ਬਰਨਾਲਾ, 01 ਨਵੰਬਰ (ਸੋਨੀ ਧਨੌਲਾ) :
ਮੰਗਲਵਾਰ ਤੜਕਸਾਰ ਗੁਰਦੁਆਰਾ ਸ਼੍ਰੀ ਮੀਰੀ ਪੀਰੀ ਗੁਰੂਸਰ ਸੰਗਤ ਸਾਹਿਬ, ਖੁੱਡੀ ਰੋਡ, ਬਰਨਾਲਾ ਵਲੋਂ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਪ੍ਰਭਾਤ ਫੇਰੀ ਕੱਢੀ ਗਈ, ਜਿਸ ’ਚ ਵੱਡੀ ਗਿਣਤੀ ’ਚ ਸੰਗਤ ਨੇ ਸ਼ਮੂਲੀਅਤ ਕੀਤੀ। ਇਸ ਮੌਕੇ ਏਕਤਾ ਕਲੋਨੀ, ਖੁੱਡੀ ਰੋਡ, ਬਰਨਾਲਾ ਦੀ ਸੰਗਤ ਵਲੋਂ ਪ੍ਰਭਾਤ ਫੇਰੀ ਦਾ ਭਰਵਾਂ ਸਵਾਗਤ ਕਰਦਿਆਂ ਜਿੱਥੇ ਫੁੱਲਾਂ ਦੀ ਵਰਖਾ ਕੀਤੀ ਗਈ, ਉੱਥੇ ਹੀ ਬ੍ਰੈਡ ਪਕੌੜੇ, ਚਾਹ, ਬਿਸਕੁੱਟ, ਦੇਗ ਆਦਿ ਦੇ ਲੰਗਰ ਵੀ ਲਗਾਏ ਗਏ। ਇਸ ਮੌਕੇ ਬਾਬਾ ਗਗਨਦੀਪ ਸਿੰਘ ਵਲੋਂ ਅਰਦਾਸ ਬੇਨਤੀ ਕਰਵਾਈ ਗਈ। ਉਨਾਂ ਦੱਸਿਆ ਕਿ ਗੁਰਦੁਆਰਾ ਸ਼੍ਰੀ ਮੀਰੀ ਪੀਰੀ ਗੁਰੂਸਰ ਸੰਗਤ ਸਾਹਿਬ, ਖੁੱਡੀ ਰੋਡ, ਬਰਨਾਲਾ ਵਿਖੇ 6 ਨਵੰਬਰ ਨੂੰ ਸ਼੍ਰੀ ਅਖੰਡ ਪਾਠ ਸਾਹਿਬ ਪ੍ਰਕਾਸ਼ ਕਰਵਾਏ ਜਾਣਗੇ, ਜਿੰਨਾਂ ਦਾ ਭੋਗ 8 ਨਵੰਬਰ ਨੂੰ ਪਾਇਆ ਜਾਵੇਗਾ। ਉਨਾਂ ਸਮੂਹ ਸੰਗਤ ਇਸ ਸਮਾਗਮ ’ਚ ਵੱਧ-ਚੜਕੇ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ। ਇਸ ਮੌਕੇ ਰਾਮ ਸ਼ਰਮਾ, ਸਿਮਰਤ ਰਾਣੀ, ਗੁਰਤੇਜ ਸਿੰਘ, ਜਸਵੀਰ ਕੌਰ, ਗੁਰਮੇਲ ਸਿੰਘ ਮੌੜ, ਗੁਰਮੀਤ ਕੌਰ, ਗੁਰਵਿੰਦਰ ਸਿੰਘ, ਗੁਰਕਮਲ ਸਿੰਘ, ਸਰਦਾਰਾ ਸਿੰਘ, ਰਾਜਬੀਰ ਕੌਰ, ਅਰਸ਼ਦੀਪ ਸਿੰਘ, ਹਰਸ਼ਦੀਪ ਸਿੰਘ, ਜਗਦੀਪ ਸਿੰਘ, ਕਸ਼ਮੀਰ ਸਿੰਘ, ਤਾਰਾ ਚੰਦ, ਮਨਪ੍ਰੀਤ ਸਿੰਘ, ਮਨਰਾਜ ਸਿੰਘ, ਸਵਰਨ ਕੌਰ, ਮਨਦੀਪ ਕੌਰ, ਪਰਦੀਪ ਕੌਰ, ਰਵੀ ਆਦਿਵਾਲ ਸਣੇ ਵੱਡੀ ਗਿਣਤੀ ’ਚ ਏਕਤਾ ਕਲੋਨੀ ਦੀ ਸੰਗਤ ਹਾਜ਼ਰ ਰਹੀ।
