ਚੰਡੀਗੜ੍ਹ,23 ਜੂਨ, Gee98 news service
-ਕੇਂਦਰ ਸਰਕਾਰ ਦਾ ਵਿਚਾਰ ਹੈ ਕਿ white Goods ਦੀ ਸ਼੍ਰੇਣੀ ਵਿੱਚ ਆਉਣ ਵਾਲੇ ਸਮਾਨ ਦੀ ਵਾਰੰਟੀ, ਵਿਕਰੀ ਦੀ ਮਿਤੀ ਤੋਂ ਨਹੀਂ ਸਗੋਂ ਇਸਟਾਲੇਸ਼ਨ ਦੀ ਮਿਤੀ ਤੋਂ ਸ਼ੁਰੂ ਹੋਣੀ ਚਾਹੀਦੀ ਹੈ। white Goods ਉਹ ਸਮਾਨ ਹੁੰਦਾ ਹੈ ਜਿਨਾਂ ਨੂੰ ਵਿਕਰੀ ਤੋਂ ਬਾਅਦ ਮਾਹਰਾਂ ਵੱਲੋਂ ਸਥਾਪਿਤ ਕੀਤਾ ਜਾਂਦਾ ਹੈ ਜਿਵੇਂ ਕਿ ਟੈਲੀਵਿਜ਼ਨ ਅਤੇ ਏਸੀ ਆਦਿ। ਖਪਤਕਾਰ ਮਾਮਲਿਆਂ ਦੇ ਸਕੱਤਰ ਵੱਲੋਂ ਇਸ ਸਬੰਧੀ ਵੱਖ-ਵੱਖ ਕੰਪਨੀਆਂ ਨੂੰ ਪੱਤਰ ਲਿਖ ਕੇ 15 ਦਿਨਾਂ ਦੇ ਅੰਦਰ ਅੰਦਰ ਰਾਏ ਮੰਗੀ ਗਈ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਇਲੈਕਟ੍ਰਾਨਿਕ ਉਪਕਰਨਾਂ ਦੀ ਵਾਰੰਟੀ ਪੀਰੀਅਡ, ਜਿਨ੍ਹਾਂ ਨੂੰ ਮਾਹਿਰਾਂ ਦੁਆਰਾ ਇੰਸਟਾਲ ਕਰਨ ਦੀ ਲੋੜ ਹੁੰਦੀ ਹੈ, ਉਦੋਂ ਤੱਕ ਸ਼ੁਰੂ ਨਹੀਂ ਹੋਣੀ ਚਾਹੀਦੀ ਜਦੋਂ ਤੱਕ ਉਹ ਇੰਸਟਾਲ ਨਹੀਂ ਹੋ ਜਾਂਦੇ। ਕਈ ਵਾਰ ਅਜਿਹੀਆਂ ਵਸਤੂਆਂ ਬਿਨਾਂ ਇੰਸਟਾਲ ਕੀਤੇ ਲੰਬੇ ਸਮੇਂ ਤੱਕ ਗਾਹਕਾਂ ਕੋਲ ਰਹਿੰਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਜਦੋਂ ਵਿਕਰੀ ਦੀ ਮਿਤੀ ਤੋਂ ਵਾਰੰਟੀ ਦੀ ਮਿਆਦ ਸ਼ੁਰੂ ਹੁੰਦੀ ਹੈ, ਤਾਂ ਗਾਹਕਾਂ ਨੂੰ ਨੁਕਸਾਨ ਹੁੰਦਾ ਹੈ। ਖਪਤਕਾਰ ਮਾਮਲਿਆਂ ਦੀ ਸਕੱਤਰ ਅਤੇ ਮੁੱਖ ਕਮਿਸ਼ਨਰ ਨਿਧੀ ਖਰੇ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਵਿੱਚ ਵਾਰੰਟੀ ਪੀਰੀਅਡ ਦੇ ਸਬੰਧੀ ਵਿਚਾਰ ਕੀਤਾ ਗਿਆ ਕਿ ਕੰਪਨੀਆਂ ਵੱਲੋਂ ਖਰੀਦ ਦੀ ਮਿਤੀ ਤੋਂ ਵਾਰੰਟੀ ਪੀਰੀਅਡ ਸ਼ੁਰੂ ਕਰਨਾ ਗਲਤ ਹੈ। ਇਹ ਹੋਣਾ ਚਾਹੀਦਾ ਹੈ ਕਿ ਵਾਰੰਟੀ ਦੀ ਮਿਆਦ ਉਸ ਦਿਨ ਤੋਂ ਗਿਣੀ ਜਾਣੀ ਚਾਹੀਦੀ ਹੈ ਜਿਸ ਦਿਨ ਤੋਂ ਸਾਜ਼ੋ-ਸਾਮਾਨ ਦੀ ਵਰਤੋਂ ਸ਼ੁਰੂ ਹੁੰਦੀ ਹੈ। ਖਰੇ ਨੇ ਕਿਹਾ ਕਿ ਗਾਹਕਾਂ ਨੂੰ ਉਤਪਾਦ ਖਰੀਦਣ ਸਮੇਂ ਵਾਰੰਟੀ ਦੀ ਮਿਆਦ ਬਾਰੇ ਸਹੀ ਜਾਣਕਾਰੀ ਦਿੱਤੀ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਨੂੰ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਵਾਰੰਟੀ ਦੀ ਮਿਆਦ ਕਦੋਂ ਸ਼ੁਰੂ ਹੋਵੇਗੀ।ਪਿਛਲੇ ਸਾਲ ਨਵੰਬਰ ‘ਚ ਵੀ ਖਪਤਕਾਰ ਮਾਮਲਿਆਂ ਦੇ ਮੰਤਰਾਲੇ ਨੇ white Goods ਬਣਾਉਣ ਵਾਲੀਆਂ ਕੰਪਨੀਆਂ ਨੂੰ ਆਪਣੀ ਗਾਰੰਟੀ ਅਤੇ ਵਾਰੰਟੀ ਨੀਤੀ ‘ਚ ਸੋਧ ਕਰਨ ਲਈ ਪੱਤਰ ਲਿਖਿਆ ਸੀ। ਇਹ ਪੱਤਰ ਸੀਆਈਆਈ, ਫਿੱਕੀ, ਐਸੋਚੈਮ ਅਤੇ ਪੀਐਚਡੀਸੀਸੀਆਈ ਵਰਗੀਆਂ 6 ਉਦਯੋਗਿਕ ਸੰਸਥਾਵਾਂ ਅਤੇ ਸੈਮਸੰਗ, ਐਲਜੀ, ਪੈਨਾਸੋਨਿਕ, ਬਲੂ ਸਟਾਰ, ਕੈਂਟ, ਵਰਲਪੂਲ, ਵੋਲਟਾਸ, ਬੋਸ਼, ਹੈਵੇਲਜ਼, ਫਿਲਿਪਸ, ਤੋਸ਼ੀਬਾ, ਢਾਈਕਿਨ, ਸੋਨੀ, ਹਿਟਾਚੀ, ਆਈ.ਐਫ.ਬੀ. , ਗੋਦਰੇਜ, ਹਾਇਰ, ਫੋਰਬਸ ਅਤੇ ਲੋਇਡ ਵਰਗੀਆਂ ਕੰਪਨੀਆਂ ਨੂੰ ਲਿਖਿਆ ਗਿਆ ਹੈ।
Menu
