ਬਰਨਾਲਾ, 22 ਫਰਵਰੀ (ਨਿਰਮਲ ਸਿੰਘ ਪੰਡੋਰੀ) : ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ ਵੱਲੋਂ ਵੋਟ ਫੀਸਦੀ ਦੇ ਅੰਕੜੇ ਜਾਰੀ ਕਰ ਦਿੱਤੇ ਗਏ ਹਨ, ਜਿਸ ਮੁਤਾਬਿਕ ਮਾਝਾ ਅਤੇ ਦੁਆਬਾ ਖੇਤਰ ਵਿੱਚ ਮਾਲਵਾ ਦੇ ਕੁੱਝ ਖ਼ੇਤਰਾਂ ਤੋਂ ਜ਼ਿਆਦਾ ਵੋਟ ਪੲਂੀ ਹੈ। ਮੁੱਖ ਚੋਣ ਅਧਿਕਾਰੀ ਵੱਲੋਂ ਜਾਰੀ ਕੀਤੇ ਅੰਕੜਿਆਂ ਮੁਤਾਬਿਕ 117 ਹਲਕਿਆਂ ਵਿੱਚੋਂ 43 ਹਲਕਿਆਂ ’ਚ 75 ਫੀਸਦੀ ਤੋਂ ਜ਼ਿਆਦਾ ਵੋਟ ਪੋਲ ਹੋਈ ਹੈ। ਇਸੇ ਤਰਾਂ 30 ਵਿਧਾਨ ਸਭਾ ਹਲਕਿਆਂ ਵਿੱਚ 70 ਤੋਂ 75 , 30 ਵਿਧਾਨ ਸਭਾ ਹਲਕਿਆਂ ਵਿੱਚ 65 ਤੋਂ 70 , 10 ਹਲਕਿਆਂ ਵਿੱਚ 60 ਤੋਂ 65 ਅਤੇ 4 ਹਲਕਿਆਂ ਵਿੱਚ 55 ਤੋਂ 60 ਫੀਸਦੀ ਵੋਟ ਪੋਲ ਹੋਈ ਹੈ। ਚੰਨੀ ਵਜ਼ਾਰਤ ਦੇ ਚਰਚਿਤ ਮੰਤਰੀ ਰਾਜਾ ਵੜਿੰਗ ਦੇ ਹਲਕੇ ਗਿੱਦੜਬਾਹਾ ’ਚ ਸਭ ਤੋਂ ਵੱਧ 84.93 ਫੀਸਦੀ ਵੋਟ ਪੋਲ ਹੋਈ ਹੈ ਅਤੇ ਅੰਮਿ੍ਰਤਸਰ ਵੈਸਟ ਹਲਕੇ ’ਚ ਸਭ ਤੋਂ ਘੱਟ 55.40 ਫੀਸਦੀ ਵੋਟ ਪੋਲ ਹੋਈ ਹੈ। ਸ਼੍ਰੋਮਣੀ ਅਕਾਲੀ ਦਲ ਦੇ ਦਿੱਗ਼ਜ ਆਗੂ ਬਿਕਰਮ ਸਿੰਘ ਮਜੀਠੀਆ ਦੇ ਘਰੇਲੂ ਹਲਕੇ ’ਚ 72. 84 , ਨਵਜੋਤ ਸਿੰਘ ਸਿੰਘ ਸਿੱਧੂ ਬਨਾਮ ਬਿਕਰਮ ਮਜੀਠਾ ਦੇ ਹਲਕੇ ’ਚ 64.05 , ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਜੱਦੀ ਹਲਕੇ ਸ੍ਰੀ ਚਮਕੌਰ ਸਾਹਿਬ ’ਚ 74.52 ਅਤੇ ਭਦੌੜ ’ਚ 78.90 , ਸਖਬੀਰ ਸਿੰਘ ਬਾਦਲ ਦੇ ਹਲਕਾ ਜਲਾਲਾਬਾਦ ’ਚ 80 ਫੀਸਦੀ, ਪ੍ਰਕਾਸ਼ ਸਿੰਘ ਬਾਦਲ ਦੇ ਹਲਕਾ ਲੰਬੀ ’ਚ 81.35, ਸਿੱਧੂ ਮੂਸੇਵਾਲਾ ਦੇ ਹਲਕਾ ਮਾਨਸਾ ’ਚ 78.99 , ਬੀਬੀ ਰਜਿੰਦਰ ਕੌਰ ਭੱਠਲ ਬਨਾਮ ਪਰਮਿੰਦਰ ਸਿੰਘ ਢੀਂਡਸਾ ਦੇ ਹਲਕਾ ਲਹਿਰਾ ’ਚ 79.60,ਮੁਸਲਿਮ ਬਹੁ-ਗਿਣਤੀ ਵੋਟਾਂ ਦੇ ਹਲਕੇ ਮਲੇਰਕੋਟਲਾ ’ਚ 78.60 , ਸਿਮਰਨਜੀਤ ਸਿੰਘ ਮਾਨ ਦੇ ਹਲਕੇ ਅਮਰਗੜ ’ਚ 77.98 , ਭਗਵੰਤ ਮਾਨ ਦੇ ਹਲਕਾ ਧੂਰੀ ’ਚ 77.37 ਅਤੇ ਕੈਪਟਨ ਅਮਰਿੰਦਰ ਸਿੰਘ ਦੇ ਹਲਕਾ ਪਟਿਆਲਾ ’ਚ 63.58 ਫੀਸਦੀ ਵੋਟ ਚੋਣ ਕਮਿਸ਼ਨ ਦੇ ਅੰਕੜਿਆਂ ਮੁਤਾਬਿਕ ਪੋਲ ਹੋਈ ਹੈ।
Menu
