ਬਰਨਾਲਾ, 12 ਅਪ੍ਰੈਲ (ਨਿਰਮਲ ਸਿੰਘ ਪੰਡੋਰੀ) : ਯੂਨੀਵਰਸਿਟੀ ਗਰਾਂਟਸ ਕਮਿਸ਼ਨ ਨੇ ਇੱਕ ਵੱਡਾ ਫ਼ੈਸਲਾ ਕੀਤਾ ਹੈ ਜਿਸ ਤਹਿਤ ਹੁਣ ਵਿਦਿਆਰਥੀ ਇੱਕੋ ਹੀ ਸੈਸ਼ਨ ਵਿੱਚ 2 ਵੱਖ ਵੱਖ ਕੋਰਸਾਂ ਦੀਆਂ ਡਿਗਰੀਆਂ ਇੱਕੱਠੀਆਂ ਕਰ ਸਕਣਗੇ। ਯੂਜੀਸੀ ਆਪਣੇ ਇਸ ਫ਼ੈਸਲੇ ਸੰਬੰਧੀ ਸੈਸ਼ਨ 2022-23 ਲਈ ਰੈਗੂਲੇਸ਼ਨ ਜਾਰੀ ਕਰੇਗਾ। ਯੂਜੀਸੀ ਅਨੁਸਾਰ ਯੂਨੀਵਰਸਿਟੀਆਂ ਇਸੇ ਸੈਸ਼ਨ ਤੋਂ ਇਹ ਨਵੀਂ ਵਿਵਸਥਾ ਲਾਗੂ ਕਰ ਸਕਦੀਆਂ ਹਨ। ਇਨਾਂ ਨਵੇਂ ਨਿਯਮਾਂ ਅਨੁਸਾਰ ਵਿਦਿਆਰਥੀ ਦੋਵੇਂ ਕੋਰਸ ਇੱਕੋ ਯੂਨੀਵਰਸਿਟੀ ਤੋਂ ਕਰ ਸਕਦੇ ਹਨ ਜਾਂ ਦੋ ਵੱਖ-ਵੱਖ ਯੂਨੀਵਰਸਿਟੀਆਂ ਤੋਂ ਵੀ ਕਰ ਸਕਦੇ ਹਨ। ਇੱਥੋ ਤੱਕ ਕਿ ਵਿਦਿਆਰਥੀ ਇੱਕ ਕੋਰਸ ਆਪਣੇ ਦੇਸ਼ ਦੀ ਯੂੁਨੀਵਰਸਿਟੀ ਅਤੇ ਦੂਜਾ ਕੋਰਸ ਵਿਦੇਸ਼ ਦੀ ਯੂਨੀਵਰਸਿਟੀ ਤੋਂ ਵੀ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਦੇਸ਼ ਦੇ ਚੌਟੀ ਦੇ ਕਾਲਜ ਯੂਜੀਸੀ ਤੋਂ ਆਗਿਆ ਲੈਣ ਤੋ ਬਿਨਾਂ ਹੀ ਆਨਲਾਈਨ ਕੋਰਸ ਸ਼ੁਰੂ ਕਰ ਸਕਣਗੇ। ਇਸ ਸੰਬੰਧੀ ਵੀ ਯੂਜੀਸੀ ਨੇ ਓਪਨ ਐਂਡ ਡਿਸਟੈਂਸ ਲਰਨਿੰਗ ਪ੍ਰੋਗਰਾਮ ਅਤੇ ਆਨਲਾਈਨ ਕੋਰਸ ਦੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ।
Menu
