-31 ਅਕਤੂਬਰ ਤੱਕ ਹਰ ਸ਼ੁਕਰਵਾਰ ਹੋਵੇਗਾ ਰੋਸ ਪ੍ਰਦਰਸ਼ਨ : ਨਿਰਮਲਜੀਤ ਸਿੰਘ
ਬਰਨਾਲਾ, 16 ਸਤੰਬਰ (ਮੰਗਲ ਸਿੰਘ ) :
ਡੀ.ਸੀ.ਦਫਤਰ ਕਰਮਚਾਰੀ ਯੂਨੀਅਨ, ਪੰਜਾਬ (ਰਜਿ:) ਦੇ ਸੂਬਾ ਪ੍ਰਧਾਨ ਤੇਜਿੰਦਰ ਸਿੰਘ ਨੰਗਲ ਦੀ ਅਗਵਾਈ ਵਿੱਚ ਸੂਬਾ ਬਾਡੀ ਦੁਆਰਾ ਪੰਜਾਬ ਸਰਕਾਰ ਵੱਲੋਂ ਮੰਗਾਂ ਨਾ ਮੰਨਣ ਕਾਰਨ ਮਿਤੀ 16 ਸੰਤਬਰ ਤੋਂ 31 ਅਕਤੂਬਰ ਤੱਕ ਹਫਤੇ ਦੇ ਹਰ ਸੁਕਰਵਾਰ ਸਵੇਰੇ 11 ਵਜੇ ਤੋਂ 2 ਵਜੇ ਤੱਕ ਜ਼ਿਲ੍ਹਾ ਪੱਧਰੀ ਧਰਨੇ ਪ੍ਰਦਰਸ਼ਨ ਦੇ ਉਲੀਕੇ ਗਏ ਪ੍ਰੋਗਰਾਮ ਤਹਿਤ ਡੀ.ਸੀ ਦਫ਼ਤਰ ਦੇ ਸਮੁੱਚੇ ਕਰਮਚਾਰੀਆਂ ਵੱਲੋਂ ਸਦਰ ਮੁਕਾਮ ਤੇ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ। ਧਰਨੇ ਨੂੰ ਸੰਬੋਧਨ ਕਰਦਿਆ ਜ਼ਿਲ੍ਹਾ ਮੀਤ ਪ੍ਰਧਾਨ ਅਵਤਾਰ ਸਿੰਘ ਬਾਹੀਆ ਸੀਨੀਅਰ ਸਹਾਇਕ ਅਤੇ ਨਿਰਮਲਜੀਤ ਸਿੰਘ ਜੂਨੀਅਰ ਸਹਾਇਕ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੱਲੋਂ ਡੀ.ਸੀ. ਦਫ਼ਤਰਾਂ ਦੇ ਕਾਮਿਆਂ ਦੀਆਂ ਮੰਗਾਂ ਜਿਨ੍ਹਾਂ ਵਿੱਚ ਸੁਪਰਡੰਟ ਗ੍ਰੇਡ-1 ਦੀਆਂ ਪ੍ਰਮੋਸ਼ਨਾਂ ਕਰਨੀਆਂ, ਸੁਪਰਡੰਟ ਗ੍ਰੇਡ-2 ਦੀਆਂ ਪ੍ਰਮੋਸ਼ਨਾਂ ਤੇ ਲਗਾਈ ਗਈ ਰੋਕ ਹਟਾਉਣਾ, ਸੀਨੀਅਰ ਸਹਾਇਕ ਤੋਂ ਨਾਇਬ ਤਹਿਸੀਲਦਾਰ ਪ੍ਰਮੋਸ਼ਨ ਕੋਟਾ ਵਧਾਉਣ ਅਤੇ ਸਿੱਧੀ ਭਰਤੀ ਦੀਆਂ ਅਸਾਮੀਆਂ ਤੇ ਲਗਾਈ ਰੋਕ ਹਟਾ ਕੇ ਪ੍ਰਮੋਸ਼ਨਾਂ ਕਰਵਾਉਣਾ, ਡੀ.ਸੀ. ਦਫ਼ਤਰਾਂ ਕਰਮਚਾਰੀਆਂ ਨੂੰ 5 ਪ੍ਰਤੀਸ਼ਤ ਪ੍ਰਸ਼ਾਸਕੀ ਭੱਤਾ ਦੇਣ, 1995 ਦੇ ਨਾਰਮਜ਼ ਅਨੁਸਾਰ ਡੀ.ਸੀ. ਦਫ਼ਤਰਾਂ, ਐਸ.ਡੀ.ਐਮ. ਦਫ਼ਤਰਾਂ, ਤਹਿਸੀਲਾਂ ਅਤੇ ਸਬ-ਤਹਿਸੀਲਾਂ ਵਿੱਚ ਅਸਾਮੀਆਂ ਦੀ ਰਚਨਾ ਕਰਨ, 50 ਸਾਲ ਦੀ ਉਮਰ ਪੂਰੀ ਕਰ ਚੁੱਕੇ ਜੂਨੀਅਰ ਸਕੇਲ ਸਟੈਨੋਗ੍ਰਾਫਰਾਂ ਨੂੰ ਬਤੌਰ ਸੀਨੀਅਰ ਸਕੇਲ ਸਟੈਨੋਗ੍ਰਾਫਰ ਪਦਉਨਤੀ ਲਈ ਟੈਸਟ ਤੋਂ ਛੋਟ ਦੇਣਾ, ਜੂਨੀਅਰ ਸਕੇਲ ਸਟੈਨੋਗ੍ਰਾਫਰ ਤੋਂ ਸੀਨੀਅਰ ਸਟੈਨੋ ਗ੍ਰਾਫਰ ਪਦਉਨਤੀ ਲਈ ਕੋਈ ਟੈਸਟ ਨਾ ਲੈ ਕੇ ਸੀਨੀਅਰਤਾਂ ਦੇ ਅਧਾਰ ਤੇ ਪ੍ਰਮੋਸ਼ਨਾਂ ਕਰਨ, ਡੀ.ਸੀ. ਦਫ਼ਤਰ ਬਰਨਾਲਾ ਵਿੱਚ ਆਊਟਸੋਰਸ ਤੇ ਕੰਮ ਕਰਦੇ ਕਰਮਚਾਰੀਆਂ ਨੂੰ ਪੱਕੇ ਕਰਨ, ਗਰੁੱਪ-ਸੀ ਅਤੇ ਗਰੁੱਪ-ਡੀ ਦੇ ਕਰਮਚਾਰੀਆਂ ਦੀ ਇੱਕ ਜਿਲੇ ਤੋਂ ਦੂਜੇ ਜ਼ਿਲ੍ਹੇ ਵਿੱਚ ਬਦਲੀ ਤੇ ਲਗਾਈ ਰੋਕ ਹਟਾਉਣਾ, ਡੀ.ਸੀ. ਦਫ਼ਤਰਾਂ ਦੀਆਂ ਪੁਨਰਗਠਨ ਨਾਲ ਖਤਮ ਕੀਤੀਆਂ ਸ਼ਾਖਾਵਾਂ ਬਹਾਲ ਕਰਨ ਜਾਂ ਨਵੀਆਂ ਸ਼ਾਖਾਵਾਂ ਬਣਾਉਣ, ਨਵੀਂ ਬਣੀ ਸਬ ਡਵੀਜਨ ਮਹਿਲ ਕਲਾਂ ਨੂੰ ਅਪਰੇਸ਼ਨਲ ਕਰਨ ਆਦਿ ਮੰਗਾਂ ਪੂਰੀਆਂ ਨਹੀਂ ਕਰ ਰਹੀ। ਕਰਮਚਾਰੀ ਸਾਥੀਆਂ ਨੇ ਇਹ ਵੀ ਦੱਸਿਆ ਕਿ ਇਹ ਧਰਨੇ 31 ਅਕਤੂਬਰ ਤੱਕ ਹਰ ਸ਼ੁੱਕਰਵਾਰ ਇਸੇ ਤਰਾਂ ਦਿੱਤੇ ਜਾਇਆ ਕਰਨਗੇ। ਇਸ ਮੌਕੇ ਵਿੱਕੀ ਡਾਬਲਾ ਵਿੱਤ ਸਕੱਤਰ, ਨਰਪਿੰਦਰਪਾਲ ਸਿੰਘ ਕਾਨੂੰਨੀ ਸਲਾਹਕਾਰ, ਹਰਪ੍ਰੀਤ ਸਿੰਘ ਮੀਤ ਪ੍ਰਧਾਨ, ਅਮਨਦੀਪ ਸਿੰਘ ਪ੍ਰੈਸ ਸਕੱਤਰ, ਸ਼੍ਰੀਮਤੀ ਪਰਮਿੰਦਰ ਕੌਰ ਸੁਪਰਡੰਟ ਗਰੇਡ-1, ਸ਼੍ਰੀਮਤੀ ਅੰਸ਼ੂ ਗੁਪਤਾ ਸੀਨੀਅਰ ਸਹਾਇਕ, ਸੀਤਾ ਰਾਮ ਸੀਨੀਅਰ ਸਹਾਇਕ, ਹਰਵਿੰਦਰ ਸਿੰਘ ਸੀਨੀਅਰ ਸਹਾਇਕ, ਅਵਤਾਰ ਸਿੰਘ ਸਰੋਏ ਸੀਨੀਅਰ ਸਹਾਇਕ, ਸਾਰੇ ਆਊਟਸੋਰਸਡ ਕਰਮਚਾਰੀ ਅਤੇ ਸਬ ਡਵੀਜਨ ਬਰਨਾਲਾ ਦੇ ਸਾਥੀ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ ਅਤੇ ਸਰਕਾਰ ਖਿਲਾਫ਼ ਜੰਮ ਕੇ ਨਾਅਰੇਬਾਜ਼ੀ ਕਰਦਿਆਂ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਨ ਦੀ ਚਿਤਾਵਨੀ ਦਿੱਤੀ।
