ਚੰਡੀਗੜ੍ਹ, 25 ਮਈ, Gee98 news service
-ਪੰਜਾਬ ‘ਚ ਜੇਕਰ ਕੋਈ ਪਰਿਵਾਰ ਆਰਥਿਕ ਤੌਰ ‘ਤੇ ਕਮਜ਼ੋਰ ਹੋਵੇ ਤੇ ਆਪਣੀ ਧੀ ਦਾ ਵਿਆਹ ਕਰਨ ਤੋਂ ਅਸਮਰੱਥ ਹੋਵੇ ਤਾਂ ਪਿੰਡ ਦੇ ਲੋਕ ਰਲ ਮਿਲ ਕੇ ਜਾਂ ਕੋਈ ਦਾਨੀ ਸੱਜਣ ਅਜਿਹੇ ਪਰਿਵਾਰ ਦੀ ਧੀ ਦੇ ਵਿੱਚ ਵਿਆਹ ਵਿੱਚ ਮਦਦ ਕਰਦੇ ਹਨ। ਸਾਡੇ ਵਿਆਹ ਨਾਲ ਜੁੜੀ ਇੱਕ ਹੋਰ ਰਵਾਇਤ ਹੈ ਕਿ ਜਦੋਂ ਵੀ ਕੋਈ ਵਿਆਹ ਹੁੰਦਾ ਹੈ ਤਾਂ ਲੜਕੇ-ਲੜਕੀ ਆਪਣੀ ਮਰਜ਼ੀ ਮੁਤਾਬਕ ਵਿਆਹ ਕਰਦੇ ਹਨ ਜਾਂ ਉਨ੍ਹਾਂ ਦਾ ਪਰਿਵਾਰ ਉਨ੍ਹਾਂ ਲਈ ਲਾੜਾ-ਲਾੜੀ ਦੀ ਚੋਣ ਕਰਦੇ ਹਨ। ਪਰੰਤੂ ਦੁਨੀਆ ਵਿੱਚ ਇੱਕ ਅਜਿਹੀ ਜਗ੍ਹਾ ਵੀ ਹੈ ਜਿੱਥੇ ਆਪਣੀਆਂ ਧੀਆਂ ਦਾ ਵਿਆਹ ਕਰਨ ਤੋਂ ਅਸਮਰੱਥ ਗਰੀਬ ਪਰਿਵਾਰਾਂ ਦੀਆਂ ਧੀਆਂ ਨੂੰ ਦੁਲਹਨ ਬਣਾ ਕੇ ਬਾਜ਼ਾਰ ਵਿੱਚ ਵੇਚਿਆ/ਖਰੀਦਿਆ ਜਾਂਦਾ ਹੈ। ਲੜਕੇ ਵਾਲੇ ਬਾਜ਼ਾਰ ਵਿੱਚ ਸਮੇਤ ਪਰਿਵਾਰ ਆਉਂਦੇ ਹਨ, ਦੁਲਹਨ ਨੂੰ ਪਸੰਦ ਕਰਦੇ ਹਨ ਅਤੇ ਲੜਕੀ ਦੇ ਪਰਿਵਾਰ ਵੱਲੋਂ ਉਸ ਦੀ ਰੱਖੀ ਕੀਮਤ ਪਰਿਵਾਰ ਨੂੰ ਦੇ ਕੇ ਉਸ ਨੂੰ ਖਰੀਦ ਕੇ ਲੈ ਜਾਂਦੇ ਹਨ। ਅਜਿਹਾ ਬਾਜ਼ਾਰ ਬੁਲਗਾਰੀਆ ਦੇਸ਼ ਵਿੱਚ ਸਟਾਰਾ ਜਾਗੋਰ ਨਾਮਕ ਸਥਾਨ ਉੱਤੇ ਲੱਗਦਾ ਹੈ। ਲੜਕੇ ਆਪਣੇ ਪਰਿਵਾਰ ਸਮੇਤ ਇਸ ਥਾਂ ‘ਤੇ ਆਉਂਦੇ ਹਨ ਅਤੇ ਆਪਣੀ ਪਸੰਦ ਦੀ ਲੜਕੀ ਦੀ ਚੋਣ ਕਰਦੇ ਹਨ। ਜਿਸ ਕੁੜੀ ਨੂੰ ਲੜਕਾ ਪਸੰਦ ਕਰਦਾ ਹੈ, ਉਸ ਨਾਲ ਸੌਦੇਬਾਜ਼ੀ ਕੀਤੀ ਜਾਂਦੀ ਹੈ। ਜਦੋਂ ਲੜਕੀ ਦੇ ਪਰਿਵਾਰ ਵਾਲੇ ਇਸ ਕੀਮਤ ਤੋਂ ਸੰਤੁਸ਼ਟ ਹੋ ਜਾਂਦੇ ਹਨ, ਤਾਂ ਉਹ ਉਸ ਕੀਮਤ ਲਈ ਆਪਣੀ ਧੀ ਨੂੰ ਲੜਕੇ ਦੇ ਹਵਾਲੇ ਕਰ ਦਿੰਦੇ ਹਨ। ਇਸ ਤੋਂ ਬਾਅਦ ਲੜਕਾ ਲੜਕੀ ਨੂੰ ਘਰ ਲੈ ਆਉਂਦਾ ਹੈ ਅਤੇ ਉਸ ਨੂੰ ਪਤਨੀ ਦਾ ਦਰਜਾ ਦਿੰਦਾ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਸ ਬਾਜ਼ਾਰ ਵਿਚ ਹਰ ਕੋਈ ਹਿੱਸਾ ਨਹੀਂ ਲੈਂਦਾ, ਸਗੋਂ ਇਹ ਦੁਲਹਨ ਬਾਜ਼ਾਰ ਗਰੀਬ ਲੜਕੀਆਂ ਲਈ ਲਗਾਇਆ ਜਾਂਦਾ ਹੈ। ਆਮ ਤੌਰ ‘ਤੇ ਵਿਆਹਾਂ ਵਿਚ ਬਹੁਤ ਖਰਚਾ ਹੁੰਦਾ ਹੈ। ਅਜਿਹੇ ਪਰਿਵਾਰ, ਜੋ ਆਪਣੀ ਧੀ ਦਾ ਵਿਆਹ ਕਰਵਾਉਣ ਤੋਂ ਅਸਮਰੱਥ ਹੁੰਦੇ ਹਨ, ਆਪਣੀ ਧੀ ਨੂੰ ਇਸ ਮੰਡੀ ਵਿੱਚ ਲੈ ਕੇ ਜਾਂਦੇ ਹਨ, ਫਿਰ ਲੜਕੇ ਦਾ ਪਰਿਵਾਰ ਜਾਂ ਲੜਕਾ ਉਸ ਬਾਜ਼ਾਰ ਵਿੱਚ ਜਾ ਕੇ ਲੜਕੀ ਦੇ ਪਰਿਵਾਰ ਅਨੁਸਾਰ ਪੈਸੇ ਦੇ ਕੇ ਲੜਕੀ ਨੂੰ ਖਰੀਦ ਲੈਂਦਾ ਹੈ। ਇਹ ਪ੍ਰਥਾ ਬੁਲਗਾਰੀਆ ਵਿੱਚ ਸਾਲਾਂ ਤੋਂ ਚੱਲੀ ਆ ਰਹੀ ਹੈ।
-ਕੁੜੀਆਂ ਦੀ ਰੱਖੀ ਜਾਂਦੀ ਹੈ ਵੱਖ ਵੱਖ ਕੀਮਤ
ਇਸ ਬਜ਼ਾਰ ਵਿੱਚ ਵਿਕਣ ਵਾਲੀਆਂ ਕੁੜੀਆਂ ਦੀ ਕੀਮਤ ਵੱਖ-ਵੱਖ ਤੈਅ ਕੀਤੀ ਜਾਂਦੀ ਹੈ। ਉਸ ਕੁੜੀ ਦੀ ਕੀਮਤ ਸਭ ਤੋਂ ਵੱਧ ਹੈ ਜਿਸ ਨੇ ਬਜ਼ਾਰ ਵਿੱਚ ਵਿਕਣ ਤੋਂ ਪਹਿਲਾਂ ਕਿਸੇ ਮਰਦ ਨਾਲ ਕੋਈ ਸਬੰਧ ਨਹੀਂ ਰੱਖਿਆ ਸੀ। ਉਂਜ, ਬਜ਼ਾਰ ਵਿੱਚ ਦੁਲਹਨਾਂ ਦੀ ਖਰੀਦੋ-ਫਰੋਖਤ ਕਰਨ ਵਾਲਿਆਂ ਲਈ ਨਿਯਮ ਹਨ। ਅਸਲ ‘ਚ ਇਸ ਬਾਜ਼ਾਰ ‘ਚ ਕਾਲਾਝੀ ਭਾਈਚਾਰੇ ਦੇ ਲੋਕ ਆਪਣੀਆਂ ਧੀਆਂ ਵੇਚਦੇ ਹਨ। ਅਜਿਹੀ ਸਥਿਤੀ ਵਿੱਚ, ਇਨ੍ਹਾਂ ਨੂੰ ਖਰੀਦਣ ਵਾਲੇ ਵਿਅਕਤੀ ਦਾ ਵੀ ਉਸੇ ਭਾਈਚਾਰੇ ਨਾਲ ਸੰਬੰਧਤ ਹੋਣਾ ਲਾਜ਼ਮੀ ਹੈ। ਇਸ ਤੋਂ ਇਲਾਵਾ ਲੜਕੀ ਦੇ ਪਰਿਵਾਰ ਦਾ ਗਰੀਬ ਹੋਣਾ ਵੀ ਜ਼ਰੂਰੀ ਹੈ। ਆਰਥਿਕ ਤੌਰ ‘ਤੇ ਮਜ਼ਬੂਤ ਪਰਿਵਾਰ ਇਸ ਮੰਡੀ ਵਿੱਚ ਆਪਣੀਆਂ ਧੀਆਂ ਨਹੀਂ ਵੇਚ ਸਕਦੇ ਅਤੇ ਇਸ ਮੰਡੀ ਵਿੱਚ ਖਰੀਦੀ ਕੁੜੀ ਨੂੰ ਨੂੰਹ ਦਾ ਦਰਜਾ ਦੇਣਾ ਵੀ ਜ਼ਰੂਰੀ ਹੈ।
