ਮੁਸ਼ਕਿਆ ਇਸ਼ਕ… ਵਿਆਹ ਤੋਂ ਤਿੰਨ ਮਹੀਨੇ ਬਾਅਦ ਹੀ ਜਵਾਈ ਸੱਸ ਨੂੰ ਲੈ ਕੇ ਫਰਾਰ
ਗੁਰਦਾਸਪੁਰ 5 ਜੁਲਾਈ (ਜੀ98 ਨਿਊਜ਼ ਸਰਵਿਸ)-ਜ਼ਿਲ੍ਹੇ ਦੇ ਕਸਬਾ ਪੁਰਾਣਾ ਸ਼ਾਲਾ ਵਿੱਚ ਵਾਪਰੀ ਰਿਸ਼ਤਿਆਂ ਨੂੰ ਸ਼ਰਮਸਾਰ ਕਰ ਦੇਣ ਵਾਲੀ ਇਕ ਘਟਨਾ ਵਿਚ ਆਪਣੀ ਸੱਸ ਨਾਲ ਹੀ ਪ੍ਰੇਮ ਪੀਂਘਾਂ ਝੂਟਦਾ ਇੱਕ ਜਵਾਈ ਆਖ਼ਰ ਆਪਣੀ ਸੱਸ ਨੂੰ ਹੀ ਲੈ ਕੇ ਫ਼ਰਾਰ ਹੋ ਗਿਆ । ਜਵਾਈ ਜਿਸਦਾ ਨਾਮ ਮਨਦੀਪ ਸਿੰਘ ਹੈ, ਦਾ ਵਿਆਹ ਅਜੇ ਤਿੰਨ ਕੁ ਮਹੀਨੇ ਪਹਿਲਾਂ ਹੀ ਹੋਇਆ ਸੀ। ਮਨਦੀਪ ਸਿੰਘ ਦੇ ਵਿਦੇਸ਼ ਜਾਣ ਦੇ ਚੱਕਰ ਵਿੱਚ ਸੱਸ ਅਤੇ ਜਵਾਈ ਦੋਵੇਂ ਕਈ ਵਾਰ ਪਾਸਪੋਰਟ ਦਫਤਰ ਅਤੇ ਬਾਹਰ ਹੋਰ ਕੰਮਾਂ ਲਈ ਇਕੱਠੇ ਜਾਂਦੇ ਰਹੇ ਅਤੇ ਇੱਕ ਦੂਜੇ ਦੀਆਂ ਪ੍ਰੇਮ ਤੰਦਾਂ ਵਿੱਚ ਫਸ ਗਏ। ਸੱਸ ਦੀ ਉਮਰ 40 ਕੁ ਸਾਲ ਦੱਸੀ ਜਾ ਰਹੀ ਹੈ ਅਤੇ ਉਹ ਪੰਜ ਬੱਚਿਆਂ ਦੀ ਮਾਂ ਵੀ ਹੈ। ਸੱਸ ਨੂੰ ਲੈ ਕੇ ਫ਼ਰਾਰ ਹੋਏ ਜਵਾਈ ਮਨਦੀਪ ਸਿੰਘ ਦੇ ਭਰਾ ਰਣਜੀਤ ਸਿੰਘ ਅਤੇ ਮਨਦੀਪ ਸਿੰਘ ਦੀ ਨਵ ਵਿਆਹੁਤਾ ਨੇ ਪੁਲਸ ਨੂੰ ਦੱਸਿਆ ਕਿ ਉਕਤ ਪ੍ਰੇਮੀ ਜੋੜਾ 1 ਜੁਲਾਈ ਤੋਂ ਲਾਪਤਾ ਹੈ। ਮਾਂ ਵਰਗੇ ਸੱਸ ਦੇ ਪਵਿੱਤਰ ਰਿਸ਼ਤੇ ਨੂੰ ਬਦਨਾਮ ਕਰਨ ਵਾਲੀ ਇਸ ਘਟਨਾ ਦੇ ਕਾਰਨ ਦੋਵੇਂ ਪਰਿਵਾਰ ਸਦਮੇ ਵਿਚ ਹਨ। ਪੁਲਿਸ ਨੇ ਨਵ ਵਿਆਹੁਤਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਮਾਮਲਾ ਦਰਜ ਕਰਕੇ ਦੋਵਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
