ਚੰਡੀਗੜ੍ਹ ,14 ਫਰਵਰੀ , Gee98 news service-
-ਭਾਰਤੀ ਕਰੰਸੀ ਦੇ 100 ਰੁਪਏ ਦੇ ਅਤੇ 500 ਰੁਪਏ ਦੇ ਨੋਟ ਵਿੱਚ ਤਬਦੀਲੀ ਦੀ ਅਪਡੇਟ ਸਾਹਮਣੇ ਆਈ ਹੈ। ਭਾਰਤੀ ਰਿਜ਼ਰਵ ਬੈਂਕ ਨੇ ਇਨ੍ਹਾਂ ਨੋਟਾਂ ਦੀ ਸੁਰੱਖਿਆ ਅਤੇ ਗੁਣਵੱਤਾ ਵਿੱਚ ਸੁਧਾਰ ਕਰਨ ਦਾ ਫੈਸਲਾ ਕੀਤਾ ਹੈ। ਭਾਰਤੀ ਰਿਜ਼ਰਵ ਬੈਂਕ ਵੱਲੋਂ ਨਵੇਂ ਸਿਕਿਊਰਿਟੀ ਫੀਚਰਜ਼ ਵਾਲੇ ਅਪਡੇਟਿਡ ਨੋਟ ਆ ਸਕਦੇ ਹਨ। ਨਕਲੀ ਨੋਟਾਂ ‘ਤੇ ਰੋਕ ਲਾਉਣ ਅਤੇ ਨੋਟਾਂ ਨੂੰ ਜ਼ਿਆਦਾ ਟਿਕਾਊ ਬਣਾਉਣ ਲਈ ਸੇਫਟੀ ਫੀਚਰਜ਼ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ। ਰਿਜ਼ਰਵ ਬੈਂਕ ਅਨੁਸਾਰ੍ਹ ਭਾਰਤ ਵਿੱਚ ਅਜੇ ਵੀ ਰੋਜ਼ਾਨਾ ਦੇ ਲੈਣ-ਦੇਣ ਲਈ ਨਕਦੀ ਦੀ ਵਰਤੋਂ ਵੱਡੇ ਪੱਧਰ ‘ਤੇ ਆਉਂਦੀ ਹੈ ਇਸ ਲਈ ਨਕਲੀ ਨੋਟਾਂ ਦੇ ਮਾਮਲੇ ਅਕਸਰ ਸਾਹਮਣੇ ਆਉਂਦੇ ਰਹਿੰਦੇ ਹਨ ਜਿਸ ‘ਤੇ ਰੋਕ ਲਗਾਉਣ ਲਈ ਭਾਰਤੀ ਰਿਜ਼ਰਵ ਬੈਂਕ ਨੇ 500 ਰੁਪਏ ਅਤੇ 100 ਰੁਪਏ ਦੇ ਨੋਟ ਵਿੱਚ ਕੁਝ ਫੀਚਰਜ਼ ਤਬਦੀਲੀਆਂ ਕਰਨ ਦਾ ਫੈਸਲਾ ਕੀਤਾ ਹੈ। 100 ਰੁਪਏ ਦੇ ਨੋਟ ਵਿੱਚ ਤਬਦੀਲੀਆਂ ਅਨੁਸਾਰ ਪ੍ਰਿੰਟਿੰਗ, ਸਿਆਹੀ, ਵਾਟਰਮਾਰਕ ਅਤੇ ਸੁਰੱਖਿਆ ਧਾਗਾ ਪਹਿਲਾਂ ਨਾਲੋਂ ਸਾਫ਼ ਅਤੇ ਬਿਹਤਰ ਹੋਣਗੇ ਅਤੇ 100 ਰੁਪਏ ਦਾ ਨਵਾਂ ਨੋਟ ਹੋਰ ਵੀ ਮਜ਼ਬੂਤ ਹੋਵੇਗਾ। 500 ਰੁਪਏ ਦੇ ਨੋਟ ਵਿੱਚ ਮਾਈਕ੍ਰੋ-ਪ੍ਰਿੰਟਿੰਗ ਅਤੇ ਰੰਗ ਦੀ ਕੁਆਲਿਟੀ ਵਿੱਚ ਸੁਧਾਰ ਕੀਤਾ ਜਾਵੇਗਾ। ਮੂਲ ਡਿਜ਼ਾਈਨ ਉਹੀ ਰਹੇਗਾ, ਜਿਸ ਨਾਲ ਪਛਾਣ ਆਸਾਨ ਹੋ ਜਾਵੇਗੀ। 500 ਅਤੇ 100 ਰੁਪਏ ਦੇ ਨੋਟਾਂ ਵਿੱਚ ਇਹ ਤਬਦੀਲੀਆਂ ਨਾਲ ਜੁੜੀ ਮਹੱਤਵਪੂਰਨ ਗੱਲ ਇਹ ਹੈ ਕਿ 100 ਅਤੇ 500 ਦੇ ਪੁਰਾਣੇ ਨੋਟ ਪਹਿਲਾਂ ਵਾਂਗ ਹੀ ਚੱਲਦੇ ਰਹਿਣਗੇ,ATM ਅਤੇ ਬੈਂਕ ਨਵੇਂ ਅਤੇ ਪੁਰਾਣੇ ਦੋਵੇਂ ਨੋਟ ਸਵੀਕਾਰ ਕਰਨਗੇ। ਇਹ ਬਦਲਾਅ ਸਿਰਫ਼ ਸੁਰੱਖਿਆ ਦੇ ਉਦੇਸ਼ਾਂ ਲਈ ਹੈ, ਇਹ ਨੋਟਬੰਦੀ ਨਹੀਂ ਹੈ।
