ਬਰਨਾਲਾ, 8 ਸਤੰਬਰ (ਨਿਰਮਲ ਸਿੰਘ ਪੰਡੋਰੀ) :
ਪੰਜਾਬ ਸਰਕਾਰ ਵੱਲੋਂ ਖੇਡਾਂ ਨੂੰ ਹੁਲਾਰਾ ਦੇਣ ਲਈ ਕਾਰਵਾਈਆਂ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਅੰਡਰ-14 ਫੁੱਟਬਾਲ ਮੁਕਾਬਲਿਆਂ ਦੇ ਫਾਈਨਲ ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸ਼ਹਿਣਾ ਦੀ ਟੀਮ ਨੇ ਬਾਜ਼ੀ ਮਾਰਦਿਆਂ ਅਕਾਲ ਅਕਾਡਮੀ ਟੱਲੇਵਾਲ ਨੂੰ ਹਰਾਇਆ। ਫੁੱਟਬਾਲ ਦੇ ਸੈਮੀ ਫਾਈਨਲ ਮੈਚਾਂ ’ਚ ਅਕਾਲ ਅਕਾਡਮੀ ਭਦੌੜ ਬਨਾਮ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕੇ) ਭਦੌੜ ਦੇ ਮੈਚ ‘ਚ ਅਕਾਲ ਅਕੈਡਮੀ ਜੇਤੂ ਰਹੀ। ਜੀਆਈਪੀਐੱਸ ਸਕੂਲ ਭਦੌੜ ਬਨਾਮ ਬੀਜੀਐੱਸ ਭਦੌੜ ਦੇ ਮੈਚ ‘ਚ ਬੀਜੀਐੱਸ ਭਦੌੜ ਦੀ ਟੀਮ ਜੇਤੂ ਰਹੀ। ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ (ਲੜਕਿਆਂ) ਸ਼ਹਿਣਾ ਬਨਾਮ ਅਕਾਲ ਅਕਾਡਮੀ ਭਦੌੜ ਦੇ ਮੈਚ ‘ਚ ਸ਼ਹਿਣਾ ਸਕੂਲ ਦੀ ਟੀਮ ਜੇਤੂ ਰਹੀ। ਬੀਜੀਐੱਸ ਭਦੌੜ ਬਨਾਮ ਅਕਾਲ ਅਕਾਡਮੀ ਟੱਲੇਵਾਲ ਮੈਚ ‘ਚ ਅਕਾਲ ਅਕਾਡਮੀ ਟੱਲੇਵਾਲ ਜੇਤੂ ਰਹੀ। ਸ਼ਹਿਣਾ ਬਲਾਕ ‘ਚ ਅਥਲੈਟਿਕਸ ਦੇ ਮੁਕਾਬਲਿਆਂ ‘ਚ ਅੰਡਰ -21 ਲੜਕੀਆਂ ‘ਚ ਅਰਸ਼ਦੀਪ ਕੌਰ 800 ਮੀਟਰ, 100 ਮੀਟਰ ‘ਚ ਗਗਨਦੀਪ ਕੌਰ, ਲੰਬੀ ਛਾਲ ‘ਚ ਅਰਸ਼ਦੀਪ ਕੌਰ, 200 ਮੀਟਰ ‘ਚ ਗਗਨਦੀਪ ਕੌਰ ਅਤੇ 400 ਮੀਟਰ ‘ਚ ਦਲਜੀਤ ਕੌਰ ਪਹਿਲੇ ਨੰਬਰ ਉੱਤੇ ਰਹੇ। ਲੜਕਿਆਂ ‘ਚ ਲੰਬੀ ਛਾਲ ‘ਚ ਨਿੰਦਰ ਕੁਮਾਰ ਸ਼ਰਮਾ, 5000 ਮੀਟਰ ‘ਚ ਰਾਮ ਸਿੰਘ, ਤੀਹਰੀ ਛਾਲ ‘ਚ ਮਨਪ੍ਰੀਤ ਸਿੰਘ, 200 ਮੀਟਰ ‘ਚ ਰਾਜਿੰਦਰ ਸਿੰਘ, 400 ਮੀਟਰ ‘ਚ ਦਿਲ ਮੁਆਦਲੀ, 800 ਮੀਟਰ ‘ਚ ਗੁਰਪਾਲ ਪਾਂਡੇ, 100 ਮੀਟਰ ‘ਚ ਜਗਸੀਰ ਸਿੰਘ ਅਤੇ 1500 ਮੀਟਰ ‘ਚ ਗੁਰਪਾਲ ਪਾਂਡੇ ਪਹਿਲੇ ਨੰਬਰ ਉੱਤੇ ਰਹੇ।
