰਮ ਸਿੰਘ,ਰਾਜ ਸਿੰਘ, ਬਲਜਿੰਦਰ ਸਿੰਘ,ਅਵਤਾਰ ਸਿੰਘ,ਫਾਰਮੇਸੀ ਅਫਸਰ ਬੇਅੰਤ ਕੌਰ,ਉਪਵੈਦ ਸੁਖਵਿੰਦਰ ਸਿੰਘ, ਪਰਮਜੀਤ ਕੌਰ,ਏਐਨਐਮ ਸਰਬਜੀਤ ਕੌਰ, ਰਿੰਕੂ ਕੌਰ ਅਤੇ ਕੁਲਵੰਤ ਕੌਰ ਨੇ ਡਾਕਟਰੀ ਟੀਮ ਦਾ ਪੂਰਾ ਸਹਿਯੋਗ ਦਿੱਤਾ।
