ਬਰਨਾਲਾ 25 ਅਪ੍ਰੈਲ ( ਨਿਰਮਲ ਸਿੰਘ ਪੰਡੋਰੀ)-ਪੰਜਾਬ ‘ਚ ਏਡਜ਼ ਦੀ ਬਿਮਾਰੀ ਤੋਂ ਪੀੜ੍ਹਤ ਮਰੀਜ਼ਾਂ ਦੇ ਤਾਜ਼ਾ ਅੰਕੜੇ ਚਿੰਤਤ ਕਰਨ ਵਾਲੇ ਹਨ । ਸਭ ਤੋਂ ਵੱਡੀ ਵਿਚਾਰਨ ਅਤੇ ਚਿੰਤਾ ਕਰਨ ਵਾਲੀ ਗੱਲ ਇਹ ਵੀ ਹੈ ਕਿ ਏਡਜ਼ ਦੇ ਪਾਜ਼ਿਟਿਵ ਕੇਸਾਂ ਵਿੱਚ 15 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਵੀ ਸ਼ਾਮਲ ਹਨ । ਪੰਜਾਬ ਦੇ ਕੁਝ ਜ਼ਿਲ੍ਹਿਆਂ ਵਿੱਚ ਤਾਂ ਏਡਜ਼ ਦੇ ਮਰੀਜ਼ਾਂ ਦੀ ਗਿਣਤੀ ਵਿੱਚ ਤੇਜ਼ੀ ਨਾਲ ਵਾਧਾ ਹੋਇਆ ਹੈ । ਲੁਧਿਆਣਾ ਵਿੱਚ ਸਾਹਮਣੇ ਆਏ 1711 ਕੇਸਾਂ ਵਿੱਚੋਂ 1448 ਮਰਦ, 233 ਔਰਤਾਂ, 2 ਟਰਾਂਸਜੈਂਡਰ ਅਤੇ 15 ਸਾਲ ਤੋਂ ਘੱਟ ਉਮਰ ਦੇ 28 ਬੱਚੇ ਹਨ। ਇਸ ਤੋਂ ਇਲਾਵਾ ਬਠਿੰਡਾ ਵਿੱਚ ਮਿਲੇ 1514 ਏਡਜ਼ ਪਾਜ਼ੇਟਿਵ ਮਰੀਜ਼ਾਂ ਵਿੱਚ 1281 ਮਰਦ, 225 ਔਰਤਾਂ, 2 ਟਰਾਂਸਜੈਂਡਰ ਅਤੇ 6 ਬੱਚੇ ਸ਼ਾਮਲ ਹਨ। ਸੂਬੇ ‘ਚ 2022 ਤੋਂ ਜਨਵਰੀ 2023 ਤੱਕ ਦੇ ਅੰਕੜਿਆਂ ਮੁਤਾਬਕ 10,109 ਏਡਜ਼ ਪਾਜ਼ੇਟਿਵ ਮਰੀਜ਼ ਪਾਏ ਗਏ ਹਨ। ਏਡਜ਼ ਦੇ ਮਰੀਜ਼ਾਂ ਦੀ ਗਿਣਤੀ ਵਧਾਉਣ ਵਿੱਚ ਨਸ਼ਾਖੋਰੀ ਨੂੰ ਅਹਿਮ ਕਾਰਨ ਮੰਨਿਆ ਗਿਆ ਹੈ । ਨਸ਼ੇੜੀ ਵਿਅਕਤੀ ਇੱਕੋ ਸੂਈ ਨਾਲ ਕਈ ਟੀਕੇ ਆਪਸ ਵਿੱਚ ਮਿਲਕੇ ਲਗਾਉਂਦੇ ਹਨ ਜਿਸ ਕਾਰਨ ਜੇ ਇੱਕ ਵਿਅਕਤੀ ਏਡਜ਼ ਪਾਜ਼ੇਟਿਵ ਹੈ ਤਾਂ ਉਸ ਦੇ ਨਾਲ ਦੂਜੇ ਦੇ ਪਾਜ਼ਿਟਿਵ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਕੇਂਦਰ ਅਤੇ ਪੰਜਾਬ ਸਰਕਾਰ ਵੱਲੋਂ ਸਮੇਂ-ਸਮੇਂ ‘ਤੇ ਭਿਆਨਕ ਬਿਮਾਰੀ ਸਬੰਧੀ ਲੋਕਾਂ ਨੂੰ ਸੁਚੇਤ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ ਪ੍ਰੰਤੂ ਲੋਕ ਆਪਣੀ ਲਾਪਰਵਾਹੀ ਸਦਕਾ ਇਸ ਨਾਮੁਰਾਦ ਬਿਮਾਰੀ ਦੀ ਜਕੜ ਵਿੱਚ ਆ ਰਹੇ ਹਨ ।
Menu
