ਚੰਡੀਗੜ੍ਹ, 6 ਫਰਵਰੀ 2026, Gee98 News service-
-ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਸੂਬੇ ਦੇ ਅਐਫੀਲੀਏਟਡ/ਐਸੋਸੀਏਟਿਡ ਸਕੂਲਾਂ ਨੂੰ ਸਖ਼ਤ ਚੇਤਾਵਨੀ ਪੱਤਰ ਜਾਰੀ ਕੀਤਾ ਹੈ। ਬੋਰਡ ਨੇ ਪ੍ਰਾਈਵੇਟ ਸਕੂਲਾਂ ਵੱਲੋਂ “ਵਿਸ਼ਾ ਉਦਮਤਾ” ਆਈਡੀਆ ਨਾ ਭੇਜਣ ਨੂੰ ਗੰਭੀਰਤਾ ਨਾਲ ਲਿਆ ਹੈ। ਦੱਸ ਦੇਈਏ ਕਿ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਸੂਬੇ ਦੇ ਸਾਰੇ ਸਕੂਲਾਂ ਨੂੰ 30 ਜਨਵਰੀ 2026 ਨੂੰ ਇੱਕ ਪੱਤਰ ਲਿਖਿਆ ਸੀ ਜਿਸ ਵਿੱਚ ਵਿਸ਼ਾ ਉੱਦਮਤਾ ਅਧੀਨ ਆਈਡੀਆ ਮੰਗਿਆ ਗਿਆ ਸੀ। ਬੋਰਡ ਨੇ ਇਸ ਨੂੰ ਅਤੀ ਜ਼ਰੂਰੀ ਦੱਸਿਆ ਸੀ ਪ੍ਰੰਤੂ ਕਈ ਸਿੱਖਿਆ ਸੰਸਥਾਵਾਂ ਨੇ ਇਸ ਪੱਖ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ। ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਹੁਣ ਇਹਨਾਂ ਸਕੂਲਾਂ ਨੂੰ 9 ਫਰਵਰੀ ਦੀ ਆਖਰੀ ਤਾਰੀਕ ਦਿੰਦੇ ਹੋਏ ਚੇਤਾਵਨੀ ਵੀ ਦਿੱਤੀ ਹੈ ਕਿ ਜੇਕਰ ਮਿਥੀ ਗਈ ਤਾਰੀਕ ਤੱਕ ਸਕੂਲਾਂ ਵੱਲੋਂ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੂੰ ਵਿਸ਼ਾ ਉੱਦਮਿਤਾ ਤਹਿਤ ਆਪਣੇ ਆਪਣੇ ਆਈਡੀਆ ਪੁਆਇੰਟਸ ਨਹੀਂ ਭੇਜੇ ਗਏ ਤਾਂ ਇਹਨਾਂ ਸਕੂਲਾਂ ਦਾ ਦਸਵੀਂ ਅਤੇ ਬਾਰਵੀਂ ਕਲਾਸ ਦਾ ਨਤੀਜਾ ਰੋਕ ਦਿੱਤਾ ਜਾਵੇਗਾ ਅਤੇ ਇਹਨਾਂ ਸਕੂਲਾਂ ਦੇ ਖ਼ਿਲਾਫ਼ ਪ੍ਰਸ਼ਾਸਨਿਕ ਕਾਰਵਾਈ ਵੀ ਕੀਤੀ ਜਾਵੇਗੀ।
