ਬਰਨਾਲਾ, 01 ਅਗਸਤ (ਨਿਰਮਲ ਸਿੰਘ ਪੰਡੋਰੀ) :–
ਪ੍ਰਸਿੱਧ ਸਮਾਜਸੇਵੀ ਸੰਸਥਾ ਭਗਤ ਮੋਹਨ ਲਾਲ ਸੇਵਾ ਸੰਮਤੀ ਵੱਲੋਂ 2 ਅਗਸਤ ਮੰਗਲਵਾਰ ਰਾਮ ਬਾਗ ਵਿਖੇ ਹਰੀਰਾਮ ਸੰਕੀਰਤਨ ਅਤੇ ਖੁੱਲੇ ਭੰਡਾਰੇ ਦਾ ਆਯੋਜਨ ਕੀਤਾ ਜਾਵੇਗਾ। ਜਾਣਕਾਰੀ ਦਿੰਦੇ ਹੋਏ ਸੰਮਤੀ ਦੇ ਪ੍ਰਧਾਨ ਭਾਰਤ ਮੋਦੀ ਨੇ ਦੱਸਿਆ ਕਿ ਸੇਵਾ ਸੰਮਤੀ ਲਈ ਦਿਲ ਖੋਲ ਕੇ ਦਾਨ ਦੇਣ ਵਾਲੇ ਲਾਲਾ ਅਮਰਨਾਥ ਬਾਂਸਲ ਦੀ ਦੂਜੀ ਬਰਸੀ ’ਤੇ ਇਹ ਵਿਸ਼ੇਸ਼ ਸਮਾਗਮ ਕਰਵਾਇਆ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਬਾਂਸਲ ਪਰਿਵਾਰ ਵੱਲੋਂ ਬਣੇ ਸ਼ਿਵ ਭੋਲੇ ਅਤੇ ਬਾਲਾ ਜੀ ਦੇ ਗੇਟ ਦਾ ਉਦਘਾਟਨ ਵੀ ਕੀਤਾ ਜਾਵੇਗਾ। ਇਹ ਸਮਾਗਮ ਸਵੇਰੇ 8 ਵਜੇ ਹਵਨ ਪੂਜਾ ਨਾਲ ਸ਼ੁਰੂ ਹੋਵੇਗਾ, 10 ਵਜੇ ਮੰਦਰਾਂ ਦੇ ਗੇਟ ਦਾ ਉਦਘਾਟਨ ਅਤੇ ਇਸ ਤੋਂ ਬਾਅਦ ਸਾਂਤੀ ਹਾਲ ਰਾਮ ਬਾਗ ਵਿਖੇ ਸਰਧਾਂਜਲੀ ਸਮਾਗਮ ਤੇ ਹਰੀਰਾਮ ਸੰਕੀਰਤਨ ਹੋਵੇਗਾ ਜਿਸ ਵਿੱਚ ਸੰਤ ਮਹਾਂਪੁਰਸ਼ ਪ੍ਰਵਚਨ ਕਰਨਗੇ। ਦੁਪਹਿਰ 12 ਵਜੇ ਤੋਂ ਬਾਅਦ ਖੁੱਲਾ ਭੰਡਾਰਾ ਵਰਤਾਇਆ ਜਾਵੇਗਾ। ਇਸ ਮੌਕੇ ਭਗਤ ਮੋਹਨ ਲਾਲ ਸੰਮਤੀ ਦੇ ਸੈਕਟਰੀ ਕਮਲ ਕੁਮਾਰ ਜਿੰਦਲ, ਜੁਆਇੰਟ ਸੈਕਟਰੀ ਲਾਜਪਤ ਰਾਏ ਚੋਪੜਾ, ਮੀਤ ਪ੍ਰਧਾਨ ਬੀਰਬਲ ਦਾਸ ਅਤੇ ਵਿਨੋਦ ਕਾਂਸਲ, ਨਰਿੰਦਰ ਚੋਪੜਾ, ਪਰਦੀਪ ਕੁਮਾਰ, ਬੱਬਲੂ ਜਿਊਲਰ, ਰਾਜਿੰਦਰ ਗਾਰਗੀ, ਹੇਮੰਤ ਰਾਜੂ, ਤਰਲੋਕੀ ਨਾਥ, ਜਗਸੀਰ ਸਿੰਘ ਸੰਧੂ ਮੈਂਬਰ ਆਦਿ ਵੀ ਹਾਜ਼ਰ ਸਨ।
