ਬਰਨਾਲਾ, 19 ਅਕਤੂਬਰ (ਮੰਗਲ ਸਿੰਘ) :
ਪੰਜਾਬ ਸਟੇਟ ਮਨਿਸਟੀਰੀਅਲ ਸਰਵਿਸਜ਼ ਯੂਨੀਅਨ ਪੰਜਾਬ ਦੇ ਫੈਸਲੇ ਅਨੁਸਾਰ ਗੁਰਮੀਤ ਸਿੰਘ ਮੀਤ ਹੇਅਰ, ਕੈਬਨਿਟ ਮੰਤਰੀ, ਉਚੇਰੀ ਸਿੱਖਿਆ ਦੇ ਘਰ ਦਾ ਜਥੇਬੰਦੀ ਵੱਲੋਂ ਘਿਰਾਓ ਕੀਤਾ ਗਿਆ। ਇਸ ਮੌਕੇ ਸੰਬੋਧਨ ਕਰਦਿਆਂ ਤਰਸੇਮ ਭੱਠਲ ਜ਼ਿਲ੍ਹਾ ਪ੍ਰਧਾਨ ਪੰਜਾਬ ਸਟੇਟ ਮਨਿਸਟੀਰੀਅਲ ਸਰਵਿਸਜ ਯੂਨੀਅਨ ਬਰਨਾਲਾ, ਰਵਿੰਦਰਸ਼ਰਮਾ ਜ਼ਿਲ੍ਹਾ ਜਨਰਲ ਸਕੱਤਰ ਅਤੇ ਰੇਸ਼ਮ ਸਿੰਘ ਜ਼ਿਲ੍ਹਾ ਪ੍ਰਧਾਨ ਦਫ਼ਤਰ ਡਿਪਟੀ ਕਮਿਸ਼ਨਰ ਬਰਨਾਲਾ ਨੇ ਕਿਹਾ ਕਿ ਭਗਵੰਤ ਸਿੰਘ ਮਾਨ ਦੀ ਸਰਕਾਰ ਧੋਖੇਬਾਜ਼ ਸਾਬਤ ਹੋਈ ਹੈ। ਉਨ੍ਹਾਂ ਨੇ ਪੰਜਾਬ ਨਾਲ ਖਾਸਕਰ ਮੁਲਾਜ਼ਮ ਵਰਗ ਨਾਲ ਬਹੁਤ ਵੱਡੇ ਵਾਅਦੇ ਕੀਤੇ ਸੀ ਪੰ੍ਰਤੂ ਗਰਾਊਂਡ ਪੱਧਰ ’ਤੇ ਡੱਕਾ ਨਹੀਂ ਤੋੜਿਆ। ਮੁਲਾਜ਼ਮ ਜਗਤ ਦੀ ਸਭ ਤੋਂ ਮੁੱਖ ਮੰਗ ਪੁਰਾਣੀ ਪੈਨਸ਼ਨ ਦੀ ਬਹਾਲੀ ਕਰਨ ਦਾ ਸਰਕਾਰ ਨੇ ਵਾਅਦਾ ਕੀਤਾ ਸੀ ਪਰ ਅਜੇ ਤੱਕ ਵਾਅਦੇ ਵਫਾ ਨਹੀਂ ਹੋਏ। ਇਸ ਸਮੇਂ ਸਰਕਾਰ ਦੇ ਨੁਮਾਇੰਦੇ ਨਾਇਬ ਤਹਿਸੀਲਦਾਰ ਵੱਲੋਂ ਜਥੇਬੰਦੀ ਦੇ ਅੰਦੋਲਨ ਵਿੱਚ ਹਾਜ਼ਰ ਹੋ ਕੇ ਮੰਗ ਪੱਤਰ ਲਿਆ। ਇਸ ਮੌਕੇ ਡਿਪਲੋਮਾ ਐਸੋਸੀਏਸ਼ਨ ਦੇ ਪ੍ਰਧਾਨ ਕਰਮਜੀਤ ਸਿੰਘ ਬੀਹਲਾ, ਪੀ.ਡਬਲਿਯੂ.ਡੀ ਫੀਲਡ ਐਂਡ ਵਰਕਸ਼ਾਮ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਦਰਸ਼ਨ ਕੁਮਾਰ ਚੀਮਾ, ਹਰਬੰਸ ਸਿੰਘ ਜ਼ਿਲ੍ਹਾ ਪ੍ਰਧਾਨ ਦਰਜਾ 4 ਯੂਨੀਅਨ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਮੁਲਾਜ਼ਮ ਲਹਿਰ ਇਕੱਠੀ ਹੋ ਕੇ ਮੁਲਾਜ਼ਮ ਹੱਕਾਂ ਲਈ ਜੂਝੇਗੀ। ਉਨ੍ਹਾਂ ਕਿਹਾ ਕਿ ਸਰਕਾਰ ਸਾਡਾ ਡੀ.ਏ ਦੱਬ ਗਈ ਹੈ, ਪੇਅ ਕਮਿਸ਼ਨ ਦਾ ਏਰੀਅਰ ਦੱਬ ਗਈ ਹੈ, ਜਦਕਿ ਗੁਆਂਢੀ ਸੂਬਾ ਅਤੇ ਯੂ.ਪੀ ਨੇ ਵੀ ਡੀ.ਏ 38 ਪ੍ਰਤੀਸ਼ਤ ਕਰ ਦਿੱਤਾ ਹੈ ਪਰ ਪੰਜਾਬ ਜਿਹੜਾ ਸਭ ਤੋਂ ਖੁਸ਼ਹਾਲ ਅਤੇ ਸਿਰਮੌਰ ਸੂਬਾ ਹੁੰਦਾ ਸੀ ਉਥੋਂ ਦੀ ਆਮ ਆਦਮੀ ਸਰਕਾਰ ਨੇ ਮੁਲਾਜ਼ਮਾਂ ਦਾ ਡੀ.ਏ ਸਿਰਫ 28 ਪ੍ਰਤੀਸ਼ਤ ’ਤੇ ਰੋਕਿਆ ਹੋਇਆ ਹੈ ਅਤੇ ਨਾ ਹੀ ਅੱਜ ਤੱਕ ਪਿੱਛਲਾ ਡੀ.ਏ ਕਲੀਅਰ ਕੀਤਾ ਹੈ। ਇਸ ਸਮੇਂ ਭੱਠਲ, ਬੂਟਾ ਸਿੰਘ ਖੇੜੀਬਾੜੀ ਵਿਭਾਗ ਅਤੇ ਨਿਰਮਲ ਸਿੰਘ ਜਨਰਲ ਸਕੱਤਰ ਦਫ਼ਤਰ ਡੀ.ਸੀ ਦਫ਼ਤਰ ਨੇ ਕਿਹਾ ਕਿ ਪੰਜਾਬ ਸਟੇਟ ਮਨਿਸਟੀਰੀਅਲ ਸਰਵਿਸਜ ਯੂਨੀਅਨ ਦੀ ਹੜਤਾਲ ਪੁਰਾਣੀ ਪੈਨਸ਼ਨ ਦੀ ਬਹਾਲੀ ਤੋਂ ਬਗੈਰ ਪਿੱਛੇ ਨਹੀਂ ਮੋੜੇਗੀ। ਅਸੀਂ ਸਰਕਾਰ ਨਾਲ ਆਰ ਅਤੇ ਪਾਰ ਦੀ ਲੜਾਈ ਲੜਾਂਗੇ। ਮੁਲਾਜ਼ਮਾਂ ਦੀਆਂ ਹੁਣ ਤੱਕ ਹੱਕੀ ਅਤੇ ਜਾਇਜ਼ ਮੰਗਾਂ ਫਤਿਹ ਕਰਕੇ ਹੀ ਦਮ ਲਵਾਂਗੇ। ਮੰਤਰੀ ਦੀ ਕੋਠੀ ਦੇ ਘਿਰਾਓ ਵਿੱਚ ਸਮੂਹ ਦਫ਼ਤਰਾਂ ਤੋਂ ਕਲੈਰੀਕਲ ਅਤੇ ਦਰਜਾ 4 ਕਾਮਿਆਂ ਨੇ ਭਾਗ ਲਿਆ। ਇਸ ਮੌਕੇ ਪਰਮਿੰਦਰ ਕੌਰ, ਅੰਸ਼ੂ ਗੁਪਤਾ, ਰਮਨਪ੍ਰੀਤ ਕੌਰ, ਮਨਜੀਤ ਕੌਰ, ਕਿਰਨਦੀਪ ਕੌਰ ਚੌਹਾਨ, ਬਲਵਿੰਦਰ ਸਿੰਘ ਬੀ.ਐਂਡ.ਆਰ, ਹਰਦੀਪ ਸਿੰਘ, ਜੁਨੇਜਾ, ਜਗਸੀਰ ਸਿੰਘ, ਰਾਜੇਸ਼ ਵਰਮਾ, ਮਨਜਿੰਦਰ ਔਲਖ, ਗਗਨ ਸ਼ਰਮਾ, ਮੱਖਣ ਸਿੰਘ, ਗਗਨ ਭਦੌੜ, ਅਵਤਾਰ ਬਡਬਰ, ਮੱਖਣ ਸਿੰਘ, ਗਿਆਨ ਸਿੰਘ, ਗੁਰਧਿਆਨ ਸਿੰਘ, ਜਸਵੀਰ ਸਿੰਘ, ਕੌਰ ਸਿੰਘ, ਦਲਜੀਤ ਸਿੰਘ ਬਿਜਲੀ ਬੋਰਡ, ਰਾਕੇਸ਼ ਕੁਮਾਰ ਹੈਡ ਮਾਸਟਰ, ਅਵਤਾਰ ਸਿੰਘ ਬਾਹੀਆ ਤੋਂ ਇਲਾਵਾ ਮੁਲਾਜ਼ਮ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।
