ਬਰਨਾਲਾ 20 ਫਰਵਰੀ (ਸੋਨੀ ਧਨੌਲਾ)-
ਥਾਣਾ ਸਿਟੀ ਬਰਨਾਲਾ ਦੀ ਪੁਲਿਸ ਵਲੋਂ ਮੋਟਰਾਂ ਦੀਆਂ ਤਾਰਾਂ ਚੋਰੀ ਕਰਨ ਵਾਲਿਆਂ ਦੇ ਖਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਵਲੋਂ ਮੁਦੱਈ ਜਗਰਾਜ ਸਿੰਘ ਪੁੱਤਰ ਮੁਖਤਿਆਰ ਸਿੰਘ ਵਾਸੀ ਤਲਵੰਡੀ ਪੱਤੀ ਹੰਡਿਆਇਆ ਨੇ ਸਿ਼ਕਾਇਤ ਦਰਜ ਕਰਵਾਈ ਕਿ ਨਵੀਨ ਕੁਮਾਰ ਉਰਫ ਵਿੱਕੀ,ਜੀਵਨ ਸਿੰਘ ਉਰਫ਼ ਲਵਲੀ, ਅਕਸੇ ਕੁਮਾਰ ਤੇ ਗੁਰਸੇਵਕ ਸਿੰਘ ਉਰਫ਼ ਮੌਲਾ ਵਾਸੀਆਨ ਹੰਡਿਆਇਆ ਦੇ ਖਿਲਾਫ਼ ਦਰਜ ਰਜਿਸਟਰ ਕਰਵਾਇਆ ਗਿਆ ਸੀ, ਉਕਤਾਨ ਵਿਅਕਤੀਆਂ ਨੇ ਮੁਦੱਈ ਜਗਰਾਜ ਸਿੰਘ,ਬਲਵੀਰ ਸਿੰਘ ਮਹਿਰਮੀਆ ਪੁੱਤਰ ਅਰਜਨ ਸਿੰਘ ਤੇ ਹਾਕਮ ਸਿੰਘ ਪੁੱਤਰ ਜਰਨੈਲ ਸਿੰਘ ਵਾਸੀ ਹੰਡਿਆਇਆ ਦੀ ਮੋਟਰ ਦੀ ਕੇਬਲ ਤਾਰ ਕੱਢ ਕੇ ਚੋਰੀ ਕਰਕੇ ਅੱਗੇ ਅਕਸੇ ਕੁਮਾਰ ਪੁੱਤਰ ਜਰਨੈਲ ਸਿੰਘ ਵਾਸੀ ਬੀੜ ਕਲੋਨੀ ਹੰਡਿਆਇਆ ਨੂੰ ਵੇਚਦੇ ਸਨ। ਸਹਾਇਕ ਥਾਣੇਦਾਰ ਜ਼ਸਵੀਰ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਦੌਰਾਨੇ ਤਫ਼ਤੀਸ ਨਵਨ ਕੁਮਾਰ ਉਰਫ਼ ਵਿੱਕੀ, ਜੀਵਨ ਸਿੰਘ ਉਰਫ਼ ਲਵਲੀ ਤੇ ਅਕਸੇ ਕੁਮਾਰ ਨੂੰ ਦਾਣਾ ਮੰਡੀ ਹੰਡਿਆਇਆ ਚੋਂ ਗ੍ਰਿਫ਼ਤਾਰ ਕੀਤਾ। ਗੁਰਸੇਵਕ ਸਿੰਘ ਉਰਫ਼ ਮੌਲਾ ਦੀ ਗ੍ਰਿਫ਼ਤਾਰੀ ਅਜੇ ਬਾਕੀ ਹੈ। ਉਕਤਾਨ ਵਿਅਕਤੀਆਂ ਪਾਸੋ 65 ਫੁੱਟ ਕੇਬਲ ਤਾਰ ਵੀ ਬਰਾਮਦ ਕਰਵਾਈ ਗਈ ਹੈ।
