ਮਹਿਲ ਕਲਾਂ, 7 ਮਾਰਚ( ਜਸਵੰਤ ਸਿੰਘ ਲਾਲੀ ) ਐਸਐਸਪੀ ਬਰਨਾਲਾ ਸੰਦੀਪ ਮਲਿਕ, ਐਸਪੀ (ਡੀ) ਰਮਨੀਸ਼ ਚੌਧਰੀ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਗਮਦੂਰ ਸਿੰਘ ਚਹਿਲ ਪੀਪੀਐਸ ਉਪ ਕਪਤਾਨ ਪੁਲਿਸ ਸਬ ਡਵੀਜ਼ਨ ਮਹਿਲ ਕਲਾ ਦੀ ਅਗਵਾਈ ਅਧੀਨ ਲੁੱਟਖੋਹ ਅਤੇ ਚੋਰੀ ਦੀਆਂ ਘਟਨਾਵਾਂ ਰੋਕਣ ਸਬੰਧੀ ਚਲਾਈ ਮੁਹਿੰਮ ਤਹਿਤ ਥਾਣੇਦਾਰ ਸੁਖਵਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਠੁੱਲੀਵਾਲ ਨੂੰ ਗੁਪਤ ਸੂਚਨਾ ਪ੍ਰਾਪਤ ਹੋਈ ਕਿ ਸਤਵੀਰ ਸਿੰਘ ਵਾਸੀ ਸੱਦੋਵਾਲ, ਬਲਵਿੰਦਰ ਸਿੰਘ , ਅਵਤਾਰ ਸਿੰਘ ਵਾਸੀਆਨ ਹਠੂਰ, ਅੰਮ੍ਰਿਤਪਾਲ ਸਿੰਘ ਵਾਸੀ ਰਾਏਕੋਟ, ਧਰਮਪ੍ਰੀਤ ਸਿੰਘ , ਗਗਨਦੀਪ ਸਿੰਘ, ਸਿੰਦਰਪਾਲ ਸਿੰਘ ਵਾਸੀਆਨ ਝੋਰੜਾ ਨੇ ਮਿਲ ਕੇ ਇੱਕ ਗਿਰੋਹ ਬਣਾਇਆ ਹੋਇਆ ਹੈ। ਇਹ ਗਿਰੋਹ ਸ਼ਰਾਬ ਦੇ ਠੇਕੇ, ਬੈਂਕਾਂ ਅਤੇ ਲੁੱਟਾ ਖੋਹਾ ਵਗੈਰਾ ਕਰਨ ਦੇ ਆਦੀ ਹਨ, ਜੋ ਠੁੱਲੀਵਾਲ ਤੋਂ ਗੁੰਮਟੀ ਲਿੰਕ ਰੋਡ ਪਰ ਆਪਣੇ 2 ਮੋਟਰਸਾਇਕਲਾਂ ਅਤੇ ਆਲਟੋ ਕਾਰ ਸਮੇਤ ਬੈਠੇ ਹਨ। ਇਸ ’ਤੇ ਥਾਣੇਦਾਰ ਸੁਖਵਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਠੁੱਲੀਵਾਲ ਵੱਲੋਂ ਉਕਤ ਮੁਲਜ਼ਮਾਂ iਖ਼ਲਾਫ਼ ਮੁਕੱਦਮਾ ਦਰਜ ਕਰਕੇ, ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰਕੇ, ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ ਇੱਕ ਅਲਟੋ ਕਾਰ, ਦੋ ਮੋਟਰਸਾਇਕਲ ਬਰਾਮਦ ਕੀਤੇ ਗਏ ਹਨ।ਹੁਣ ਉਕਤ ਮੁਲਜਮਾਂ ਤੋਂ 6 ਹੋਰ ਮੋਟਰਸਾਇਕਲ, 3 ਐਕਟਿਵਾ ਸਕੂਟਰੀ, 1 ਏਅਰ ਪਿਸਟਲ, 2 ਐਲਈਡੀ, 2 ਗੈਸ ਸਲੰਡਰ, 4 ਮੋਬਾਇਲ, 1 ਸਪਰੇਅ ਪੰਪ ਆਦਿ ਬ੍ਰਾਮਦ ਕਰਵਾਏ ਗਏ।ਥਾਣੇਦਾਰ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮਾਂ ਦੀ ਪੁੱਛਗਿੱਛ ਤੋਂ ਪਾਇਆ ਗਿਆ ਕਿ ਮੁਲਜ਼ਮਾਂ ਵੱਲੋਂ ਆਲਟੋ ਕਾਰ ਸੰਗਰੂਰ ਦੇ ਏਰੀਆ ਅਤੇ 08 ਮੋਟਰਸਾਈਕਲ ਪਿੰਡ ਅੱਚਰਵਾਲ, ਜਗਰਾਉ, ਸ਼ਹਿਣਾ, ਰਾਏਕੋਟ, ਹਠੂਰ, ਬਰਨਾਲਾ ਅਤੇ ਸਕੂਟਰੀਆਂ ਜਗਰਾਉ ਅਤੇ ਰਾਏਕੋਟ, 2 ਐਲਈਡੀ ਮਹਿਲ ਕਲਾਂ ਅਤੇ ਛੀਨੀਵਾਲ ਕਲਾਂ ਅਤੇ 06 ਮੋਬਾਇਲ ਫੋਨ ਪਿੰਡ ਝੋਰੜਾ, ਰਾਏਕੋਟ, ਦੱਦਾਹੂਰ ਨਹਿਰ ਅਤੇ ਹਠੂਰ ਪਿੰਡ ਤੋਂ ਚੋਰੀ/ਖੋਹ ਕੀਤੇ ਸਨ। ਇਸ ਗੈਂਗ ਦਾ ਮੁਖੀ ਸਤਵੀਰ ਸਿੰਘ ਵਾਸੀ ਸੱਦੋਵਾਲ ਖਿਲਾਫ ਪਹਿਲਾਂ ਵੀ 4 ਮੁਕੱਦਮੇ ਦਰਜ ਹਨ, ਜਿਨ੍ਹਾਂ ਵਿੱਚ 2 ਚੋਰੀ ਅਤੇ ਲੁੱਟ ਖੋਹ ਦੇ ਮੁਕੱਦਮੇ ਦਰਜ ਹਨ।
