ਕਾਂਗਰਸ ਪ੍ਰਧਾਨ ਮਲਿਕਾਰਜਨ ਖੜਗੇ ਦੀ ਤਿਲਕੀ ‘ਲੁਤਰੋ’…ਬੂਥ ਏਜੰਟ ਦੀ ਤੁਲਨਾ ਕੀਤੀ ਕੁੱਤੇ ਨਾਲ…!

ਚੰਡੀਗੜ੍ਹ,4 ਫਰਵਰੀ, Gee98 news service
ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਦੀ ਜੁਬਾਨ ਅਜਿਹੀ ਤਿਲਕੀ ਕਿ ਉਹਨਾਂ ਨੇ ਸਿਆਸੀ ਪਾਰਟੀਆਂ ਦੇ ਬੂਥ ਏਜੰਟ ਦੀ ਤਰੁਣਾ ਕੁੱਤੇ ਨਾਲ ਕਰ ਦਿੱਤੀ। ਸ੍ਰੀ ਖੜਗੇ ਸ਼ਨੀਵਾਰ ਨੂੰ ਨਵੀਂ ਦਿੱਲੀ ਵਿੱਚ ‘ਨਿਆਂ ਸੰਕਲਪ ਵਰਕਰ ਸੰਮੇਲਨ’ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਬੂਥ ਏਜੰਟ ਦੀ ਤੁਲਨਾ ‘ਕੁੱਤੇ’ ਨਾਲ ਕੀਤੀ। ਖੜਗੇ ਨੇ ਕਿਹਾ, ‘ਸਾਡੇ ਕੋਲ ਇੱਥੇ ਇੱਕ ਕਹਾਵਤ ਹੈ ਕਿ ਜਦੋਂ ਤੁਸੀਂ ਬਾਜ਼ਾਰ ਜਾਂਦੇ ਹੋ ਅਤੇ ਕੁੱਤਾ ਜਾਂ ਕੋਈ ਜਾਨਵਰ ਖਰੀਦਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਉਸ ਬਾਰੇ ਪੁੱਛ-ਗਿੱਛ ਕਰਦੇ ਹੋ। ਜੇਕਰ ਕੋਈ ਇਮਾਨਦਾਰ ਜਾਨਵਰ ਲੈਣਾ ਵੀ ਪਵੇ ਤਾਂ ਅਸੀਂ ਉਸ ਦੇ ਕੰਨ ਫੜ ਕੇ ਉੱਪਰ ਚੁੱਕ ਲੈਂਦੇ ਹਾਂ, ਭੌਂਕਦਾ ਤਾਂ ਠੀਕ ਹੈ। ਜੇ ਉਹ ਥੋੜ੍ਹਾ ਜਿਹਾ ਰੌਲਾ ਪਾਉਂਦਾ ਤਾਂ ਇਹ ਠੀਕ ਨਹੀਂ ਸੀ ਅਤੇ ਕੋਈ ਵੀ ਇਸ ਨੂੰ ਸਵੀਕਾਰ ਨਹੀਂ ਕਰਦਾ। ਖੜਗੇ ਨੇ ਅੱਗੇ ਕਿਹਾ ਕਿ “ਇਸ ਲਈ ਚੋਣ ਕਰਦੇ ਸਮੇਂ ਤੁਹਾਨੂੰ ਉਸ ਨੂੰ ਲੈਣਾ ਚਾਹੀਦਾ ਹੈ ਜੋ ਭੌਂਕਦਾ ਹੈ, ਲੜਦਾ ਹੈ ਅਤੇ ਤੁਹਾਡੇ ਨਾਲ ਰਹਿੰਦਾ ਹੈ। ਉਸ ਨੂੰ ਬੂਥ ਲੈਵਲ ਕਮੇਟੀ ਦਾ ਚੇਅਰਮੈਨ ਬਣਾਇਆ ਜਾਵੇ। ਉਹਨਾਂ ਕਿਹਾ, ‘ਬੂਥ ‘ਤੇ ਅਜਿਹੇ ਵਿਅਕਤੀ ਨੂੰ ਬਿਠਾਓ ਜੋ ਸਵੇਰੇ 7 ਵਜੇ ਜਾਂਦਾ ਹੈ ਅਤੇ ਜਦੋਂ ਡੱਬਾ ਉਥੇ ਬੰਦ ਹੁੰਦਾ ਹੈ, ਉਸੇ ਸਮੇਂ ਦਸਤਖ਼ਤ ਕਰਕੇ ਬਾਹਰ ਆ ਜਾਂਦਾ ਹੈ, ਨਹੀਂ ਤਾਂ ਜਾਣਾ ਤੇ ਆਉਣਾ ਠੀਕ ਨਹੀਂ। ਇਸ ਦੌਰਾਨ ਉਨ੍ਹਾਂ ਕੇਂਦਰ ਦੀ ਭਾਜਪਾ ਸਰਕਾਰ ‘ਤੇ ਵੀ ਤਿੱਖਾ ਨਿਸ਼ਾਨਾ ਸਾਧਿਆ। ਭਾਜਪਾ ਨੇ ਕਾਂਗਰਸ ਪ੍ਰਧਾਨ ਖੜਗੇ ਨੂੰ ਕੁੱਤੇ ਵਾਲੇ ਬਿਆਨ ਕਰਕੇ ਨਿਸ਼ਾਨੇ ‘ਤੇ ਲਿਆ ਹੈ। ਬੀਜੇਪੀ ਆਈਟੀ ਸੈੱਲ ਦੇ ਇੰਚਾਰਜ ਅਮਿਤ ਮਾਲਵੀਆ ਨੇ ਐਕਸ ‘ਤੇ ਪੋਸਟ ਕਰਦੇ ਹੋਏ ਕਿਹਾ, ‘ਜਿਸ ਪਾਰਟੀ ਦੇ ਪ੍ਰਧਾਨ ਬੂਥ ਏਜੰਟ, ਉਸ ਦੇ ਸੰਗਠਨ ਦੀ ਸਭ ਤੋਂ ਮਜ਼ਬੂਤ ਅਤੇ ਸਭ ਤੋਂ ਮਹੱਤਵਪੂਰਨ ਕੜੀ, ਉਸ ਨੂੰ ‘ਕੁੱਤਾ’ ਬਣਾ ਕੇ ਪਰਖਣਾ ਚਾਹੁੰਦੇ ਹਨ, ਤਾਂ ਇਹ ਤੈਅ ਹੈ ਕਿ ਪਾਰਟੀ ਮੁਸੀਬਤ ਵਿੱਚ ਹੋਵੇਗੀ।