-ਬਾਸਮਤੀ ‘ਚ ਜ਼ਹਿਰੀਲੇ ਤੱਤਾਂ ਦੀ ਵੱਧ ਮਾਤਰਾ ਹੋਣ ‘ਤੇ ਲਿਆ ਫੈਸਲਾ
ਚੰਡੀਗੜ੍ਹ, 31 ਜੁਲਾਈ-ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਨੇ ਬਾਸਮਤੀ ਚੌਲਾਂ ਦੀ ਫ਼ਸਲ ਸਬੰਧੀ ਇੱਕ ਵੱਡਾ ਫੈਸਲਾ ਕੀਤਾ ਹੈ। ਪੰਜਾਬ ਸਰਕਾਰ ਨੇ ਬਾਸਮਤੀ ਚੌਲਾਂ ਦੀ ਫ਼ਸਲ ਪੱਕਣ ਤੋਂ ਕਟਾਈ ਅਤੇ ਸਾਂਭ-ਸੰਭਾਲ ‘ਚ ਵਰਤੇ ਜਾਣ ਵਾਲੇ ਕੀਟਨਾਸ਼ਕਾਂ ‘ਤੇ ਮੁਕੰਮਲ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਪਾਬੰਦੀ ਬਾਸਮਤੀ ਚੌਲਾਂ ‘ਚ ਇਹਨਾਂ ਕੀਟਨਾਸ਼ਕਾਂ ਦੇ ਜ਼ਹਿਰੀਲੇ ਤੱਤ ਪਾਏ ਜਾਣ ਤੋਂ ਬਾਅਦ ਲਗਾਈ ਗਈ ਹੈ। ਪੰਜਾਬ ‘ਚ ਪੈਦਾ ਹੋਣ ਵਾਲੀ ਬਾਸਮਤੀ ਚੌਲਾਂ ਦੀ ਫ਼ਸਲ ਬਾਹਰਲੇ ਦੇਸ਼ਾਂ ਵਿੱਚ ਕਈ ਵਾਰ ਫੇਲ੍ਹ ਹੋ ਚੁੱਕੀ ਹੈ। ਜਿਸ ਕਰਕੇ ਪੰਜਾਬ ਦੇ ਰਾਈਸ ਮਿੱਲਰਜ਼ ਵੀ ਚਿੰਤਤ ਹਨ ਕਿਉਂਕਿ ਬਾਸਮਤੀ ਚੌਲਾਂ ਦੀ ਫ਼ਸਲ ਵਿੱਚ ਜ਼ਹਿਰੀਲੇ ਤੱਤਾਂ ਦੀ ਮਾਤਰਾ ਜ਼ਿਆਦਾ ਆਉਣ ਕਾਰਨ ਵਪਾਰੀ ਬਾਸਮਤੀ ਨੂੰ ਬਾਹਰ ਨਹੀਂ ਭੇਜ ਪਾ ਰਹੇ ਸਨ। ਖਾੜੀ ਦੇਸ਼ਾਂ ਦੇ ਨਾਲ-ਨਾਲ ਕਈ ਯੂਰਪੀ ਦੇਸ਼ਾਂ ਵੱਲੋਂ ਵੀ ਜ਼ਹਿਰੀਲੇ ਤੱਤਾਂ ਦੀ ਮਾਤਰਾ ਵੱਧ ਹੋਣ ਕਾਰਨ ਬਾਸਮਤੀ ਚੌਲਾਂ ਦੀ ਖੇਪ ਕਈ ਵਾਰ ਰੱਦ ਕਰਕੇ ਵਾਪਸ ਭੇਜੀ ਜਾ ਚੁੱਕੀ ਹੈ। ਕਈ ਦੇਸ਼ਾਂ ਨੇ ਤਾਂ ਪੰਜਾਬ ਤੋਂ ਦਰਾਮਦ ਹੋਣ ਵਾਲੀ ਬਾਸਮਤੀ ‘ਤੇ ਪਾਬੰਦੀ ਹੀ ਲਗਾ ਦਿੱਤੀ ਹੈ। ਕੇਂਦਰ ਸਰਕਾਰ ਨੇ ਇਸ ਮਾਮਲੇ ‘ਚ ਪੰਜਾਬ ਸਰਕਾਰ ਨੂੰ ਬਕਾਇਦਾ ਸੂਚਿਤ ਕੀਤਾ ਜਿਸ ਤੋਂ ਬਾਅਦ ਹਾਲਾਤਾਂ ਦੇ ਮੱਦੇਨਜ਼ਰ ਪੰਜਾਬ ਸਰਕਾਰ ਨੇ ਕੁੱਲ 10 ਕੀਟਨਾਸ਼ਕਾਂ ਦਾ ਛਿੜਕਾਅ ਬਾਸਮਤੀ ਚੌਲਾਂ ਦੀ ਫ਼ਸਲ ‘ਤੇ ਕਰਨ ਸਬੰਧੀ ਮੁਕੰਮਲ ਤੌਰ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ ਅਤੇ ਇਹਨਾਂ ਕੀਟਨਾਸ਼ਕਾਂ ਦੀ ਵਿਕਰੀ ਹੁਣ 1ਅਗਸਤ ਤੋਂ ਮਾਰਕੀਟ ਵਿੱਚ ਨਹੀਂ ਹੋਵੇਗੀ । ਜਿਹੜੇ 10 0 ਕੀਟਨਾਸ਼ਕਾਂ ਦੀ ਵਿਕਰੀ ‘ਤੇ ਪੰਜਾਬ ਸਰਕਾਰ ਨੇ ਪਾਬੰਦੀ ਲਗਾਈ ਹੈ,ਉਹਨਾਂ ਵਿੱਚ 1. ਐਸੀਫੈਟ, 2. ਬੁਪਰੋਫੇਜ਼ਿਨ, 3. ਕਲੋਰਪਾਈਫੋਸ, 4. ਹੈਕਸਾਕੋਨਾਜ਼ੋਲ, 5. ਪ੍ਰੋਪੀਕੋਨਾਜ਼ੋਲ, 6. ਥਿਆਮੇਥੋਕਸਮ, 7. ਪ੍ਰੋਫੇਨੋਫੋ, 8. ਇਮੀਡਾਕਲੋਪ੍ਰਿਡ, 9. ਕਾਰਬੈਂਡਾਜ਼ਿਮ, 10. ਟ੍ਰਾਈਸਾਈਕਲਾਜ਼ੋਲ ਦੇ ਨਾਮ ਸ਼ਾਮਲ ਹਨ । ਨਾਸਕਾਂ ਦੀ ਇੱਕ ਅਗਸਤ ਤੋਂ ਅਗਲੇ 60 ਦਿਨਾਂ ਤੱਕ ਬਾਜ਼ਾਰ ਵਿੱਚ ਵਿਕਰੀ ਨਹੀਂ ਹੋਵੇਗੀ ।
Menu
