ਬਰਨਾਲਾ,15 ਅਕਤੂਬਰ (Gee98 news) ਬਹੁਜਨ ਸਮਾਜ ਪਾਰਟੀ ਦੇ ਆਗੂਆਂ ਨੇ ਹਰਪਾਲ ਸਿੰਘ ਰੋਡਵੇਜ਼ ਮੁਲਾਜ਼ਮ ਦੀ ਜੱਜ ਬਣੀ ਹੋਣਹਾਰ ਲੜਕੀ ਕਿਰਨਦੀਪ ਕੌਰ ਨੂੰ ਭਾਰਤ ਰਤਨ ਬਾਬਾ ਸਾਹਿਬ ਡਾਕਟਰ ਬੀ ਆਰ ਅੰਬੇਡਕਰ ਸਾਹਿਬ ਦੀ ਫੋਟੋ, ਸਿਰੋਪਾਉ, ਹਾਰ ਪਾ ਕੇ ਸਨਮਾਨਿਤ ਕੀਤਾ ਅਤੇ ਉਹਨਾਂ ਦੇ ਮਾਤਾ ਪਿਤਾ ਅਤੇ ਰਿਸ਼ਤੇਦਾਰਾਂ ਨੂੰ ਸਾਰੀ ਪਾਰਟੀ ਵੱਲੋਂ ਬਹੁਤ ਬਹੁਤ ਮੁਬਾਰਕਾਂ ਦਿੱਤੀਆਂ । ਇਸ ਮੌਕੇ ਪਾਰਟੀ ਦੇ ਸੂਬਾ ਜਨਰਲ ਸਕੱਤਰ ਚਮਕੌਰ ਸਿੰਘ ਵੀਰ ਨੇ ਕਿਹਾ ਕਿ ਬੇਟੀ ਨੇ ਬੇਹੱਦ ਦਿੱਕਤਾਂ ਦਾ ਸਾਹਮਣਾ ਕਰਦੇ ਹੋਏ ਕਿਰਨਦੀਪ ਕੌਰ ਨੇ ਜੱਜ ਬਣਨ ਦਾ ਸੁਪਨਾ ਪੂਰਾ ਕੀਤਾ। ਉਨ੍ਹਾਂ ਕਿਹਾ ਕਿ ਔਰਤਾਂ ਦੇ ਮੁਕਤੀ ਦਾਤਾ ਭਾਰਤ ਰਤਨ ਬਾਬਾ ਸਾਹਿਬ ਡਾਕਟਰ ਬੀ ਆਰ ਅੰਬੇਡਕਰ ਸਾਹਿਬ ਦੇ ਦਿੱਤੇ ਅਧਿਕਾਰਾਂ ਤਹਿਤ ਅੱਜ ਬਹੁਜਨ ਸਮਾਜ ਦੀਆਂ ਧੀਆਂ ਜੱਜ, ਡਿਪਟੀ ਕਮਿਸ਼ਨਰ, ਆਈ ਪੀ ਐਸ,ਪਾਇਲਟ ਅਤੇ ਉੱਚ ਅਹੁਦਿਆਂ ‘ਤੇ ਬਿਰਾਜਮਾਨ ਹੋ ਰਹੀਆਂ ਹਨ। ਉਹਨਾਂ ਕਿਹਾ ਕਿ ਇਹ ਤਰੱਕੀਆਂ ਬਾਬਾ ਸਾਹਿਬ ਦੇ ਦਿੱਤੇ ਅਧਿਕਾਰਾਂ ਤਹਿਤ ਹੀ ਅਜਿਹਾ ਸੰਭਵ ਹੋ ਸਕੀਆ ਹਨ। ਇਸ ਸਮੇਂ ਦਰਸ਼ਨ ਸਿੰਘ ਜਲੂਰ ਸੂਬਾ ਸਕੱਤਰ, ਜਸਵੀਰ ਸਿੰਘ ਜੱਸੀ ਜ਼ਿਲ੍ਹਾ ਮੀਤ ਪ੍ਰਧਾਨ, ਹਵਾ ਸਿੰਘ ਹਨੇਰੀ ਸੀਨੀਅਰ ਆਗੂ, ਜਥੇਦਾਰ ਹਰਬੰਸ ਸਿੰਘ ਛੀਨੀਵਾਲ ਪ੍ਰਧਾਨ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ, ਕੁਲਦੀਪ ਸਿੰਘ ਖਜ਼ਾਨਚੀ ਮਹਿਲ ਕਲਾਂ, ਗੁਰਜੀਤ ਸਿੰਘ ਮਾਹਮਦਪੁਰ ਸਾਬਕਾ ਜਨਰਲ ਸਕੱਤਰ, ਨਰੰਗ ਸਿੰਘ ਸਕੱਤਰ ਹਲਕਾ ਮਹਿਲ ਕਲਾਂ , ਦਾਰਾ ਸਿੰਘ ਸਾਬਕਾ ਪ੍ਰਧਾਨ ਵਿਧਾਨ ਸਭਾ ਬਰਨਾਲਾ, ਜਗਦੇਵ ਸਿੰਘ ਖੁੱਡੀ ਸਾਬਕਾ ਜਥੇਬੰਦਕ ਸਕੱਤਰ, ਰਾਜ ਸਿੰਘ ਸਾਬਕਾ ਦਫਤਰ ਸਕੱਤਰ ਬਰਨਾਲਾ, ਸੁਰਜੀਤ ਸਿੰਘ ਸਾਬਕਾ ਦਫਤਰ ਸਕੱਤਰ ਬਰਨਾਲਾ , ਜਗਜੀਤ ਸੋਹੀਆਂ ਸਕੱਤਰ ਵਿਧਾਨ ਸਭਾ ਮਹਿਲ ਕਲਾਂ,ਸੂਬੇਦਾਰ ਹਰਬੰਸ ਸਿੰਘ ਲੋਹਟਬੱਦੀ ਆਦਿ ਵੀ ਹਾਜ਼ਰ ਸਨ।
Menu
