ਬਰਨਾਲਾ 4 ਜਨਵਰੀ (ਨਿਰਮਲ ਸਿੰਘ ਪੰਡੋਰੀ)-
ਬਰਨਾਲਾ ਪੁਲਿਸ ਨੇ ਨਵੇਂ ਸਾਲ ਦੀ ਰਾਤ ਹੰਢਿਆਇਆ ਦੀ ਬਲਕਾਰ ਕੰਬਾਈਨ ਫੈਕਟਰੀ ਹੰਢਿਆਇਆ ਵਿੱਚੋ ਚੋਰੀ ਕਰਨ ਵਾਲੇ ਚੋਰਾਂ ਨੂੰ ਕਾਬੂ ਕਰਨ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡੀਐਸਪੀ ਸਤਵੀਰ ਸਿੰਘ ਪੀਪੀਐਸ ਨੇ ਦੱਸਿਆ ਕਿ ਐਸਐਸਪੀ ਸੰਦੀਪ ਕੁਮਾਰ ਆਈਪੀਐਸ ਦੀਆਂ ਹਦਾਇਤਾਂ ਉਪਰ ਰਮਨੀਸ਼ ਕੁਮਾਰ ਚੌਧਰੀ ਐਸਪੀ ਡੀ ਦੀ ਅਗਵਾਈ ਹੇਠ ਮਾੜੇ ਅਨਸਰਾਂ ਖਿਲਾਫ ਵਿੱਢੀ ਮੁਹਿੰਮ ਤਹਿਤ ਐਸਐਚਓ ਗੁਰਤਾਰ ਸਿੰਘ ਥਾਣਾ ਸਦਰ ਬਰਨਾਲਾ,ਪੁਲਿਸ ਚੌਂਕੀ ਹੰਢਿਆਇਆ ਦੇ ਇੰਚਾਰਜ ਤਰਸੇਮ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਬਲਕਾਰ ਕੰਬਾਇਨ ਫੈਕਟਰੀ ਵਿੱਚੋ 37 ਵੈਲਡਿੰਗ ਹੋਲਡਰ, 3 ਮੋਬਾਈਲ ਟੱਚ ਸਕਰੀਨ, 1 ਡਰਿੱਲ, 4 ਗਰੈਂਡਰ, 5 ਬੈਟਰੀਆਂ ਚੋਰੀ ਕਰਨ ਵਾਲੇ ਗੁਰਪ੍ਰੀਤ ਸਿੰਘ ਉਰਫ ਗੋਪੀ, ਗੁਰਮੇਲ ਸਿੰਘ ਉਰਫ਼ ਕਾਲੂ, ਪਰਗਟ ਸਿੰਘ ਉਰਫ ਗੋਸਾ, ਆਸਰਮ ਸਿੰਘ ਸਾਰੇ ਵਾਸੀ ਹੰਢਿਆਇਆ ਨੂੰ ਕਾਬੂ ਕੀਤਾ ਹੈ। ਕਾਬੂ ਕੀਤੇ ਚੋਰਾਂ ਕੋਲੋਂ ਪੁਲਿਸ ਨੇ ਚੋਰੀ ਦਾ ਕਾਫੀ ਸਾਮਾਨ ਵੀ ਬਰਾਮਦ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਦੋਸ਼ੀਆਂ ਦਾ ਰਿਮਾਂਡ ਲਿਆ ਗਿਆ ਹੈ ਜਿਸ ਤਹਿਤ ਹੋਰ ਵੀ ਪੁੱਛਗਿੱਛ ਕੀਤੀ ਜਾਵੇ ।
