ਚੰਡੀਗੜ, 07 ਸਤੰਬਰ (ਜੀ98 ਨਿਊਜ਼) : ਮੁਹਾਲੀ ਵਿਖੇ ਇਕ ਸੇਵਾ ਮੁਕਤ ਸਬ-ਇੰਸਪੈਕਟਰ ਵੱਲੋਂ ਆਪਣੀ 60 ਸਾਲਾਂ ਪਤਨੀ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ। ਘਟਨਾ ਸਮੇਂ ਘਰ ਅੰਦਰ ਦੋਵੇਂ ਪਤੀ-ਪਤਨੀ ਹੀ ਸਨ। ਮੰਗਲਵਾਰ ਸਵੇਰੇ ਮਾਮੂਲੀ ਝਗੜੇ ਤੋਂ ਬਾਅਦ ਸਬ-ਇੰਸਪੈਕਟਰ ਕਰਤਾਰ ਸਿੰਘ ਨੇ ਆਪਣੀ ਪਤਨੀ ਕੁਲਦੀਪ ਕੌਰ ਨੂੰ ਕਤਲ ਕਰ ਦਿੱਤਾ ਅਤੇ ਕਤਲ ਤੋਂ ਬਾਅਦ ਮੁਲਜ਼ਮ ਕਾਫ਼ੀ ਸਮਾਂ ਕਮਰੇ ਦਾ ਦਰਵਾਜ਼ਾ ਬੰਦ ਕਰਕੇ ਕੁਲਦੀਪ ਕੌਰ ਦੀ ਲਾਸ਼ ਕੋਲ ਹੀ ਬੈਠਾ ਰਿਹਾ। ਘਟਨਾ ਦਾ ਪਤਾ ਗੁਆਂਢੀਆਂ ਨੂੰ ਉਦੋਂ ਲੱਗਿਆ ਜਦ ਕਤਲ ਕਰਨ ਸਮੇਂ ਗੁਆਂਢੀਆਂ ਨੇ ਕੁਲਦੀਪ ਕੌਰ ਦੀਆਂ ਚੀਕਾਂ ਸੁਣੀਆਂ । ਪੁਲਿਸ ਨੇ ਕਰਤਾਰ ਸਿੰਘ ਦੇ ਖ਼ਿਲਾਫ਼ ਕਤਲ ਦਾ ਕੇਸ ਦਰਜ ਕਰਕੇ ਗਿ੍ਰਫਤਾਰ ਕਰ ਲਿਆ।
