ਕੱਪੜੇ ਦੇ ਥੈਲੇ ਬਨਾਮ ਪੋਲੀਥੀਨ : ਜਾਗਰੂਕਤਾ ਦੀ ਸ਼ਲਾਘਾਯੋਗ ਮਿਸਾਲ

-ਗਾਂਧੀ ਆਰੀਆ ਹਾਈ ਸਕੂਲ ਵੱਲੋਂ ਵੰਡੇ ਜਾਣਗੇ ਕੱਪੜੇ ਦੇ ਥੈਲੇ

ਬਰਨਾਲਾ, 30 ਜੁਲਾਈ (ਨਿਰਮਲ ਸਿੰਘ ਪੰਡੋਰੀ) :

ਪੰਜਾਬ ਸਰਕਾਰ ਦੀ ਪਲਾਸਟਿਕ ਵਿਰੋਧੀ ਮੁਹਿੰਮ ’ਚ ਵਡਮੁੱਲਾ ਯੋਗਦਾਨ ਪਾਉਂਦੇ ਹੋਏ ਸ਼ਹਿਰ ਦੇ ਗਾਂਧੀ ਆਰੀਆ ਹਾਈ ਸਕੂਲ ਦੀ ਮੈਨੇਜਮੈਟ ਨੇ ਸ਼ਲਾਘਾਯੋਗ ਉਪਰਾਲਾ ਕੀਤਾ ਹੈ। ਸਕੂਲ ਵੱਲੋਂ ਲੋਕਾਂ ਨੂੰ ਪਲਾਸਟਿਕ ਦੀ ਵਰਤੋਂ ਸੰਬੰਧੀ ਪ੍ਰੇਰਿਤ ਕਰਨ ਲਈ ਸਕੂਲ ਦੇ ਸ੍ਰੀਮਤੀ ਸ਼ੀਲਾ ਰਾਣੀ ਸਿਲਾਈ ਸੈਂਟਰ ’ਚ ਕੱਪੜੇ ਦੇ ਥੈਲੇ ਤਿਆਰ ਕੀਤੇ ਗਏ ਹਨ, ਜੋ ਸ਼ਹਿਰ ’ਚ ਰੇਹੜੀਆਂ ਵਾਲਿਆਂ ਨੂੰ ਵੰਡੇ ਜਾਣਗੇ। ਮੈਨੇਜਮੈਟ ਕਮੇਟੀ ਅਤੇ ਸ਼ਹਿਰ ਦੀਆਂ ਸਮਾਜਸੇਵੀ ਹਸਤੀਆਂ ਵੱਲੋਂ ਕੱਪੜੇ ਦੇ ਇਹ ਥੈਲੇ ਰਿਲੀਜ਼ ਕੀਤੇ ਗਏ । ਸਕੂਲ ਦੀ ਇਸ ਮੁਹਿੰਮ ਬਾਰੇ ਦੱਸਦੇ ਹੋਏ ਪ੍ਰਿੰਸੀਪਲ ਰਾਜਮਹਿੰਦਰ ਨੇ ਕਿਹਾ ਕਿ ਸਰਕਾਰ ਦੀ ਪੋਲੀਥੀਨ ਵਿਰੋਧੀ ਮੁਹਿੰਮ ਨੂੰ ਸਫਲ ਕਰਨ ਵਜੋ ਕੱਪੜੇ ਦੇ ਥੈਲੇ ਤਿਆਰ ਕਰਕੇ ਵੰਡੇ ਜਾਣਗੇ। ਉਨਾਂ ਕਿਹਾ ਕਿ ਸ਼ਹਿਰ ਦੇ ਦਾਨੀ ਪੁਰਸ਼ਾਂ ਦੇ ਸਹਿਯੋਗ ਨਾਲ ਇਹ ਮੁਹਿੰਮ ਜਦੋ ਤੱਕ ਸੰਭਵ ਹੋਵੇਗੀ , ਚਾਲੂ ਰੱਖੀ ਜਾਵੇਗੀ। ਇਸ ਮੌਕੇ ਮਾਸਟਰ ਸਤਪਾਲ ਲੁਧਿਆਣਾ, ਅਸ਼ੋਕ ਕੁਮਾਰ ਗਰਗ ਗਰੀਨ ਐਵੇਨਿਊ ਨੇ ਵਿਸ਼ੇਸ ਤੌਰ ’ਤੇ ਹਾਜ਼ਰੀ ਲਗਵਾਈ। ਇਸ ਮੌਕੇ ਸੰਜੀਵ ਸ਼ੋਰੀ, ਕੇਵਲ ਜਿੰਦਲ, ਸੁਖਮਹਿੰਦਰ ਸਿੰਘ ਸੰਧੂ , ਜੇਈ ਨਗਰ ਕੌਂਸਲ ਸਲੀਮ, ਰਾਜਿੰਦਰ ਚੌਧਰੀ, ਮੋਤੀ ਗਰਗ,ਰਿਸ਼ਬ ਜੈਨ, ਰਾਜੇਸ਼ ਕੁਮਾਰ ਮੱਪਾ, ਯਸਪਾਲ ਗਰਗ, ਰਾਜ ਕੁਮਾਰ, ਨਰੇਸ ਬਾਂਸਲ, ਡਾ. ਤਜਿੰਦਰ ਕੁਮਾਰ, ਭਾਰਤ ਮਿੱਤਲ ਘੋਨਾ, ਚਰਨਜੀਤ ਸ਼ਰਮਾ, ਪ੍ਰਵੀਨ ਕੁਮਾਰ, ਸੁਖਬੀਰ ਸਿੰਘ ਤੇ ਹਰੀਸ਼ ਕੁਮਾਰ ਵੀ ਹਾਜ਼ਰ ਸਨ।