ਬਰਨਾਲਾ 28 ਫ਼ਰਵਰੀ (ਨਿਰਮਲ ਸਿੰਘ ਪੰਡੋਰੀ)- ਯੂਨੀਵਰਸਿਟੀ ਕਾਲਜ ਬਰਨਾਲਾ ਵਿਚ ਮਨਾਏ ਜਾ ਰਹੇ ਮਾਤ-ਭਾਸ਼ਾ ਦਿਵਸ ਅਤੇ ਸਾਇੰਸ ਵੀਕ ਫੈਸਟੀਵਲ ਦੇ ਆਖਰੀ ਦਿਨ ਭਾਸ਼ਣ ਅਤੇ ਵਾਦ-ਵਿਵਾਦ ਮੁਕਾਬਲੇ ਕਰਵਾਏ ਗਏ। ਇਹਨਾਂ ਮੁਕਾਬਲਿਆਂ ਵਿਚ ਬਹੁਗਿਣਤੀ ਵਿਦਿਆਰਥੀਆਂ ਨੇ ਭਾਗ ਲਿਆ। ਲੈਕਚਰ ਲੜੀ ਤਹਿਤ ਵਿਸ਼ੇਸ਼ ਵਕਤਾ ਵਜੋਂ ਡਾ.ਭੀਮ ਇੰਦਰ ਸਿੰਘ ਮੁਖੀ,ਪੰਜਾਬੀ ਸਾਹਿਤ ਅਧਿਐਨ ਵਿਭਾਗ ,ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਨੇ ਸ਼ਿਰਕਤ ਕੀਤੀ। ਉਹਨਾਂ ਨੇ ‘ਆਧੁਨਿਕ ਤਕਨੀਕੀ ਯੁੱਗ ਅਤੇ ਭਾਸ਼ਾ ਦਾ ਵਿਕਾਸ’ ਵਿਸ਼ੇ ਤੇ ਵਿਦਿਆਰਥੀਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਹਨਾਂ ਨੇ ਵਿਦਿਆਰਥੀਆਂ ਨੂੰ ਪੰਜਾਬੀ ਭਾਸ਼ਾ ,ਪੰਜਾਬ ਦੇ ਇਤਿਹਾਸ ਅਤੇ ਤਕਨੀਕੀ ਵਿਕਾਸ ਬਾਰੇ ਸਰਲ ਸ਼ਬਦਾਂ ਚ ਸਮਝਾਂਉਦਿਆ ,ਆਪਣੀ ਮਾਤ ਭਾਸ਼ਾ ਨਾਲ ਜੁੜਨ ਲਈ ਪੇੑਰਿਤ ਕੀਤਾ । ਕਾਲਜ ਦੇ ਪ੍ਰਿੰਸੀਪਲ ਡਾ.ਰਾਕੇਸ ਜਿੰਦਲ ਨੇ ਡਾ.ਭੀਮ ਇੰਦਰ ਸਿੰਘ ਦਾ ਕਾਲਜ ਪਹੁੰਚਣ ‘ਤੇ ਸਵਾਗਤ ਕੀਤਾ ਅਤੇ ਵਿਦਿਆਰਥੀਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਉਹਨਾਂ ਦਾ ਧੰਨਵਾਦ ਕੀਤਾ । ਮੰਚ ਦਾ ਸੰਚਾਲਨ ਸੈਸ਼ਨ ਕੋਆਰਡੀਨੇਟ ਡਾ.ਗਗਨਦੀਪ ਕੌਰ ਵੱਲੋਂ ਕੀਤਾ ਗਿਆ । ਪੋ੍ਗਰਾਮ ਦੀ ਦੇਖ-ਰੇਖ ਦਾ ਕਾਰਜ ਡਾ.ਹਰਪੀ੍ਤ ਰੂਬੀ ਵੱਲੋਂ ਨਿਭਾਇਆ ਗਿਆ। 22 ਫਰਵਰੀ ਤੋਂ 28 ਫਰਵਰੀ ਦੌਰਾਨ ਕਰਵਾਏ ਗਏ ਅੰਤਰ ਕਾਲਜ ਮੁਕਾਬਲਿਆਂ ਵਿਚ ਐਸ. ਡੀ. ਕਾਲਜ ਬਰਨਾਲਾ, ਐਸ. ਐਸ. ਡੀ ਕਾਲਜ ਬਰਨਾਲਾ ਆਦਿ ਕਾਲਜ ਨੇ ਵੱਖ ਵੱਖ ਗਤੀਵਿਧੀਆਂ ਵਿਚ ਭਾਗ ਲਿਆ। ਪ੍ਰੋਗਰਾਮ ਦੇ ਅਖੀਰ ‘ਚ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਵੀ ਵੰਡੇ ਗਏ। ਇਸ ਮੌਕੇ ‘ਤੇ ਪੋ੍.ਹਰਕੰਵਲਜੀਤ ਸਿੰਘ, ਡਾ.ਸੁਖਰਾਜ ਸਿੰਘ, ਡਾ.ਰਾਮਪਾਲ ਸਿੰਘ, ਡਾ ਮੇਜਰ ਸਿੰਘ, ਸ਼੍ਰੀ ਜਸਵਿੰਦਰ ਸਿੰਘ, ਸ਼ੀ੍ ਦੀਪਕ ਕੁਮਾਰ ਪ੍ਰੋ. ਹਰਪ੍ਰੀਤ ਸਿੰਘ, ਪ੍ਰੋ,ਹਰਵਿੰਦਰ ਸਿੰਘ, ਪ੍ਰੋ ਵਿਪਨ ਗੋਇਲ, . ਪ੍ਰੋ. ਪ੍ਰਿਆ, ਪ੍ਰੋ.ਸੀਮਾ, ਪ੍ਰੋ ਅੰਜਲੀ, ਪ੍ਰੋ. ਕਿਰਤੀ, ਪ੍ਰੋ ਪੁਸ਼ਾ ਗਰਗ ਐਸ ਡੀ ਕਾਲਜ ਬਰਨਾਲਾ ਤੋਂ ਡਾ. ਰੇਨੂ , ਐਸ ਐਸ ਡੀ ਕਾਲਜ ਬਰਨਾਲਾ ਤੋਂ ਪ੍ਰੋ ਪੁਸ਼ਪਿੰਦਰ ਸਿੰਘ ਤੇ ਡਾ. ਵਿਕਰਮ ਆਦਿ ਮੌਜ਼ੂਦ ਸਨ।
Menu
