ਚੰਡੀਗੜ੍ਹ ,11 ਮਾਰਚ , Gee98 news service
-ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਦਸਵੀਂ ਦੀ ਪ੍ਰੀਖਿਆ ਦੇ ਦੌਰਾਨ ਬੀਤੇ ਕੱਲ੍ਹ ਇੱਕ ਪੇਪਰ ‘ਚ ਅਸਲ ਪ੍ਰਿਖਿਆਰਥੀ ਦੀ ਜਗ੍ਹਾ ਉਸਦੀ ਸਹੇਲੀ ਪੇਪਰ ਦਿੰਦੀ ਫੜੀ ਗਈ। ਮਾਮਲਾ ਲੁਧਿਆਣਾ ਦੇ ਸਰਾਭਾ ਨਗਰ ਦੇ ਸਰਕਾਰੀ ਹਾਈ ਸਕੂਲ ਨਾਲ ਸੰਬੰਧਿਤ ਹੈ ਜਿੱਥੇ ਦਸਵੀਂ ਕਲਾਸ ਦੀ ਪ੍ਰੀਖਿਆ ਹੋ ਰਹੀ ਹੈ। ਇਸ ਦੌਰਾਨ ਸੁਪਰਡੈਂਟ ਵੱਲੋਂ ਪ੍ਰੀਖਿਆਰਥੀਆਂ ਦੀ ਚੈਕਿੰਗ ਕੀਤੀ ਜਾ ਰਹੀ ਸੀ ਜਦ ਉਹ ਇੱਕ ਡੈਸਕ ‘ਤੇ ਪੁੱਜੇ ਤਾਂ ਉੱਥੇ ਬੈਠੀ ਇੱਕ ਵਿਦਿਆਰਥਣ ਘਬਰਾ ਗਈ ਜਿਸ ਤੋਂ ਬਾਅਦ ਸੁਪਰਡੈਂਟ ਨੂੰ ਸ਼ੱਕ ਹੋਇਆ ਤਾਂ ਉਸਨੇ ਰੋਲ ਨੰਬਰ ਸਲਿੱਪ ਚੁੱਕ ਕੇ ਦੇਖੀਏ ਤਾਂ ਰੋਲ ਨੰਬਰ ਸਲਿੱਪ ‘ਤੇ ਲੱਗੀ ਫੋਟੋ ਅਤੇ ਡੈਸਕ ‘ਤੇ ਬੈਠੀ ਵਿਦਿਆਰਥਣ ਦੇ ਚਿਹਰੇ ਵਿੱਚ ਫਰਕ ਸੀ ਇਸ ਤੋਂ ਬਾਅਦ ਸੁਪਰਡੈਂਟ ਨੇ ਗੰਭੀਰਤਾ ਨਾਲ ਪੁੱਛਗਿਛ ਕੀਤੀ ਤਾਂ ਹੈਰਾਨੀਜਨਕ ਖੁਲਾਸਾ ਹੋਇਆ ਕਿ ਡੈਸਕ ‘ਤੇ ਬੈਠੀ ਕੁੜੀ ਜਾਅਲੀ ਪ੍ਰੀਖਿਆਰਥੀ ਹੈ ਜੋ ਆਪਣੀ ਅਸਲ ਪ੍ਰਿਖਿਆਰਥੀ ਸਹੇਲੀ ਦੀ ਜਗ੍ਹਾ ‘ਤੇ ਪੇਪਰ ਦੇ ਰਹੀ ਹੈ। ਕੇਂਦਰ ਸੁਪਰਡੈਂਟ ਵੱਲੋਂ ਇਹ ਮਾਮਲਾ ਸਿੱਖਿਆ ਵਿਭਾਗ ਦੇ ਉੱਚ ਅਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਂਦਾ ਗਿਆ ਜਿਸ ਤੋਂ ਬਾਅਦ ਉੱਚ ਅਧਿਕਾਰੀਆਂ ਨੇ ਪੁਲਿਸ ਕਾਰਵਾਈ ਕਰਨ ਦੇ ਹੁਕਮ ਦਿੱਤੇ। ਪੁਲਿਸ ਨੇ ਲਿਖਤੀ ਸ਼ਿਕਾਇਤ ਮਿਲਣ ਤੋਂ ਬਾਅਦ ਦੋਵੇਂ ਕੁੜੀਆਂ ਦੇ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ ਅਤੇ ਪੁਲਿਸ ਦੋਵਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ ਕਿ ਕੀ ਇਸ ਮਾਮਲੇ ‘ਚ ਕੋਈ ਪੈਸੇ ਦਾ ਲੈਣ ਦੇਣ ਹੋਇਆ ਜਾਂ ਫਿਰ ਦੋਵਾਂ ਦੀ ਇਸ ਸਾਜਿਸ਼ ਦੇ ਪਿੱਛੇ ਕੋਈ ਹੋਰ ਵੀ ਹੈ।
ਫੋਟੋ ਕੈਪਸ਼ਨ-AI ਜਨਰੇਟਡ ਫੋਟੋ
