ਯਾਰ ਮੁਨਸ਼ੀ ! ਆਪਣਾ ਮੋਟਰਸਾਈਕਲ ਚੋਰੀ ਹੋ ਗਿਆ-ਐਸਐੱਚਓ
ਲੁਧਿਆਣਾ 25 ਦਸੰਬਰ ( ਜੀ98 ਨਿਊਜ਼ ਸਰਵਿਸ)-
ਲੁਧਿਆਣਾ ਵਿੱਚ ਚੋਰਾਂ ਦੇ ਹੌਸਲੇ ਬੁਲੰਦ ਹੋਣ ਦੀ ਇੱਕ ਘਟਨਾ ਸਾਹਮਣੇ ਆਈ ਹੈ । ਚੋਰਾਂ ਨੇ ਲੁਧਿਆਣਾ ਦੇ ਹੇਠ ਐਡੀਸ਼ਨਲ SHO ਦਾ ਮੋਟਰਸਾਇਕਲ ਹੀ ਚੋਰੀ ਕਰ ਲਿਆ । ਕੈਲਾਸ਼ ਪੁਲਿਸ ਸਟੇਸ਼ਨ ਵਿਖੇ ਤਾਇਨਾਤ ਐਡੀਸ਼ਨਲ ਐੱਸ ਐੱਚ ਓ ਗੁਰਦੇਵ ਸਿੰਘ ਲੁਧਿਆਣਾ ਦੇ ਸਤਲੁਜ ਕਲੱਬ ਦੀਆਂ ਚੋਣਾਂ ਵਿਚ ਡਿਊਟੀ ਦੇਣ ਗਿਆ ਸੀ ਪ੍ਰੰਤੂ ਜਦ ਉਹ ਡਿਊਟੀ ਦੇਣ ਤੋਂ ਬਾਅਦ ਕਲੱਬ ਤੋਂ ਬਾਹਰ ਆਇਆ ਤਾਂ ਉਸ ਦਾ ਮੋਟਰਸਾਈਕਲ ਗਾਇਬ ਸੀ । ਸਤਲੁਜ ਕਲੱਬ ਦੇ ਬਾਹਰ ਜਿਸ ਜਗ੍ਹਾ ਐਸ ਐਚ ਓ ਨੇ ਮੋਟਰਸਾਇਕਲ ਖੜਾ ਕੀਤਾ ਸੀ, ਉਥੇ ਹੋਰ ਵੀ ਮੋਟਰ ਸਾਈਕਲ ਖੜ੍ਹੇ ਸਨ ਪ੍ਰੰਤੂ SHO ਦਾ ਮੋਟਰਸਾਈਕਲ ਗਾਇਬ ਸੀ । SHO ਗੁਰਦੇਵ ਸਿੰਘ ਆਪਣੇ ਹੱਥ ਮੋਟਰਸਾਈਕਲ ਦੀ ਚਾਬੀ ਫੜ ਕੇ ਇਧਰ-ਉਧਰ ਆਪਣਾ ਮੋਟਰਸਾਈਕਲ ਲੱਭ ਰਿਹਾ ਸੀ ਪ੍ਰੰਤੂ ਨਹੀਂ ਮਿਲਿਆ ਜਿਸ ਤੋਂ ਬਾਅਦ ਐਸਐਚਓ ਨੇ ਆਪਣੇ ਹੀ ਪੁਲਿਸ ਸਟੇਸ਼ਨ ਵਿਚ ਆਪਣੇ ਹੀ ਮੁਨਸ਼ੀ ਨੂੰ ਫੋਨ ਕੀਤਾ ਸੀ “ਯਾਰ ਮੁਨਸ਼ੀ ! ਆਪਣਾ ਮੋਟਰਸਾਈਕਲ ਚੋਰੀ ਹੋ ਗਿਆ” । ਮੌਕੇ ‘ਤੇ ਹਾਜ਼ਰ ਲੋਕਾਂ ਨੂੰ ਰਸਮੀ ਚਰਚਾ ਦੌਰਾਨ ਐਸ ਐਚ ਓ ਨੇ ਕਿਹਾ ਕਿ “ਹੁਣ ਮੈਨੂੰ ਆਪ ਹੀ ਆਪਣੇ ਮੋਟਰਸਾਇਕਲ ਦੀ ਚੋਰੀ ਰਪਟ ਲਿਖਣੀ ਪਵੇਗੀ” । ਕੈਲਾਸ਼ ਨਗਰ ਥਾਣੇ ਦੀ ਪੁਲਿਸ ਆਪਣੇ ਐਸ ਐਚ ਓ ਦਾ ਮੋਟਰਸਾਈਕਲ ਲੱਭਣ ਲਈ CCTV ਫੁਟੇਜ ਖੰਗਾਲ ਰਹੀ ਹੈ ।
