ਬਰਨਾਲਾ, 05 ਸਤੰਬਰ (ਨਿਰਮਲ ਸਿੰਘ ਪੰਡੋਰੀ) :
ਵਿੱਦਿਅਕ ਸੰਸਥਾ ਗੁਰਪ੍ਰੀਤ ਹੋਲੀ ਹਾਰਟ ਪਬਲਿਕ ਸਕੂਲ, ਮਹਿਲ ਕਲਾਂ ਵਿਖੇ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਸੁਸ਼ੀਲ ਗੋਇਲ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ‘ਅਧਿਆਪਕ ਦਿਵਸ‘ ‘ਤੇ ਅਧਿਆਪਕਾਂ ਲਈ, ਜੋ ਨਾ ਸਿਰਫ ਕਲਾਸ ਵਿੱਚ ਪੜਾਉਂਦੇ ਹਨ ਸਗੋਂ ਵਿਦਿਆਰਥੀਆਂ ਦੇ ਦੋਸਤ, ਦਾਰਸ਼ਨਿਕ ਅਤੇ ਮਾਰਗਦਰਸ਼ਕ ਵੀ ਹਨ, ਲਈ ਵਿਸ਼ੇਸ਼ ਪਾਰਟੀ ਦਾ ਆਯੋਜਨ ਕੀਤਾ ਗਿਆ। ਸਕੂਲ ਦੇ ਡਾਇਰੈਕਟਰ ਨਿਤਿਨ ਜਿੰਦਲ ਇਸ ਸਮਾਰੋਹ ਵਿੱਚ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਅਧਿਆਪਕਾਂ ਨੇ ਗੀਤਾਂ, ਡਾਂਸ ਅਤੇ ਸਕਿੱਟਾਂ ਰਾਹੀਂ ਆਪਣੀ ਪ੍ਰਤਿਭਾ ਦਾ ਪ੍ਰਦਰਸ਼ਨ ਕੀਤਾ। ਹਰਵਿੰਦਰ ਸਿੰਘ ਅਤੇ ਮਿਸ ਮਨਮੀਤ ਕੌਰ ਨੇ ਕ੍ਰਮਵਾਰ ਮਿਸਟਰ ਜੀ.ਐਚ.ਐਚ.ਪੀ.ਐਸ ਅਤੇ ਮਿਸ ਜੀ.ਐਚ.ਐਚ.ਪੀ.ਐਸ ਦਾ ਖਿਤਾਬ ਜਿੱਤਿਆ। ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਸੁਸ਼ੀਲ ਗੋਇਲ ਨੇ ਇਸ ਮੌਕੇ ਤੇ ਗੱਲਬਾਤ ਕਰਦਿਆਂ ‘ਗੁਰੂ‘ ਦੀ ਪ੍ਰਾਚੀਨ ਧਾਰਨਾ ‘ਤੇ ਜ਼ੋਰ ਦਿੱਤਾ। ਉਹਨਾਂ ਦੱਸਿਆ ਕਿ ਅਜੋਕੇ ਸਮੇਂ ਵਿੱਚ ਇੱਕ ਅਧਿਆਪਕ ਦਾ ਜੀਵਨ ਨਿਯਮਾਂ ਅਤੇ ਨੀਤੀਆਂ ਦੁਆਰਾ ਨਿਯੰਤਰਿਤ ਹੈ। ਹਰ ਇੱਕ ਤਰਾਂ ਦੀ ਜਾਣਕਾਰੀ ਕੰਪਿਊਟਰ ਅਤੇ ਇੰਟਰਨੈੱਟ ਦੇ ਜ਼ਰੀਏ ਉਂਗਲਾਂ ‘ਤੇ ਉਪਲਬੱਧ ਹੈ ਪਰ ਇੱਕ ਅਧਿਆਪਕ ਦਾ ਰੋਲ ਹੋਰ ਕੋਈ ਵੀ ਨਹੀਂ ਨਿਭਾ ਸਕਦਾ। ਸਕੂਲ ਦੇ ਐਗਜੀਕਿਊਟਿਵ ਡਾਇਰੈਕਟਰ ਰਾਕੇਸ ਬਾਂਸਲ, ਮੈਨੇਜਮੈਂਟ ਦੇ ਮੈਂਬਰ ਮਿਸਿਜ਼ ਰਚਨਾ ਗੋਇਲ, ਮਿਸਿਜ਼ ਦੀਪਿਕਾ ਗੋਇਲ, ਮਿਸਿਜ਼ ਸਮਰਿਧੀ ਬਾਂਸਲ ਅਤੇ ਸਕੂਲ ਦੇ ਪਿ੍ਰੰਸੀਪਲ ਮਿਸਿਜ਼ ਨਵਜੋਤ ਟੱਕਰ ਨੇ ਸਾਰੇ ਸਟਾਫ ਮੈਂਬਰਾਂ ਨੂੰ ਅਧਿਆਪਕ ਦਿਵਸ ਦੀ ਵਧਾਈ ਦਿੱਤੀ। ਹੋਲੀ ਹਾਰਟ ਦੇ ਵਿਹੜੇ ਅਧਿਆਪਕ ਦਿਵਸ ਦੇ ਜਸ਼ਨਾਂ ਦਾ ਸਮਾਗਮ ਅਮੁੱਲ ਯਾਦਾਂ ਛੱਡ ਗਿਆ ।
