ਪੀਐਨਬੀ ਦੀ ਬਰਾਂਚ ’ਚ ਬਕਸੇ ’ਚ ਰੱਖੇ 42 ਲੱਖ ਦੇ ਨੋਟ ਹੋ ਗਏ ਖ਼ਰਾਬ
ਚੰਡੀਗੜ, 16 ਸਤੰਬਰ (ਜੀ98 ਨਿਊਜ਼ ਸਰਵਿਸ) :
ਪੰਜਾਬ ਨੈਸ਼ਨਲ ਬੈਂਕ ਦੀ ਇੱਕ ਬਰਾਂਚ ਵਿੱਚ ਬਕਸੇ ’ਚ ਰੱਖੇ 42 ਲੱਖ ਦੇ ਨੋਟ ਗ਼ਲ ਕੇ ਖ਼ਰਾਬ ਹੋ ਗਏ। ਮਾਮਲਾ ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਸ਼ਹਿਰ ਨਾਲ ਸੰਬੰਧਿਤ ਹੈ। ਜਿੱਥੇ ਪੰਜਾਬ ਨੈਸ਼ਨਲ ਬੈਂਕ ਦੀ ਇੱਕ ਬਰਾਂਚ ਵਿੱਚ 42 ਲੱਖ ਰੁਪਏ ਦੇ ਨੋਟ ਬੈਂਕ ਅਧਿਕਾਰੀਆਂ ਨੇ ਰੱਖੇ ਅਤੇ ਬਕਸਾ ਬਂੈਕ ਦੀ ਬੇਸਮੈਂਟ ਵਿੱਚ ਰੱਖ ਦਿੱਤਾ। ਲੱਗਭੱਗ ਤਿੰਨ ਮਹੀਨੇ ਬਾਅਦ ਜਦ ਬੈਂਕ ਅਧਿਕਾਰੀਆਂ ਨੇ ਬਕਸਾ ਖੋਲਿਆ ਤਾਂ ਸਾਰੇ ਨੋਟ ਗ਼ਲ ਚੁੱਕੇ ਸਨ। ਅਸਲ ਵਿੱਚ ਭਾਰੀ ਬਰਸਾਤ ਹੋਣ ਤੋਂ ਬਾਅਦ ਬੈਂਕ ਦੀ ਬੇਸਮੈਂਟ ਦੀ ਕੰਧ ਵਿੱਚ ਜ਼ਿਆਦਾ ਸਿੱਲ ਪੈਦਾ ਹੋ ਗਈ ਜਿਸ ਨਾਲ ਬੇਸਮੈਂਟ ਵਿੱਚ ਭਰੇ ਬਕਸੇ ’ਚ ਕਿਸੇ ਤਰੀਕੇ ਨਾਲ ਪਾਣੀ ਚਲਾ ਗਿਆ ਅਤੇ ਪਾਣੀ ਨਾਲ ਸਾਰੇ ਨੋਟ ਖ਼ਰਾਬ ਹੋ ਗਏ। ਸੰਬੰਧਿਤ ਬਰਾਂਚ ਦੇ ਚਾਰ ਅਧਿਕਾਰੀਆਂ ਨੂੰ ਉੱਚ ਅਥਾਰਿਟੀ ਵੱਲੋਂ ਸਸਪੈਂਡ ਕਰ ਦਿੱਤਾ ਗਿਆ ਹੈ। ਰਿਜ਼ਰਵ ਬੈਂਕ ਆੱਫ਼ ਇੰਡੀਆ ਅਤੇ ਪੀਐਨਬੀ ਦੀ ਵਿਜੀਲੈਂਸ ਟੀਮ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
