ਬਰਨਾਲਾ, 21 ਜੂਨ ( ਨਿਰਮਲ ਸਿੰਘ ਪੰਡੋਰੀ)-ਬ੍ਰਿਟੇਨ ਨੇ ਪ੍ਰੈਗਨੈਂਸੀ ਟੈਸਟ ਕਰਨ ਵਾਲੀ ਇੱਕ ਅਜਿਹੀ ਕਿੱਟ ਲਾਂਚ ਕੀਤੀ ਹੈ ਜਿਸ ਨਾਲ ਥੁੱਕ ਜ਼ਰੀਏ ਕਰਨ ਤੋਂ ਬਾਅਦ ਇਹ ਪਤਾ ਲੱਗ ਜਾਵੇਗਾ ਕਿ ਕੋਈ ਮਹਿਲਾ ਗਰਭਵਤੀ ਹੈ ਜਾਂ ਨਹੀ । ਦਰਅਸਲ ਹੁਣ ਤੱਕ ਔਰਤਾਂ ਨੂੰ ਪਿਸ਼ਾਬ ਦੇ ਅਧਾਰ ‘ਤੇ ਗਰਭ ਅਵਸਥਾ ਦੀ ਰਵਾਇਤੀ ਟੈਸਟਿੰਗ ਪ੍ਰਣਾਲੀ ਵਿਚੋਂ ਹੀ ਗੁਜ਼ਰਨਾ ਪੈ ਰਿਹਾ ਹੈ ਪ੍ਰੰਤੂ ਹੁਣ ਨਵੀਂ ਲਾਂਚ ਹੋਈ ਕਿੱਟ ਨਾਲ ਥੁੱਕ ਟੈਸਟ ਕਰਨ ਤੋਂ ਬਾਅਦ ਹੀ ਗਰਭ ਅਵਸਥਾ ਦਾ ਪਤਾ ਲੱਗ ਜਾਵੇਗਾ । ਇਸ ਨੂੰ ਔਰਤਾਂ ਲਈ ਗਰਭ ਟੈਸਟ ਦਾ ਇੱਕ ਚੰਗਾ ਅਤੇ ਸੁਖਦ ਪੱਖ ਮੰਨਿਆ ਜਾ ਰਿਹਾ ਹੈ । ਇਹ ਕਿੱਟ ਫਿਲਹਾਲ ਯੂਕੇ ਅਤੇ ਆਇਰਲੈਂਡ ਵਿਚ ਉਪਲਬੱਧ ਹੈ । ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਕਿੱਟ ਕੋਵਿਡ ਟੈਸਟਿੰਗ ਕਿੱਟਾਂ ਬਣਾਉਣ ਲਈ ਵਰਤੀ ਜਾਣ ਵਾਲੀ ਤਕਨੀਕ ‘ਤੇ ਅਧਾਰਿਤ ਹੈ । ਇਹ ਇਕ ਅਜਿਹੀ ਪ੍ਰੈਗਨੈਂਸੀ ਟੈਸਟ ਹੈ ਜੋ ਕਿਸੇ ਵੀ ਸਮੇਂ, ਕਿਤੇ ਵੀ ਟੈਸਟ ਕਰਨ ਦੀ ਸਹੂਲਤ ਦਿੰਦੀ ਹੈ । ਕੰਪਨੀ ਨੇ ਦੱਸਿਆ ਕਿ ਸ਼ੁਰੂਆਤੀ ਦੌਰ ‘ਚ ਇਸਦਾ ਪਰੀਖਣ 100 ਔਰਤਾਂ ‘ਤੇ ਕੀਤਾ ਗਿਆ ਜਿੱਥੇ ਇਹ ਪ੍ਰਯੋਗ ਸਫਲ ਰਿਹਾ। ਥੁੱਕ ਦੇ ਜ਼ਰੀਏ ਗਰਭ ਟੈਸਟ ਕਰਨ ਵਾਲੀ ਇਸ ਕਿੱਟ ਦੇ ਨਤੀਜੇ 5 ਤੋਂ 15 ਮਿੰਟਾਂ ਦੇ ਅੰਦਰ-ਅੰਦਰ ਪ੍ਰਾਪਤ ਹੁੰਦੇ ਹਨ। ਮੰਨਿਆ ਜਾ ਰਿਹਾ ਹੈ ਇਹ ਇਹ ਕਿੱਟ ਭਾਰਤ ਵਿੱਚ ਵੀ ਜਲਦੀ ਉਪਲਬਧ ਹੋ ਜਾਵੇਗੀ ।
