ਚੰਡੀਗੜ੍ਹ- ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਨੇ ਆਪਣੇ ਸਿਰਫ਼ 15 ਦਿਨ ਦੇ ਕਾਰਜਕਾਲ ਦੌਰਾਨ ਹੀ ਬਾਜ਼ਾਰ ‘ਚੋਂ 3500 ਕਰੋੜ ਰੁਪਏ ਦਾ ਕਰਜ਼ਾ ਚੁੱਕ ਲਿਆ ਹੈ।ਪੰਜਾਬ ਸਿਰ ਹੁਣ ਤਕ ਕੁੱਲ ਲਗਪਗ 3 ਲੱਖ ਕਰੋੜ ਦੇ ਕਰਜ਼ੇ ਸਬੰਧੀ ਪਿਛਲੀਆਂ ਅਕਾਲੀ ਅਤੇ ਕਾਂਗਰਸ ਸਰਕਾਰਾਂ ਉੱਪਰ ਟਿੱਪਣੀਆਂ ਕਰਨ ਵਾਲੀ ਆਮ ਆਦਮੀ ਪਾਰਟੀ ਨੂੰ ਸਿਫਰ 15 ਦਿਨਾਂ ਵਿੱਚ 3500 ਕਰੋੜ ਦੇ ਕਰਜ਼ਾ ਲੈਣ ਸਬੰਧੀ ਸਵਾਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦੱਸ ਦਈਏ ਕਿ ਲੰਘੀ 16 ਮਾਰਚ ਨੂੰ ਭਗਵੰਤ ਮਾਨ ਸਰਕਾਰ ਨੇ ਬਾਜ਼ਾਰ ‘ਚੋਂ 1500 ਕਰੋੜ ਰੁਪਏ ਦੇ ਕਰਜ਼ੇ ਦੀ ਕਿਸ਼ਤ ਲਈ ਅਤੇ ਉਸ ਤੋਂ ਬਾਅਦ 23 ਮਾਰਚ ਨੂੰ 1000 ਕਰੋੜ ਰੁਪਏ ਦਾ ਕਰਜ਼ਾ 7.19 ਫੀਸਦੀ ਵਿਆਜ ਦਰ ਉੱਪਰ 20 ਸਾਲਾਂ ਲਈ ਅਤੇ 23 ਮਾਰਚ ਨੂੰ ਹੀ 1000 ਕਰੋੜ ਰੁਪਏ ਦਾ ਹੋਰ ਕਰਜ਼ਾ 7.41 ਫ਼ੀਸਦੀ ਦੀ ਵਿਆਜ ਦਰ ਉੱਤੇ 20 ਸਾਲਾਂ ਲਈ ਲਿਆ। ਮਾਨ ਸਰਕਾਰ ਵੱਲੋਂ ਲਏ ਕਰਜ਼ੇ ਦੀ ਵਾਪਸੀ 2042 ਤੱਕ ਹੈ।
Menu
