ਕਬੱਡੀ ਖਿਡਾਰੀ ਤੋਂ ਮਿਲੇ ਤਿੰਨ ਨਾਜਾਇਜ਼ ਪਿਸਤੌਲ
ਮਾਨਸਾ-ਪੁਲਿਸ ਨੇ ਨਾਕੇਬੰਦੀ ਦੌਰਾਨ ਇਕ ਕਬੱਡੀ ਖਿਡਾਰੀ ਨੂੰ ਕਾਬੂ ਕੀਤਾ ਜਿਸ ਕੋਲੋਂ ਇੱਕ ਨਾਜਾਇਜ਼ ਪਿਸਤੌਲ ਬਰਾਮਦ ਹੋਇਆ । ਜ਼ਿਲ੍ਹਾ ਪੁਲਿਸ ਮੁਖੀ ਡਾ. ਨਾਨਕ ਸਿੰਘ ਨੇ ਦੱਸਿਆ ਕਿ ਨਾਕੇਬੰਦੀ ਦੌਰਾਨ ਰਮਨਦੀਪ ਸਿੰਘ ਪੁੱਤਰ ਜਗਰਾਜ ਸਿੰਘ ਵਾਸੀ ਪਿੰਡ ਕੁੱਤੀਵਾਲ ਬਠਿੰਡਾ ਨੂੰ ਰੋਕਿਆ ਅਤੇ ਤਲਾਸ਼ੀ ਦੌਰਾਨ ਉਸ ਕੋਲੋਂ 1 ਪਿਸਤੌਲ ਬਰਾਮਦ ਹੋਇਆ , ਜਿਸ ਤੋਂ ਬਾਅਦ ਵਿੱਚ ਦੋ ਹੋਰ ਪਿਸਤੌਲ 30 ਬੋਰ ਅਤੇ ਦੂਜਾ 32 ਬੋਰ ਵੀ ਬਰਾਮਦ ਕੀਤੇ ਗਏ । ਪੁਲਿਸ ਨੇ ਰਮਨਦੀਪ ਸਿੰਘ ਦੀ ਕਾਰ ਵੀ ਜ਼ਬਤ ਕਰ ਲਈ ਹੈ । ਰਮਨਦੀਪ ਸਿੰਘ ਖਿਲਾਫ ਅਸਲਾ ਐਕਟ ਤਹਿਤ ਮੁਕੱਦਮਾ ਦਰਜ ਕਰਕੇ ਪੁਲਿਸ ਨੇ ਉਸ ਦਾ ਰਿਮਾਂਡ ਹਾਸਲ ਕੀਤਾ ਹੈ । ਰਮਨਦੀਪ ਸਿੰਘ ਦੇ ਖਿਲਾਫ ਪਹਿਲਾਂ ਵੀ ਅਸਲਾ ਐਕਟ ਤਹਿਤ ਮਾਮਲਾ ਦਰਜ ਹੋ ਚੁੱਕਾ ਹੈ,ਜੋ ਇਕ ਚੰਗਾ ਕਬੱਡੀ ਖਿਡਾਰੀ ਹੈ ।
