ਚੰਡੀਗੜ੍ਹ,22 ਦਸੰਬਰ- ਮੋਗਾ ਜ਼ਿਲ੍ਹੇ ਵਿੱਚ ਬਰਾਤ ਲਈ ਬੁੱਕ ਕੀਤੀ ਕਾਰ ਦੇ ਡਰਾਈਵਰ ਨੂੰ ਗੋਲੀ ਮਾਰ ਕੇ ਸਖ਼ਤ ਜ਼ਖਮੀ ਕੀਤੇ ਜਾਣ ਦੀ ਖ਼ਬਰ ਹੈ, ਜਿਸ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ ਤੇ ਉਸ ਨੂੰ ਡੀਐਮਸੀ ਲੁਧਿਆਣਾ ਰੈਫਰ ਕੀਤਾ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਹਮਲਾਵਰਾਂ ਨੇ ਹੀ ਦੋ ਦਿਨ ਪਹਿਲਾਂ ਇੱਕ ਕਾਰ ਵਿਆਹ ‘ਚ ਡੋਲੀ ਲਈ ਬੁੱਕ ਕੀਤੀ ਸੀ। ਅੱਜ ਕਾਰ ਡਰਾਈਵਰ ਨਵਦੀਪ ਸਿੰਘ ਨੇ ਪਹਿਲਾਂ ਕੀਤੀ ਬੁਕਿੰਗ ਦੇ ਅਨੁਸਾਰ ਆਪਣੀ ਕਾਰ ਫੁੱਲਾਂ ਨਾਲ ਸਜਾ ਲਈ, ਫਿਰ ਨਵਦੀਪ ਸਿੰਘ ਕੋਲ ਕਾਰ ਬੁੱਕ ਕਰਵਾਉਣ ਵਾਲੇ ਦੋ ਵਿਅਕਤੀ ਆਉਂਦੇ ਹਨ ਅਤੇ ਕਾਰ ਡਰਾਈਵਰ ਨਵਦੀਪ ਸਿੰਘ ਇਹਨਾਂ ਕਾਰ ਬੁੱਕ ਕਰਵਾਉਣ ਵਾਲੇ ਵਿਅਕਤੀਆਂ ਆਪਣੀ ਕਾਰ ਲੈ ਕੇ ਨਾਲ ਮੋਗਾ ਤੋਂ ਬਾਘਾਪੁਰਾਣਾ ਵੱਲ ਚੱਲ ਪਿਆ ਤਾਂ ਰਸਤੇ ਵਿੱਚ ਪਿੰਡ ਸਿੰਘਾਂਵਾਲਾ ਨੇੜੇ ਕਾਰ ਵਿੱਚ ਸਵਾਰ ਵਿਅਕਤੀਆਂ ਨੇ ਡਰਾਈਵਰ ‘ਤੇ ਗੋਲੀ ਚਲਾ ਦਿੱਤੀ। ਹਮਲਾਵਾਰਾਂ ਦੀ ਗਿਣਤੀ ਦੋ ਦੱਸੀ ਜਾ ਰਹੀ ਹੈ ਜੋ ਮੌਕੇ ਤੋਂ ਫਰਾਰ ਹੋ ਗਏ। ਦੱਸਿਆ ਜਾ ਰਿਹਾ ਹੈ ਕਿ ਕਾਰ ਚਾਲਕ ਨਵਦੀਪ ਸਿੰਘ ਨੂੰ ਦੋ ਗੋਲੀਆਂ ਲੱਗੀਆਂ ਹਨ ਜਿਸ ਨਾਲ ਉਹ ਸਖ਼ਤ ਜ਼ਖਮੀ ਹੋ ਗਿਆ ਹੈ ਤੇ ਉਸ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ, ਉਸਨੂੰ ਮੁਢਲੀ ਸਹਾਇਤਾ ਤੋਂ ਬਾਅਦ ਮੋਗਾ ਦੇ ਸਰਕਾਰੀ ਹਸਪਤਾਲ ਤੋਂ ਲੁਧਿਆਣਾ ਰੈਫਰ ਕੀਤਾ ਗਿਆ ਹੈ। ਪੁਲਿਸ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਕੰਗਾਲ ਰਹੀ ਹੈ ਅਤੇ ਜਾਂਚ ਕਰ ਰਹੀ ਹੈ ਕਿ ਆਖ਼ਰ ਉਹ ਲੋਕ ਕੌਣ ਸਨ ਜਿਨਾਂ ਨੇ ਪਹਿਲਾਂ ਗੱਡੀ ਦੀ ਬੁਕਿੰਗ ਕਰਵਾਈ ਤੇ ਫਿਰ ਡਰਾਈਵਰ ‘ਤੇ ਹਮਲਾ ਕੀਤਾ।
