ਬਰਨਾਲਾ 2 ਜੂਨ,( ਹਰਵਿੰਦਰ ਸਿੰਘ ਕਾਲਾ )-
ਪੰਜਾਬ ਸਰਕਾਰ ਦੇ ਸਹਿਕਾਰਤਾ ਵਿਭਾਗ ਦੀਆਂ ਵੱਖ-ਵੱਖ ਮੁਲਾਜ਼ਮ ਜੱਥੇਬੰਦੀਆਂ ਦੀ ਮਾਰਕਫੈਡ ਮੁੱਖ ਦਫ਼ਤਰ ਸੈਕਟਰ 35-ਬੀ ਵਿਖੇ ਮੀਟਿੰਗ ਹੋਈ, ਜਿਸ ਵਿੱਚ ਸਮੂਹ ਸਹਿਕਾਰੀ ਅਦਾਰਿਆਂ ਨੂੰ ਆ ਰਹੀਆਂ ਦਰਪੇਸ਼ ਮੁਸ਼ਕਲਾਂ ਤੇ ਵਿਸਥਾਰਪੂਰਵਕ ਵਿਚਾਰ ਵਟਾਂਦਰਾ ਕੀਤਾ ਗਿਆ।ਇਸ ਮੀਟਿੰਗ ਵਿੱਚ ਸਮੂਹ ਸਹਿਕਾਰੀ ਅਦਾਰਿਆਂ ਦੀਆਂ ਸ਼ਾਮਲ ਜੱਥੇਬੰਦੀਆਂ ਨੇ ਇੱਕ ਝੰਡੇ ਹੇਠਾਂ ਇਕੱਠੇ ਹੋ ਕੇ ਮੁਲਾਜ਼ਮ ਮੰਗਾਂ ਦੀ ਪੂਰਤੀ ਕਰਵਾਉਣ ਲਈ ਸੰਘਰਸ਼ ਕਰਨ ਦੀ ਹਾਮੀ ਭਰੀ ਅਤੇ ਪੁਰਾਣੇ ਸਮਿਆਂ ਵਾਂਗ ਇੱਕ ਮੁਲਾਜ਼ਮ ਮਹਾਂਸੰਘ ਬਣਾਉਣ ਦੀ ਲੋੜ ਤੇ ਜੋਰ ਦਿੱਤਾ।ਇਸ ਮੀਟਿੰਗ ਵਿੱਚ ਮਾਰਕਫੈੱਡ ਫੀਲਡ ਇੰਪਲਾਈਜ਼ ਯੂਨੀਅਨ (ਰਜਿ.) ਪੰਜਾਬ,ਲੈਂਡ ਮਾਰਗੇਜ਼ ਬੈਂਕਸ ਕਰਮਚਾਰੀ ਯੂਨੀਅਨ (ਰਜਿ.),ਪੰਜਾਬ,ਕੋਆਪਰੇਟਿਵ ਬੈਂਕ ਇੰਪਲਾਈਜ਼ ਫੈਡਰੇਸ਼ਨ ਸਟੇਟ ਆਫ ਪੰਜਾਬ (ਰਜਿ.), ਦੀ ਪੰਜਾਬ ਸਟੇਟ ਕੋਆਪ ਮਿਲਕ ਪਲਾਂਟਸ/ਪ੍ਰੋਜੈਕਟਸ ਇੰਪਲਾਈਜ਼ ਫੈਡਰੇਸ਼ਨ ਰਜਿ. – ਮਿਲਕਫੈੱਡ ਯੂਨੀਅਨ, ਪੰਜਾਬ ਸਟੇਟ ਮਨਿਸਟੀਰੀਅਲ ਸਰਵਿਸਿਜ਼ ਯੂਨੀਅਨ ਕੋਆਪਰੇਟਿਵ ਡਿਪਾਰਟਮੈਂਟ, ਪੰਜਾਬ,ਦੀ ਪੰਜਾਬ ਸਟੇਟ ਐਗਰੀਕਲਚਰਲ ਕੋਆਪਰੇਟਿਵ ਸੁਸਾਇਟੀਜ਼ ਇੰਪਲਾਈਜ਼ ਯੂਨੀਅਨ ਪੰਜਾਬ,ਦੀ ਪੰਜਾਬ ਕੋਆਪਰੇਟਿਵ ਮਾਰਕੀਟਿੰਗ ਸੁਸਾਇਟੀਜ਼ ਇੰਪਲਾਈਜ਼ ਯੂਨੀਅਨ (ਰਜਿ.) ਅਤੇ ਦੀ ਪੰਜਾਬ ਸਟੇਟ ਕੋਆਪਰੇਟਿਵ ਬੈਂਕ ਇੰਪਲਾਈਜ਼ ਯੂਨੀਅਨ, ਚੰਡੀਗੜ੍ਹ ਦੇ ਵੱਖ-ਵੱਖ ਸੂਬਾ ਆਗੂਆਂ ਅਤੇ ਅਹੁੱਦੇਦਾਰਾਂ ਨੇ ਸ਼ਮੂਲੀਅਤ ਕੀਤੀ।ਮੀਟਿੰਗ ਦੌਰਾਨ ਪੰਜਾਬ ਰਾਜ ਸਹਿਕਾਰੀ ਮੁਲਾਜ਼ਮ ਮਹਾਂਸੰਘ (ਫੈਡਰੇਸ਼ਨ) ਨੂੰ ਹੋਂਦ ਵਿੱਚ ਲਿਆਂਦਾ ਗਿਆ।
ਇਸ ਮੀਟਿੰਗ ਵਿੱਚ ਸ਼ਾਮਲ ਸਾਰੇ ਆਗੂਆਂ ਵੱਲੋਂ ਸਰਬਸੰਮਤੀ ਨਾਲ ਜਸਬੀਰ ਸਿੰਘ ਰੱਕੜ (ਮਾਰਕਫੈੱਡ) ਨੂੰ ਬਤੌਰ ਪ੍ਰਧਾਨ,ਜਸਵੀਰ ਸਿੰਘ ਗਿੱਲ, ਬਰਨਾਲਾ (ਐਸ.ਏ.ਡੀ.ਬੀ.) ਨੂੰ ਬਤੌਰ ਫੈਡਰੇਸ਼ਨ ਦੇ ਚੇਅਰਮੈਨ,ਸ਼੍ਰੀ ਧੀਰਜ ਕੁਮਾਰ ਸ਼ਰਮਾ (ਡੀ ਸੀ ਸੀ ਬੀ) ਨੂੰ ਬਤੌਰ ਜਨਰਲ ਸਕੱਤਰ ਅਤੇ ਸੁਖਦੇਵ ਸਿੰਘ ਬਠਿੰਡਾ (ਮਿਲਕਫੈੱਡ)ਨੂੰ ਬਤੌਰ ਵਿੱਤ ਸਕੱਤਰ ਚੁਣਿਆ ਗਿਆ।ਇਸ ਦੇ ਨਾਲ ਹੀ ਜਸਮਿੰਦਰ ਸਿੰਘ (ਸਹਿਕਾਰਤਾ ਵਿਭਾਗ) ਨੂੰ ਪ੍ਰੈੱਸ ਸਕੱਤਰ,ਜਗਦੀਪ ਸਿੰਘ (ਖੇਤੀਬਾੜੀ ਸਭਾਵਾਂ) ਨੂੰ ਕਾਨੂੰਨੀ ਸਲਾਹਕਾਰ,ਸਤਨਾਮ ਸਿੰਘ (ਸੀਐਮਐਸ) ਨੂੰ ਵਧੀਕ ਵਿੱਤ ਸਕੱਤਰ,ਰਾਜਵੀਰ ਸਿੰਘ ਭੰਗੂ (ਪੀਐਸਸੀਬੀ) ਨੂੰ ਸੰਯੁਕਤ ਸਕੱਤਰ,ਸ਼੍ਰੀ ਰੋਹਿਤ ਕੌਸ਼ਲ (ਡੀਸੀਸੀਬੀ) ਨੂੰ ਦਫ਼ਤਰ ਸਕੱਤਰ,ਗੁਲਜ਼ਾਰ ਸਿੰਘ (ਮਿਲਕਫੈੱਡ) ਨੂੰ ਤਾਲਮੇਲ ਸਕੱਤਰ ਚੁਣਿਆ ਗਿਆ।ਇਸ ਤੋਂ ਇਲਾਵਾ ਫੈਡਰੇਸ਼ਨ ਦੀ ਕਾਰਜਕਾਰੀ ਕਮੇਟੀ ਵੀ ਬਣਾਈ ਗਈ ਜਿਸ ਵਿੱਚ ਈਸ਼ ਵਡੇਰਾ (ਮਾਰਕਫੈੱਡ),ਅਮਰੀਕ ਸਿੰਘ ਸੈਣੀ (ਮਾਰਕਫੈੱਡ), ਸੰਦੀਪ ਰਾਣਾ (ਮਿਲਕਫੈੱਡ), ਕੁਲਵੰਤ ਸਿੰਘ (ਮਿਲਕਫੈੱਡ), ਦਿਨੇਸ਼ ਤਿਵਾਰੀ (ਡੀਸੀਸੀਬੀ), ਸਤੀਸ਼ ਕੁਮਾਰ ਸਿੰਗਲਾ (ਪੀਐਸਸੀਬੀ), ਗੁਰਪਿੰਦਰ ਸਿੰਘ ਘੁੰਮਣ (ਪੀਐਸਸੀਬੀ),ਅੰਗਰੇਜ਼ ਸਿੰਘ (ਐਸ.ਏ.ਡੀ.ਬੀ.),ਮਨਦੀਪ ਕੌਰ (ਐਸ.ਏ.ਡੀ.ਬੀ), ਗੁਰਤੇਜ ਸਿੰਘ (ਸੀਏਐਸਐਸ),ਸ਼ਿੰਗਾਰਾ ਲੰਗੇਰੀ (ਸੀਏਐਸਐਸ),ਨਵਪ੍ਰੀਤ ਕੌਰ ਗੁਲਾਟੀ (ਮਾਰਕਫੈੱਡ),ਹਰਵਿੰਦਰਜੀਤ ਸਿੰਘ (ਸਹਿਕਾਰਤਾ ਵਿਭਾਗ),ਗੁਰਦੀਪ ਚੋਪੜਾ (ਸੀਐਮਐਸ) ਅਤੇ ਇਕਬਾਲ ਸਿੰਘ ਬੰਗਾ (ਸੀਐਮਐਸ) ਨੂੰ ਬਤੌਰ ਕਾਰਜਕਾਰੀ ਮੈਂਬਰ ਨਿਯੁਕਤ ਕੀਤਾ ਗਿਆ। ਅੰਤ ਵਿੱਚ ਪ੍ਰਧਾਨ ਸ. ਜਸਬੀਰ ਸਿੰਘ ਰੱਕੜ,ਚੇਅਰਮੈਨ ਸ. ਜਸਵੀਰ ਸਿੰਘ ਗਿੱਲ ਅਤੇ ਜਨਰਲ ਸਕੱਤਰ ਸ਼੍ਰੀ ਧੀਰਜ ਕੁਮਾਰ ਸ਼ਰਮਾ ਨੇ ਫੈਡਰੇਸ਼ਨ ਦੀ ਇਸ ਮੀਟਿੰਗ ਵਿੱਚ ਹਾਜ਼ਰ ਹੋਏ ਸਾਰੇ ਆਗੂਆਂ ਦਾ ਫੈਡਰੇਸ਼ਨ ਵੱਲੋਂ ਧੰਨਵਾਦ ਕੀਤਾ ਅਤੇ ਫੈਡਰੇਸ਼ਨ ਦੇ ਸਾਰੇ ਹੀ ਆਗੂਆਂ ਨੇ ਸਹਿਕਾਰਤਾ ਲਹਿਰ ਨੂੰ ਪੰਜਾਬ ਵਿੱਚ ਇੱਕ ਵਾਰ ਫੇਰ ਤੋਂ ਹੁਲਾਰਾ ਦੇਣ ਦਾ ਸੰਕਲਪ ਕੀਤਾ।
