ਚੰਡੀਗੜ੍ਹ,7 ਸਤੰਬਰ Gee98 news service
-ਕੇਂਦਰ ਸਰਕਾਰ ਵੱਲੋਂ ਜੀਐਸਟੀ ਦੀਆਂ ਦਰਾਂ ਵਿੱਚ ਕਟੌਤੀ ਕੀਤੇ ਜਾਣ ਤੋਂ ਬਾਅਦ ਕਾਰ ਕੰਪਨੀਆਂ ਨੇ ਗਾਹਕਾਂ ਨੂੰ ਇਸ ਕਟੌਤੀ ਦਾ ਲਾਭ ਦੇਣ ਦੇ ਐਲਾਨ ਕੀਤੇ ਹਨ। ਟਾਟਾ ਮੋਟਰਜ਼ ਨੇ ਐਲਾਨ ਕੀਤਾ ਹੈ ਕਿ ਉਹ GST ਵਿੱਚ ਹੋਣੀ ਕਟੌਤੀ ਦਾ ਪੂਰਾ ਲਾਭ ਗਾਹਕਾਂ ਨੂੰ ਦੇਣ ਦੇ ਇਰਾਦੇ ਨਾਲ ਆਪਣੀਆਂ ਸਵਾਰੀ ਗੱਡੀਆਂ ਦੀਆਂ ਕੀਮਤਾਂ ‘ਚ 65,000 ਰੁਪਏ ਤੋਂ ਲੈ ਕੇ ₹1.45 ਲੱਖ ਰੁਪਏ ਤੱਕ ਦੀ ਕਟੌਤੀ ਕਰੇਗੀ। ਕੰਪਨੀ ਨੇ ਕਿਹਾ ਕਿ ਸਵਾਰੀ ਗੱਡੀਆਂ ਦੀਆਂ ਕੀਮਤਾਂ ਵਿੱਚ ਇਹ ਕਟੌਤੀ 22 ਸਤੰਬਰ ਤੋਂ ਲਾਗੂ ਹੋ ਜਾਵੇਗੀ। ਕੰਪਨੀ ਨੇ ਕਿਹਾ ਕਿ ਟਾਟਾ ਮੋਟਰਜ਼ ਦੀ ਛੋਟੀ ਕਾਰ ਟਿਆਗੋ ਹੁਣ 75,000 ਰੁਪਏ ਸਸਤੀ ਹੋ ਜਾਵੇਗੀ ਜਦਕਿ ਟਿਗੋਰ ਦੇ ਮਾਡਲ 80,000 ਰੁਪਏ ਅਤੇ ਅਲਟ੍ਰੋਜ਼ ਦੇ ਮਾਡਲ 1.10 ਲੱਖ ਰੁਪਏ ਸਸਤੇ ਹੋਣ ਜਾ ਰਹੇ ਹਨ। ਇਸ ਤਰ੍ਹਾਂ ਕੰਪੈਕਟ ਐਸ.ਯੂ.ਵੀ. ਪੰਚ ਦੀ ਕੀਮਤ 85,000 ਰੁਪਏ ਘਟੇਗੀ ਜਦ ਕਿ ਨੇਕਸਨ ਦੀ ਕੀਮਤ 1.55 ਲੱਖ ਰੁਪਏ ਤੱਕ ਘੱਟ ਜਾਵੇਗੀ। ਕੰਪਨੀ ਨੇ ਮਿੱਡ-ਸਾਈਜ਼ੀ ਮਾਡਲ ਕਰਵ ਦੀ ਕੀਮਤ 65,000 ਰੁਪਏ ਤੱਕ ਘਟਾਉਣ ਦਾ ਐਲਾਨ ਕੀਤਾ ਹੈ। ਇਸੇ ਤਰ੍ਹਾਂ ਪ੍ਰੀਮੀਅਮ ਐਸ.ਯੂ.ਵੀ. ਹੈਰੀਅਰ ਅਤੇ ਸਫ਼ਾਰੀ ਦੋਵਾਂ ਦੀਆਂ ਕੀਮਤਾਂ ਵਿੱਚ ਕ੍ਰਮਵਾਰ ₹1.40 ਲੱਖ ਅਤੇ ₹1.45 ਲੱਖ ਰੁਪਏ ਦੀ ਕਟੌਤੀ ਕੀਤੀ ਜਾਵੇਗੀ।
