ਮਾਲ ਮਾਲਕਾਂ ਦਾ, ਮਸ਼ਹੂਰੀ ਕੰਪਨੀ ਦੀ.. ਅਕਾਲੀ ਦਲ ਦੇ ਦੋਵੇਂ ਹੱਥਾਂ ਵਿੱਚ ਲੱਡੂ

ਬਰਨਾਲਾ 02 ਜਨਵਰੀ (ਨਿਰਮਲ ਸਿੰਘ ਪੰਡੋਰੀ ) : ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਇਸ ਵਾਰ ਉਮੀਦਵਾਰਾਂ ਦੇ ਐਲਾਨ ਵਿੱਚ ਕੁਝ ਹੈਰਾਨੀਜਨਕ ਗੱਲਾਂ ਸਾਹਮਣੇ ਆ ਰਹੀਆਂ ਹਨ। ਜ਼ਿਕਰਯੋਗ ਹੈ ਕਿ ਅਕਾਲੀ ਦਲ ਨੇ ਬਸਪਾ ਨੂੰ ਗੱਠਜੋੜ ਤਹਿਤ 20 ਸੀਟਾਂ ਛੱਡੀਆਂ ਹਨ। ਜਿਨਾਂ ਵਿੱਚੋਂ ਕੁਝ ਸੀਟਾਂ ਉੱਪਰ ਬਸਪਾ ਨੇ ਆਪਣੇ ਉਮੀਦਵਾਰ ਵੀ ਐਲਾਨ ਦਿੱਤੇ ਹਨ ਪ੍ਰੰਤੂ ਕੁਝ ਸੀਟਾਂ ਉੱਪਰ ਬਸਪਾ ਨੂੰ ਉਮੀਦਵਾਰ ਚੁਣਨ ਵਿੱਚ ਮੁਸ਼ਕਿਲ ਪੇਸ਼ ਆ ਰਹੀ ਹੈ। ਬਸਪਾ ਦੇ ਹਿੱਸੇ ਆਏ ਕੁਝ ਹਲਕਿਆਂ ਵਿੱਚ ਤਾਂ ਬਸਪਾ ਨੂੰ ਉਮੀਦਵਾਰ ਹੀ ਨਹੀਂ ਮਿਲ ਰਹੇ, ਇਨਾਂ ਹਲਕਿਆਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ, ਬਸਪਾ ਨਾਲ ਦੋਹਰੀ ਸਿਆਸੀ ਚਾਲ ਚੱਲ ਰਿਹਾ ਹੈ। ਭਾਵ ਹਲਕਾ ਬਸਪਾ ਦਾ ਅਤੇ ਉਮੀਦਵਾਰ ਅਕਾਲੀ ਦਲ ਦਾ ਖੜਾ ਕੀਤਾ ਜਾ ਰਿਹਾ ਹੈ। ਵਿਧਾਨ ਸਭਾ ਹਲਕਾ ਰਾਏਕੋਟ ਤੋਂ ਅਕਾਲੀ-ਬਸਪਾ ਗੱਠਜੋੜ ਦੇ ਜਿਸ ਉਮੀਦਵਾਰ ਬਲਵਿੰਦਰ ਸਿੰਘ ਸੰਧੂ ਨੂੰ ਬਸਪਾ ਵੱਲੋਂ ਮੈਦਾਨ ਵਿੱਚ ਉਤਾਰਿਆ ਗਿਆ ਹੈ, ਇਹ ਉਮੀਦਵਾਰ ਬਸਪਾ ਵੱਲੋਂ ਟਿਕਟ ਦੇਣ ਤੱਕ ਸ਼੍ਰੋਮਣੀ ਅਕਾਲੀ ਦਲ ਦਾ ਹਲਕਾ ਇੰਚਾਰਜ ਲਾਇਆ ਹੋਇਆ ਸੀ। ਗੱਠਜੋੜ ਤਹਿਤ ਰਾਏਕੋਟ ਸੀਟ ਪਹਿਲਾਂ ਅਕਾਲੀ ਦਲ ਹਿੱਸੇ ਸੀ ਜਿੱਥੋਂ ਬਲਵਿੰਦਰ ਸਿੰਘ ਸੰਧੂ, ਬਿਕਰਮਜੀਤ ਸਿੰਘ ਖਾਲਸਾ ਅਤੇ ਇੰਦਰਇਕਬਾਲ ਸਿੰਘ ਅਟਵਾਲ ਵਿਚਕਾਰ ਅਕਾਲੀ ਦਲ ਦੀ ਟਿਕਟ ਪ੍ਰਾਪਤੀ ਲਈ ਪੂਰੀ ਜੱਦੋ ਜਹਿਦ ਚਲਦੀ ਰਹੀ ਹੈ ਪਰ ਇਹ ਸੀਟ ਅਕਾਲੀ ਦਲ ਨੇ ਮੋਹਾਲੀ ਸੀਟ ਬਦਲੇ ਬਸਪਾ ਨੂੰ ਦੇ ਦਿੱਤੀ ਸੀ ਪੰ੍ਰਤੂ ਟਿਕਟ ਬਸਪਾ ਦੇ ਕੋਟੇ ਵਿੱਚੋਂ ਅਕਾਲੀ ਦਲ ਦੇ ਹਲਕਾ ਇੰਚਾਰਜ ਬਲਵਿੰਦਰ ਸਿੰਘ ਸੰਧੂ ਨੂੰ ਦਿੱਤੀ ਗਈ ਹੈ। ਇਸੇ ਤਰਾਂ ਸ੍ਰੀ ਚਮਕੌਰ ਸਾਹਿਬ ਹਲਕੇ ਵਿੱਚ ਸੀਨੀਅਰ ਅਕਾਲੀ ਆਗੂ ਬੀਬੀ ਸਤਵੰਤ ਕੌਰ ਸੰਧੂ ਦੇ ਪੁੱਤਰ ਹਰਮੋਹਨ ਸਿੰਘ ਸੰਧੂ ਨੂੰ ਬਸਪਾ ਦੀ ਟਿਕਟ ਦਿੱਤੀ ਗਈ ਹੈ ਜਦਕਿ ਹਰਮੋਹਨ ਸਿੰਘ ਸੰਧੂ ਅਕਾਲੀ ਦਲ ਦਾ ਸੀਨੀਅਰ ਆਗੂ ਹੈ। ਹਲਕਾ ਮਹਿਲ ਕਲਾਂ ਵਿੱਚ ਵੀ ਬਾਦਲ ਪਰਿਵਾਰ ਦੇ ਨੇੜੇ ਦੱਸਣ ਵਾਲੇ ਇੱਕ ਯੂਥ ਆਗੂ ਨੇ ਬਸਪਾ ਕੋਟੇ ਵਿੱਚੋਂ ਟਿਕਟ ਲੈਣ ਲਈ ਅੱਡੀ ਚੋਟੀ ਦਾ ਜ਼ੋਰ ਲਗਾਇਆ ਹੋਇਆ ਹੈ। ਅਕਾਲੀ ਦਲ ਦੀ ਇਹ ਨੀਤੀ ਬਸਪਾ ਦੇ ਬਾਗ਼ੀ ਗੁੱਟ ਦੇ ਆਗੂਆਂ ਦੀ ਟਿੱਪਣੀ ’ਤੇ ਪੂਰੀ ਢੁੱਕਦੀ ਹੈ ਜਿਸ ਵਿੱਚ ਬਸਪਾ ਦੇ ਬਾਗ਼ੀ ਆਗੂਆਂ ਨੇ ਦੋਸ਼ ਲਗਾਇਆ ਸੀ ਕਿ ‘ਬਸਪਾ ਦੀ ਲੀਡਰਸ਼ਿਪ ਨੇ ਬਸਪਾ ਨੂੰ ਅਕਾਲੀ ਦਲ ਕੋਲ ਵੇਚ ਦਿੱਤਾ ਹੈ’। ਬਹਰਹਾਲ ! ਸ਼੍ਰੋਮਣੀ ਅਕਾਲੀ ਦਲ ਦੇ ਦੋਵੇਂ ਹੱਥਾਂ ਵਿੱਚ ਲੱਡੂ ਹਨ ਅਤੇ ਅਕਾਲੀ ਦਲ ਦੀ ਹਾਈਕਮਾਂਡ ‘ਮਾਲ ਮਾਲਕਾਂ ਦਾ, ਮਸ਼ਹੂਰੀ ਕੰਪਨੀ ਦੀ’ ਪੂਰੀ ਠੋਕ ਵਜਾ ਕੇ ਕਰ ਰਹੀ ਹੈ ਅਤੇ ਬਸਪਾ ਹਾਈਕਮਾਂਡ ਪੂਰੀ ਨਿਮਰਤਾ ਨਾਲ ‘ਜੀ ਹਜ਼ੂਰੀ’ ਉੱਪਰ ਪਹਿਰਾ ਦੇ ਰਹੀ ਹੈ।

ਤਾਜ਼ਾ ਖਬਰਾਂ

ਮਾਰਕੀਟ ਕਮੇਟੀ ਮਹਿਲ ਕਲਾਂ…ਹੱਟ ਪਿੱਛੇ ਚੇਅਰਮੈਨ ਦੀ ਮੁੱਛ ਦਾ ਸਵਾਲ ਆਂ….ਦੋ ਪੁੜਾਂ ਦੀ ਫਸਗੇ ਨੇਤਾ ਜੀ…!

ਸਚਿਨ ਪਾਇਲਟ ਦਾ ਪਾਇਲਟ ਪ੍ਰੋਜੈਕਟ… ਵੱਡੇ ਆਗੂਆਂ ਦੀ ਬਜਾਏ ਵਰਕਰਾਂ ਤੱਕ ਹੋਵੇਗੀ ਸਿੱਧੀ ਪਹੁੰਚ…!

…ਇਹ ਤਾਂ ਕੁੱਤੀ ਹੀ ਚੋਰਾਂ ਦੀ ਨਿਕਲੀ….ਕਰੋੜਾਂ ਦੀ ਹੈਰੋਇਨ ਤੇ ਹਥਿਆਰਾਂ ਸਮੇਤ ਇੰਸਪੈਕਟਰ ਕਾਬੂ

ਲੱਤ ‘ਚ ਹੀ ਲੱਗੀ ਹੋਈ ਸੀ ਸਰਿੰਜ…ਨਸ਼ੇ ਦੀ ਓਵਰਡੋਜ਼ ਨਾਲ ਨੌਜਵਾਨ ਦੀ ਮੌਤ

ਬੈਂਕ ਹੜ੍ਹਤਾਲ…ਸਰਕਾਰ ਦੀ 5-day working ਤੋਂ ਕੋਰੀ ਨਾਂਹ, ਮੁਲਾਜ਼ਮ ਹੜ੍ਹਤਾਲ ‘ਤੇ ਅੜੇ

ਭਾਈ ਅੰਮ੍ਰਿਤਪਾਲ ਸਿੰਘ ਦੋ ਵਿਧਾਨ ਸਭਾ ਸੀਟਾਂ ਤੋਂ ਚੋਣ ਲੜਨਗੇ-ਇਆਲੀ

ED ਦੀ ਰੇਡ…ਗਮਾਡਾ ਨੂੰ ਲੱਗੇ 10000 ਕਰੋੜ ਦੇ ਚੂਨੇ ‘ਚ ਸਿਸੋਦੀਆ ਤੇ ਸਤੇਂਦਰ ਜੈਨ ਦੇ ਨਾਮ ਦੀ ਗੂੰਜ

ਧਨੌਲੇ ਥਾਣੇ ‘ਚ ਜੋਬਨ ਰੁੱਤੇ ਜੋਬਨ ਨੇ ਚੁੱਕ ਲਿਆ ਖਤਰਨਾਕ ਕਦਮ

ਅਮੀਰੀ ਰੁਤਬਾ : ਅੰਡਾਨੀ ਨੇ ਅੰਬਾਨੀ ਨੂੰ ਕੁਰਸੀ ਤੋਂ ਲਾਹਿਆ

DA ਦਾ ਮਾਮਲਾ… ਬਰਫੀ ਤੇ ਲੋਈ ਦੀ ਸਕ੍ਰਿਪਟ ਤੋਂ ਬਾਅਦ ਸਰਕਾਰ ਨੇ ਇੱਕ ਹੋਰ ਚਾਲ ਚੱਲੀ…ਪੜ੍ਹੋ ਖ਼ਬਰ

error: Content is protected !!