ਬਰਨਾਲਾ,28 ਫਰਵਰੀ ( ਨਿਰਮਲ ਸਿੰਘ ਪੰਡੋਰੀ )-
ਬਰਨਾਲਾ ਜਿਲੇ ਦਾ ਵੱਡਾ ਪਿੰਡ ਚੀਮਾ ਉਸ ਵੇਲੇ ਸੋਗ ਵਿੱਚ ਡੁੱਬ ਗਿਆ ਜਦ ਪਿੰਡ ਦੇ ਦੋ ਨੌਜਵਾਨਾਂ ਦੀ ਹਰਿਆਣਾ ‘ਚ ਸੜਕ ਹਾਦਸੇ ਚ ਦੁਖਦਾਈ ਮੌਤ ਹੋਣ ਦੀ ਖਬਰ ਪਿੰਡ ਪੁੱਜੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਿੰਡ ਚੀਮਾ ਦੇ ਚਾਰ ਨੌਜਵਾਨ ਜੋ ਲਖਨਊ (ਯੂ.ਪੀ.) ਤੋਂ ਇੱਕ ਵਿਆਹ ਸਮਾਗਮ ਤੋਂ ਵਾਪਿਸ ਪਿੰਡ ਪਰਤ ਰਹੇ ਸਨ ਤਾਂ ਰੋਹਤਕ (ਹਰਿਆਣਾ) ਵਿਖੇ ਸੜਕ ਹਾਦਸੇ ਦਾ ਸ਼ਿਕਾਰ ਹੋ ਗਏ ।ਹਾਦਸੇ ਦੌਰਾਨ ਦੋ ਨੌਜਵਾਨਾਂ ਮਹੰਤ ਬਿਕਰਮਜੀਤ ਸਿੰਘ ਵਿੱਕੀ ਜੋ ਡੇਰਾ ਗੁਲਾਬ ਸਿੰਘ ਚੀਮਾ ਦਾ ਮੁੱਖ ਪ੍ਰਬੰਧਕ ਸੀ ਤੇ ਗੁਰਚੇਤ ਸਿੰਘ ਚੀਮਾ (ਕਾਲਾ) ਦੀ ਮੌਕੇ ‘ਤੇ ਹੀ ਦਰਦਨਾਕ ਮੌਤ ਹੋ ਗਈ ਤੇ ਦੋ ਨੌਜਵਾਨ ਅਵਤਾਰ ਸਿੰਘ ਕਾਲਾ ਭੰਗੂ ਤੇ ਬਿਰਜੂ ਹਲਵਾਈ ਗੰਭੀਰ ਜ਼ਖਮੀ ਹੋ ਗਏ ਹਨ। ਦੋ ਨੌਜਵਾਨਾਂ ਦੀ ਮੌਤ ਨਾਲ ਪਿੰਡ ਵਿੱਚ ਸੋਗ ਦੀ ਲਹਿਰ ਫ਼ੈਲ ਗਈ ਹੈ।