ਬਰਨਾਲਾ, 30 ਜੂਨ ( ਨਿਰਮਲ ਸਿੰਘ ਪੰਡੋਰੀ )- ਸ਼੍ਰੋਮਣੀ ਅਕਾਲੀ ਦਲ (ਅ) ਦੇ ਪ੍ਰਧਾਨ ਅਤੇ ਮੈਂਬਰ ਪਾਰਲੀਮੈਂਟ ਸ. ਸਿਮਰਨਜੀਤ ਸਿੰਘ ਮਾਨ ਵੱਲੋਂ ਜ਼ਿਲ੍ਹਾ ਬਰਨਾਲਾ ਅਧੀਨ ਆਉਂਦੇ ਝਲੂਰ ਨੂੰ ਓਪਨ ਜਿੰਮ ਦਾ ਤੋਹਫਾ ਦਿੱਤਾ ਹੈ, ਜਿਸਦੀ ਅੱਜ ਰਸਮੀ ਸ਼ੁਰੂਆਤ ਸ਼੍ਰੋਮਣੀ ਅਕਾਲੀ ਦਲ (ਅ) ਦੇ ਜ਼ਿਲ੍ਹਾ ਪ੍ਰਧਾਨ ਦਰਸ਼ਨ ਸਿੰਘ ਮੰਡੇਰ ਅਤੇ ਹਲਕਾ ਇੰਚਾਰਜ ਗੁਰਪ੍ਰੀਤ ਸਿੰਘ ਖੁੱਡੀ ਤੇ ਸਾਥੀਆਂ ਵੱਲੋਂ ਕੀਤਾ ਗਿਆ | ਮੌਕੇ ‘ਤੇ ਹਾਜ਼ਰ ਝਲੂਰ ਵਾਸੀਆਂ ਨੇ ਓਪਨ ਜਿੰਮ ਲਗਵਾਉਣ ਲਈ ਐਮ.ਪੀ. ਸ. ਸਿਮਰਨਜੀਤ ਸਿੰਘ ਮਾਨ ਦਾ ਧੰਨਵਾਦ ਕੀਤਾ |ਇਸ ਮੌਕੇ ਗੱਲਬਾਤ ਦੌਰਾਨ ਜ਼ਿਲ੍ਹਾ ਪ੍ਰਧਾਨ ਸ. ਮੰਡੇਰ ਅਤੇ ਹਲਕਾ ਇੰਚਾਰਜ ਸ. ਖੁੱਡੀ ਨੇ ਕਿਹਾ ਕਿ ਪਾਰਟੀ ਪ੍ਰਧਾਨ ਸ. ਮਾਨ ਲੋਕਪੱਖੀ ਸੋਚ ਦੇ ਮਾਲਕ ਹਨ | ਉਨ੍ਹਾਂ ਦੀ ਸੋਚ ਹਮੇਸ਼ਾ ਹਲਕੇ ਦੇ ਲੋਕਾਂ ਦੀ ਬਿਹਤਰੀ ਲਈ ਕੰਮ ਕਰਨ ਵੱਲ ਕੇਂਦਰਿਤ ਰਹਿੰਦੀ ਹੈ | ਜਿੱਥੇ ਉਨ੍ਹਾਂ ਵੱਲੋਂ ਹਲਕੇ ਦੀ ਬਿਹਤਰੀ ਲਈ ਕੇਂਦਰ ਸਰਕਾਰ ਤੋਂ ਕਰੋੜਾਂ ਰੁਪਏ ਦੇ ਪ੍ਰੋਜੈਕਟ ਪਾਸ ਕਰਵਾਏ ਜਾ ਰਹੇ ਹਨ, ਉੱਥੇ ਹੀ ਹਲਕੇ ਦੇ ਲੋਕਾਂ ਨੂੰ ਤੰਦਰੁਸਤੀ ਨੂੰ ਮੁੱਖ ਰੱਖਦਿਆਂ ਵੱਖ-ਵੱਖ ਥਾਵਾਂ ‘ਤੇ ਓਪਨ ਜਿੰਮ ਲਗਵਾਏ ਜਾ ਰਹੇ ਹਨ | ਇਸੇ ਕੜੀ ਤਹਿਤ ਐਮ.ਪੀ. ਲੈਂਡ ਸਕੀਮ ਤਹਿਤ ਨਗਰ ਝਲੂਰ ਵਿਖੇ ਵੀ ਓਪਨ ਜਿੰਮ ਲਗਵਾਇਆ ਗਿਆ ਹੈ, ਜਿਸ ‘ਤੇ ਕਰੀਬ 2,30,100 ਰੁਪਏ ਦੀ ਲਾਗਤ ਆਈ ਹੈ ਅਤੇ ਕੁੱਲ 08 ਮਸ਼ੀਨਾਂ ਲਗਾਈਆਂ ਗਈਆਂ ਹਨ | ਹੁਣ ਲੋਕ ਬਿਨ੍ਹਾਂ ਪੈਸਾ ਖਰਚ ਕੀਤਿਆਂ ਪਾਰਕ ਵਿੱਚ ਜਿੰਮ ਕਰਕੇ ਆਪਣੇ ਆਪ ਨੂੰ ਤੰਦਰੁਸਤ ਰੱਖ ਸਕਦੇ ਹਨ | ਇਸ ਮੌਕੇ ਵੱਡੀ ਗਿਣਤੀ ਵਿੱਚ ਪਾਰਟੀ ਆਗੂ ਅਤੇ ਨਗਰ ਨਿਵਾਸੀ ਹਾਜ਼ਰ ਸਨ | ਇਸ ਮੌਕੇ ਸੀ. ਮੀਤ ਪ੍ਰਧਾਨ ਪਿ੍ੰਸੀਪਲ ਬਲਦੇਵ ਸਿੰਘ, ਰਵੀ ਸਿੰਘ, ਜਗਸੀਰ ਸਿੰਘ, ਗੁਰਦੀਪ ਸਿੰਘ, ਬਲਵੀਰ ਸਿੰਘ, ਬਲਵੰਤ ਸਿੰਘ ਪੰਚਾਇਤ ਮੈਂਬਰ, ਬਿੰਦਰ ਸਿੰਘ ਸਰਪੰਚ, ਦਰਸ਼ਨ ਸਿੰਘ ਬਸਪਾ ਆਗੂ, ਸੀਨੀਅਰ ਆਗੂ ਬਲਵੰਤ ਸਿੰਘ ਸਾਬਕਾ ਸਰਪੰਚ, ਕੇਬਲ ਸਿੰਘ ਪਲੰਬਰ, ਮਾਨ ਸਿੰਘ, ਗੁਰਤੇਜ ਸਿੰਘ, ਕਾਲਾ ਟੇਲਰ, ਸੋਹਣ ਸਿੰਘ, ਗਾਮਾ ਖਾਨ, ਦਰਸ਼ਨ ਖਾਂ, ਸਮਸ਼ੇਰ ਸਿੰਘ ਚੱਠਾ, ਸੰਤੋਖ ਸਿੰਘ, ਗੁਰਪ੍ਰੀਤ ਸਿੰਘ, ਬਲਵੀਰ ਸਿੰਘ, ਨਵਾਬ ਖਾਂ, ਗੱਗ ਸਿੰਘ ਮਹਿਰਾ, ਬਲਵਿੰਦਰ ਸਿੰਘ, ਗੁਰਸਾਮਨ ਸਿੰਘ, ਗੁਰਵੀਰ ਸਿੰਘ, ਯੂਥ ਆਗੂ ਜੁਗਰਾਜ ਸਿੰਘ, ਸੋਹਣ ਖਾਂ, ਬਾਬਰ ਖਾਂ, ਬਲੀਆ ਖਾਂ, ਜੀਵਨ ਖਾਂ, ਸਫੀ ਖਾਂ, ਮੁਸਤਾਕ ਖਾਂ, ਤਾਲਮੇਲ ਸਕੱਤਰ ਦੀਪਕ ਸਿੰਗਲਾ, ਡਾ. ਜਸਵੀਰ ਸਿੰਘ ਉਪਲੀ,ਲਾਡੀ ਕੱਟੂ, ਸੰਦੀਪ ਸਿੰਘ ਫਰਵਾਹੀ, ਮਲਕੀਤ ਸਿੰਘ ਫਰਵਾਹੀ, ਸੁਰਿੰਦਰ ਸਿੰਘ ਬਰਨਾਲਾ, ਬੀਬੀ ਭਜਨ ਕੌਰ, ਜਗਦੀਪ ਸਿੰਘ ਦੀਪੂ ਬਰਨਾਲਾ, ਤੋਤਾ ਸਿੰਘ ਬਾਜਵਾ ਸਮੇਤ ਹੋਰ ਆਗੂ ਅਤੇ ਨਗਰ ਨਿਵਾਸੀ ਹਾਜ਼ਰ ਸਨ |
Menu
