-ਅਦਨਾਨ ਅਲੀ ਖਾਨ ਪਟਿਆਲਾ ਬਣੇ ਮੁਖੀ
-ਸਬੀਨਾ ਬੇਗਮ ਬਣੇ ਇਸਤਰੀ ਵਿੰਗ ਦੇ ਸੂਬਾ ਚੇਅਰਪਰਸਨ
ਚੰਡੀਗੜ੍ਹ ,30 ਜੂਨ (Gee98 news)-ਮੁਸਲਿਮ ਭਾਈਚਾਰੇ ਦਾ ਇੱਕ ਪ੍ਰਭਾਵਸ਼ਾਲੀ ਇਕੱਠ ਪਿਛਲੇ ਦਿਨ ਪਟਿਆਲਾ ਵਿਖੇ ਹੋਇਆ ਜਿਸ ਵਿੱਚ ਸੂਬਾ ਭਰ ਤੋਂ ਮੁਸਲਿਮ ਭਾਈਚਾਰੇ ਦੇ ਆਗੂਆਂ ਨੂੰ ਉਚੇਚੇ ਤੌਰ ‘ਤੇ ਸ਼ਮੂਲੀਅਤ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੂਬਾ ਦੋ ਡਾਕਟਰ ਨੱਥੂ ਮੁਹੰਮਦ ਨੇ ਮਹਿਲ ਕਲਾਂ ਨੇ ਦੱਸਿਆ ਕਿ ਇਸ ਭਰਵੇਂ ਇਕੱਠ ਵਿੱਚ ਮੁਸਲਿਮ ਭਾਈਚਾਰੇ ਨੂੰ ਆ ਰਹੀਆਂ ਮੁਸ਼ਕਲਾਂ ਸਬੰਧੀ ਵਿਚਾਰ ਕੀਤਾ ਗਿਆ। ਪੰਜਾਬ ਭਰ ਚੋਂ ਆਏ ਮੁਸਲਿਮ ਭਾਈਚਾਰੇ ਨੇ “‘ਮੁਸਲਿਮ ਟਾਈਗਰ ਫੋਰਸ ਪੰਜਾਬ”‘ ਦੇ ਮੁੱਖੀ ਵਜੋਂ ਅਦਨਾਨ ਅਲੀ ਖਾਨ ਪਟਿਆਲਾ ਨੂੰ ਆਪਣਾ ਮੁੱਖੀ ਚੁਣਿਆ। ਸਮੂਹ ਇਕੱਤਰ ਹੋਏ ਲੋਕਾਂ ਵੱਲੋਂ ਉਹਨਾਂ ਨੂੰ ਪਗੜੀ ਦੀ ਰਸਮ ਅਦਾ ਕੀਤੀ ਅਤੇ ਤੇ ਨਾਲ ਹੀ ਕਿਰਪਾਨ ਦੇ ਕੇ ਆਪਣਾ ਆਗੂ ਨਿਯੁਕਤ ਕੀਤਾ । ਇਸ ਵੱਡੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਅਦਨਾਨ ਅਲੀ ਖਾਨ ਪਟਿਆਲਾ ਨੇ ਕਿਹਾ ਕਿ ਮੁਸਲਿਮ ਭਾਈਚਾਰੇ ਦੀ ਮੁੱਖ ਮੰਗ ਵਜੋਂ ਪੰਜਾਬ ਸਰਕਾਰ ਮੁਸਲਿਮ ਭਾਈਚਾਰੇ ਨੂੰ 5% ਰਿਜਰਵੇਸ਼ਨ, ਸਰਕਾਰੀ ਨੌਕਰੀਆਂ ਅਤੇ ਐਜੂਕੇਸ਼ਨ ਦਿੱਤੀ ਜਾਵੇ । ਪੰਜਾਬੀ ਮੁਸਲਿਮ ਭਾਈਚਾਰੇ ਦੀ ਦੂਜੀ ਵੱਡੀ ਮੰਗ ਹੈ ਕਿ ਪੰਜਾਬ ਵਕਫ ਬੋਰਡ ਨੂੰ ਐਸ.ਜੀ.ਪੀ.ਸੀ.(SGPC) ਦੀ ਤਰਜ਼ ‘ਤੇ ਧਾਰਮਿਕ ਸੰਸਥਾ ਐਲਾਨਿਆ ਜਾਵੇ। ਪੰਜਾਬ ਵਾਕਫ ਬੋਰਡ ਦਾ ਨਾਮ ਬਦਲ ਕੇ ‘”ਪੰਜਾਬ ਵਕਫ ਪ੍ਰਬੰਧਕ ਕਮੇਟੀ'” (PWPC) ਰੱਖਿਆ ਜਾਵੇ। ਪੰਜਾਬ ਦੇ ਹਰ ਜ਼ਿਲ੍ਹੇ ਵਿੱਚੋਂ ਪੰਜਾਬ ਵਕਫ ਬੋਰਡ ਦੇ ਮੈਂਬਰਾਂ ਦੀ ਚੋਣ ਪ੍ਰਕਿਰਿਆ ਰਾਹੀਂ ਚੁਣੇ ਜਾਣ ਦੀ ਕਾਨੂੰਨੀ ਵਿਵਸਥਾ ਕਾਇਮ ਕੀਤੀ ਜਾਵੇ। ਟਾਈਗਰ ਫੋਰਸ ਪੰਜਾਬ ਵੱਲੋਂ ਆਉਣ ਵਾਲੇ ਦਿਨਾਂ ‘ਚ ਭਾਈਚਾਰੇ ਨੂੰ ਉੱਪਰ ਚੁੱਕਣ ਲਈ ਹਰ ਸ਼ਹਿਰ ‘ਚ ਮਾਡਰਨ ਮਦਰਸਾ ਸਕੂਲ, ਮਰਕਜ, ਸਕਿਲ ਜੋਬ ਟ੍ਰੇਨਿੰਗ ਇੰਸਟੀਟਿਊਟ, ਜਿਸ ਵਿੱਚ ਕੰਪਿਊਟਰ ਸਕੂਲ , ਮੁਹੱਲਾ ਕਲੀਨਿਕ ਬਣਾਏ ਜਾਣਗੇ ਅਤੇ ਮੁਸਲਿਮ ਲੈਂਡ ਮਾਫੀਆ ਤੋਂ ਪੰਜਾਬ ਵਕਫ ਬੋਰਡ ਦੀ ਜਾਇਦਾਦ ਨੁੰ ਖ਼ਾਲੀ ਕਰਵਾਇਆ ਜਾਏਗਾ। ਇਸ ਸਮੇਂ ਮੁਸਲਿਮ ਟਾਈਗਰ ਫੋਰਸ ਪੰਜਾਬ ਬੌਡੀ ਦੀ ਚੋਣ ਸਰਬ ਸੰਮਤੀ ਨਾਲ ਕੀਤੀ ਗਈ। ਜਿਸ ਵਿੱਚ ਅਦਨਾਨ ਅਲੀ ਖਾਨ ਪਟਿਆਲਾ ਨੂੰ ਸੂਬਾ ਚੇਅਰਮੈਨ, ਰਿਆਜ਼ ਖਾਨ ਸੰਗਰੂਰ ਨੂੰ ਸੂਬਾ ਵਾਇਸ ਚੇਅਰਮੈਨ, ਮੁਹੰਮਦ ਮੁਸਤਫਾ ਨੂੰ ਹਰਿਆਣਾ ਦਾ ਚੇਅਰਮੈਨ,ਇਰਫਾਨ ਖਾਨ ਮਲੇਰਕੋਟਲਾ ਨੂੰ ਸੂਬਾ ਜਨਰਲ ਸਕੱਤਰ, ਡਾਕਟਰ ਮਿੱਠੂ ਮੁਹੰਮਦ ਮਹਿਲ ਕਲਾਂ ਨੂੰ ਸੂਬਾ ਪ੍ਰੈਸ ਸਕੱਤਰ, ਸਬੀਨਾ ਬੇਗਮ ਸੁਧਾਰ ਨੂੰ ਇਸਤਰੀ ਵਿੰਗ ਦਾ ਸੂਬਾ ਚੇਅਰਪਰਸਨ,ਆਰਿਫ਼ ਖਾਨ ਮਲੇਰਕੋਟਲਾ ਨੂੰ ਮੁੱਖ ਸਲਾਹਕਾਰ,ਹਾਮਿਦ ਚੌਹਾਨ ਨੂੰ ਮੁੱਖ ਬੁਲਾਰਾ, ਦਿਲਬਰ ਖਾਨ ਬਾਦਸ਼ਾਹਪੁਰ ਨੂੰ ਕੈਸ਼ੀਅਰ,ਗੁਲਾਮ ਨਬੀ ਸ਼ਾਹ ਨੂੰ ਜੁਆਇੰਟ ਸੈਕਟਰੀ,ਹਾਜੀ ਮੁਹੰਮਦ ਅਸਲਮ ਨੂੰ ਸਲਾਹਕਾਰ,ਤਾਰਿਕ ਅੰਮ੍ਰਿਤਸਰ ਅਤੇ ਅਨਵਰ ਅਲੀ ਨੂੰ ਸੂਬਾ ਕਮੇਟੀ ਮੈਂਬਰ ਨਿਯੁਕਤ ਕੀਤਾ ਗਿਆ। ਹਲਕਾ ਧੂਰੀ ਦੇ ਪਿੰਡ ਦੁਗਨੀ ਦੇ ਇਸਲਾਮੀਆ ਮਿਡਲ ਸਕੂਲ ਦੀ ਪੰਜਾਬ ਵਕਫ ਬੋਰਡ ਵੱਲੋਂ ਐਡ ਬਾਰੇ ਵੀ ਵਿਚਾਰ ਚਰਚਾ ਕੀਤੀ ਗਈ। ਇਸ ਸਮੇਂ ਪੰਜਾਬ ਦੇ ਵੱਖ ਵੱਖ ਜ਼ਿਲਿਆਂ ਦੇ ਆਗੂ ਸਾਹਿਬਾਨ ਫਿਰੋਜ਼ ਖਾਨ ਨਾਭਾ, ਸਾਦਿਕ ਧਬਲਾਨ,ਉਵੈਸ ਮਲੇਰਕੋਟਲਾ, ਮੁਹੰਮਦ ਮੁਰਸਲੀਨ ਬੱਸੀਆਂ, ਮੋਲਾਨਾ ਸਾਕਿਬ ਅੰਮ੍ਰਿਤਸਰ, ਹਾਕਮ ਖਾਨ, ਸ਼ੇਰ ਖਾਨ ਪਟਿਆਲਾ, ਇਕਬਾਲ ਰਾਏਕੋਟ, ਮੁਹੰਮਦ, ਇਕਬਾਲਦੀਨ ਜੇ.ਈ. ਬਰਨਾਲਾ,ਚਾਚਾ ਹਰਨੇਕ ਸਿੰਘ, ਹੈਪੀ ਖਾਸਪੁਰ, ਅਲੀ ਘਨੋਰ, ਮੰਗੀ ਖਾਨ ਸੰਗਰੂਰ,ਓਵੈਦ ਮਕਸੂਦ ਮਲੇਰਕੋਟਲਾ, ਮੁਹੰਮਦ ਕਾਸਿਫ, ਬੱਬੂ ਖਾਨ ਤੇ ਮੁਹੰਮਦ ਹਾਸ਼ਿਬ ਰਾਏਕੋਟ, ਹੰਸਾ ਖਾਨ ਤੇ ਮੁਹੰਮਦ ਅਖਤਰ ਆੜਤੀਆ ਬਰਨਾਲਾ ਆਦਿ ਤੋਂ ਇਲਾਵਾ ਸੈਂਕੜਿਆਂ ਦੀ ਗਿਣਤੀ ਵਿੱਚ ਮੁਸਲਿਮ ਆਗੂ ਹਾਜ਼ਰ ਸਨ।
