ਬਰਨਾਲਾ 28 ਜਨਵਰੀ (ਨਿਰਮਲ ਸਿੰਘ ਪੰਡੋਰੀ)-ਕੌਮੀ ਏਅਰਲਾਈਨ ਏਅਰ ਇੰਡੀਆ ਪੱਕੇ ਤੌਰ ‘ਤੇ ਟਾਟਾ ਦੀ ਹੋ ਗਈ ਹੈ।ਸਰਕਾਰ ਨੇ ਸ਼ੁੱਕਰਵਾਰ ਏਅਰ ਇੰਡੀਆ ਦਾ ਹੱਥ ਟਾਟਾ ਨੂੰ ਫੜਾਉਣ ਸੰਬੰਧੀ ਰਸਮ ਅਦਾ ਕਰ ਦਿੱਤੀ ਹੈ। ਟਾਟਾ ਗਰੁੱਪ ਨਾਲ ਏਅਰ ਇੰਡੀਆ ਦਾ ਮਿਲਾਪ ਲਗਪਗ ਸਤਾਹਠ ਸਾਲਾਂ ਬਾਅਦ ਹੋਇਆ ਹੈ।1932 ਵਿੱਚ ਟਾਟਾ ਗਰੁੱਪ ਨੇ ਏਅਰ ਇੰਡੀਆ ਦੀ ਸਥਾਪਨਾ ਕੀਤੀ ਸੀ ਪਰ 1953 ਵਿੱਚ ਸਰਕਾਰ ਨੇ ਇਸ ਨੂੰ ਆਪਣੇ ਹੱਥਾਂ ਵਿੱਚ ਲੈ ਲਿਆ ਸੀ। ਅਕਤੂਬਰ ਦੋ ਹਜਾਰ ਇੱਕੀ ਵਿੱਚ ਟਾਟਾ ਗਰੁੱਪ ਨੇ ਏਅਰ ਇੰਡੀਆ ਨੂੰ ਅਠਾਰਾਂ ਹਜ਼ਾਰ ਕਰੋੜ ਰੁਪਏ ਚ ਖਰੀਦ ਲਿਆ ਸੀ। ਇਸ ਰਕਮ ਵਿੱਚੋਂ ਟਾਟਾ ਗਰੁੱਪ ਸਰਕਾਰ ਨੂੰ 2700 ਕਰੋੜ ਰੁਪਏ ਨਕਦ ਦੇਵੇਗਾ ਅਤੇ 15300 ਕਰੋਡ਼ ਦਾ ਏਅਰ ਇੰਡੀਆ ਦਾ ਕਰਜ਼ਾ ਚੁਕਾਵੇਗਾ।ਏਅਰ ਇੰਡੀਆ ਨੂੰ ਆਪਣੇ ਹੱਥਾਂ ਚ ਲੈਣ ਤੋਂ ਬਾਅਦ ਟਾਟਾ ਗਰੁੱਪ ਦੇ ਚੇਅਰਮੈਨ ਨਟਰਾਜਨ ਚੰਦਰਸ਼ੇਖਰਨ ਨੇ ਏਅਰ ਇੰਡੀਆ ਦੇ ਸੁਨਹਿਰੀ ਸਮੇਂ ਦਾ ਦਾਅਵਾ ਕੀਤਾ ਹੈ।
Menu
