ਖੇਤਾਂ ਚੋਂ ਮਿਲੀ ਵਿਦਿਆਰਥਣ ਦੀ ਲਾਸ਼, ਕੱਲ ਹੋਈ ਸੀ ਲਾਪਤਾ
ਲੁਧਿਆਣਾ-ਲੁਧਿਆਣਾ ਜ਼ਿਲ੍ਹੇ ਦੇ ਪਿੰਡ ਭਾਮੀਆਂ ਦੇ ਖੇਤਾਂ ਵਿੱਚੋਂ ਇਕ ਵਿਦਿਆਰਥਣ ਦੀ ਲਾਸ਼ ਮਿਲੀ ਹੈ। ਵਿਦਿਆਰਥਣ ਦਾ ਨਾਮ ਆਂਚਲ ਦੱਸਿਆ ਜਾ ਰਿਹਾ ਹੈ ਜੋ ਸਰਕਾਰੀ ਸਕੂਲ ਦੀ ਗਿਆਰਵੀਂ ਜਮਾਤ ਦੀ ਵਿਦਿਆਰਥਣ ਸੀ ਅਤੇ ਕੱਲ੍ਹ ਤੋਂ ਲਾਪਤਾ ਸੀ। ਮਾਪਿਆਂ ਨੇ ਦੱਸਿਆ ਕਿ ਆਂਚਲ ਘਰੋਂ ਪੇਪਰ ਦੇਣ ਗਈ ਪ੍ਰੰਤੂ ਵਾਪਸ ਘਰ ਨਹੀਂ ਪਰਤੀ ਜਿਸ ਤੋਂ ਬਾਅਦ ਉਸ ਦੀ ਭਾਲ ਕੀਤੀ ਗਈ ਪਰ ਕੋਈ ਅਤਾ-ਪਤਾ ਨਹੀਂ ਲੱਗਿਆ। ਵਿਦਿਆਰਥਣ ਦੇ ਮਾਪਿਆਂ ਨੇ ਪੁਲਿਸ ਕੋਲ ਵੀ ਸੂਚਨਾ ਦਰਜ ਕਰਵਾਈ। ਸਵੇਰੇ ਪਿੰਡੋਂ ਬਾਹਰ ਸੈਰ ਕਰਨ ਨਿਕਲੇ ਕਿਸੇ ਵਿਅਕਤੀ ਨੇ ਖੇਤਾਂ ਵਿੱਚ ਲਾਸ਼ ਪਈ ਦੇਖੀ ਦਾ ਪੁਲਿਸ ਨੂੰ ਸੂਚਨਾ ਦਿੱਤੀ, ਜਿਸ ਦੀ ਸ਼ਨਾਖਤ ਬੀਤੇ ਕੱਲ੍ਹ ਲਾਪਤਾ ਹੋਈ ਵਿਦਿਆਰਥਣ ਆਂਚਲ ਦੇ ਰੂਪ ਵਿਚ ਹੋਈ। ਵਿਦਿਆਰਥਣ ਦੇ ਗਲੇ ਉਪਰ ਸੱਟ ਦੇ ਨਿਸ਼ਾਨ ਵੀ ਮਿਲੇ ਹਨ ਜਿਸ ਤੋਂ ਸ਼ੱਕ ਕੀਤਾ ਜਾ ਰਿਹਾ ਹੈ ਕਿ ਉਸ ਦਾ ਕਤਲ ਰੱਸੀ ਜਾਂ ਕੱਪੜੇ ਨਾਲ ਗਲਾ ਘੁੱਟ ਕੇ ਕੀਤਾ ਹੋ ਸਕਦਾ ਹੈ। ਬਹਰਹਾਲ ! ਕਤਲ ਦੇ ਕਾਰਨਾਂ ਦਾ ਪੋਸਟ ਮਾਰਟਮ ਤੋਂ ਬਾਅਦ ਪਤਾ ਲੱਗੇਗਾ। ਪੁਲਿਸ ਮੁਕੱਦਮਾ ਦਰਜ ਕਰਕੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਵੇਖ ਰਹੀ ਹੈ।
