ਬਰਨਾਲਾ, 30 ਅਗਸਤ (ਨਿਰਮਲ ਸਿੰਘ ਪੰਡੋਰੀ) :
ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸ) ਸਰਬਜੀਤ ਸਿੰਘ ਤੂਰ ਅਤੇ ਸਹਾਇਕ ਜ਼ਿਲ੍ਹਾ ਖੇਡ ਅਫ਼ਸਰ ਸਿਮਰਜੀਤ ਸਿੰਘ ਦੀ ਅਗਵਾਈ ਹੇਠ ਮਹਿਲ ਕਲਾਂ ਜ਼ੋਨ ਪੱਧਰ ਦੀਆਂ ਖੇਡਾਂ ਵਿੱਚ ਸਰਕਾਰੀ ਹਾਈ ਸਕੂਲ ਮਹਿਲ ਖੁਰਦ ਦੇ ਵਿਦਿਆਰਥੀਆਂ ਦੀ ਝੰਡੀ ਰਹੀ। ਜਾਣਕਾਰੀ ਦਿੰਦੇ ਹੋਏ ਹੈੱਡਮਾਸਟਰ ਕੁਲਦੀਪ ਸਿੰਘ ਕਮਲ ਨੇ ਦੱਸਿਆ ਕਿ ਖੇਡ ਮੁਕਾਬਲਿਆਂ ਵਿੱਚ ਅੰਡਰ-14 ਲੜਕੇ/ਲੜਕੀਆਂ ਖੋ-ਖੋ ਵਿੱਚ ਸਰਕਾਰੀ ਹਾਈ ਸਕੂਲ ਮਹਿਲ ਖੁਰਦ ਨੇ ਪਹਿਲੀ ਪੁਜ਼ੀਸਨ ਅਤੇ ਬੈਡਮਿੰਟਨ ਵਿੱਚ ਵੀ ਲੜਕੇ/ਲੜਕੀਆਂ ਨੇ ਪਹਿਲੀ ਪੁਜੀਸ਼ਨ ਹਾਸਿਲ ਕੀਤੀ। ਇਸ ਤੋਂ ਇਲਾਵਾ ਅੰਡਰ-14 ਅਤੇ ਅੰਡਰ -17 ਲੜਕੇ ਰੱਸਾਕੱਸੀ ਮਹਿਲ ਖੁੁਰਦ ਫਸਟ, ਅੰਡਰ -14 ਲੜਕੀਆਂ ਰੱਸੀ ਟੱਪਣਾ ਮਹਿਲ ਖੁਰਦ ਫਸਟ, ਅੰਡਰ -17 ਲੜਕੇ/ਲੜਕੀਆਂ ਬੈਡਮਿੰਟਨ ’ਚ ਵੀ ਮਹਿਲ ਖੁਰਦ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਜ਼ੋਨਲ ਪੱਧਰ ਦੀਆਂ ਦੋ ਰੋਜ਼ਾ ਖੇਡਾਂ ਦੇ ਪਹਿਲੇ ਦਿਨ ਉਦਘਾਟਨ ਪ੍ਰਿੰਸੀਪਲ ਬਰਜਿੰਦਰਪਾਲ ਸਿੰਘ ਅਤੇ ਦੂਜੇ ਦਿਨ ਚੇਅਰਮੈਨ ਸਕੂਲ ਮੈਨੇਜਮੈਂਟ ਕਮੇਟੀ ਜਸਵੰਤ ਸਿੰਘ ਲਾਲੀ ਨੇ ਕੀਤਾ। ਇਨ੍ਹਾਂ ਖੇਡਾਂ ਦੌਰਾਨ ਜ਼ੋਨਲ ਪ੍ਰਧਾਨ ਪ੍ਰਿੰਸੀਪਲ ਹਰੀਸ਼ ਬਾਂਸਲ ਨੇ ਵਿਸ਼ੇਸ਼ ਹਾਜ਼ਰੀ ਲਗਾਈ। ਜ਼ੋਨ ਸਕੱਤਰ ਪਾਲਾ ਸਿੰਘ, ਬੀਐਮ ਲਖਵੀਰ ਸਿੰਘ , ਕਨਵੀਨਰ ਨਵਜੋਤ ਸਿੰਘ, ਬਾਬੂ ਸਿੰਘ ਦੇਵਇੰਦਰ ਸਿੰਘ, ਸੰਸਾਰ ਸਿੰਘ, ਸਤਨਾਮ ਸਿੰਘ , ਹਰਦੇਵ ਸਿੰਘ ਨੇ ਸਾਰੇ ਮੁਕਾਬਲਿਆਂ ਦੀ ਅੰਪਾਇਰਿੰਗ ਕੀਤੀ। ਸਮੁੱਚੇ ਖੇਡ ਪ੍ਰਬੰਧਾਂ ਲਈ ਕਰਨ ਬਾਤਿਸ਼, ਹਰਪ੍ਰੀਤ ਕੌਰ, ਊਸ਼ਾ ਦੇਵੀ, ਭੁਪਿੰਦਰ ਕੌਰ, ਬਲਵਿੰਦਰ ਕੌਰ, ਅਮਨਜੋਤ ਕੌਰ, ਮਨਪ੍ਰੀਤ ਸ਼ਰਮਾ ਨੇ ਆਪਣੀ ਡਿਊਟੀ ਬਾਖ਼ੂਬੀ ਨਿਭਾਈ। ਦੋਵੇਂ ਦਿਨ ਸਾਰੇ ਖਿਡਾਰੀਆਂ ਲਈ ਗੁਰਦੁਆਰਾ ਸਾਹਿਬ ਦੀ ਕਮੇਟੀ ਨੇ ਲੰਗਰ ਦੀ ਸੇਵਾ ਕੀਤੀ ਗਈ ਅਤੇ ਅਰਸ਼ਦੀਪ ਮਹੰਤ ਵੱਲੋਂ ਸਾਰੇ ਖਿਡਾਰੀਆਂ ਨੂੰ ਇੱਕ ਕੁਇੰਟਲ ਕੇਲਿਆਂ ਦੀ ਰਿਫਰੈਂਸਮੈਟ ਦਿੱਤੀ ਗਈ।
