ਚੰਡੀਗੜ੍ਹ,7 ਜੁਲਾਈ, Gee98 news service
-ਪਤੀ ਪਤਨੀ ਦੇ ਰਿਸ਼ਤੇ ਵਿੱਚ ਦਰਾੜ ਨਾਲ ਸੰਬੰਧਿਤ ਇੱਕ ਸਨਸਨੀਖੇਜ ਖ਼ਬਰ ਸਾਹਮਣੇ ਆ ਰਹੀ ਹੈ। ਇਹ ਖਬਰ ਫਾਜਿਲਕਾ ਤੋਂ ਹੈ ਜਿੱਥੇ ਇੱਕ ਅਧਿਆਪਕ ਨੂੰ ਉਸਦੇ ਸਹੁਰੇ ਘਰ ਪੈਟਰੋਲ ਪਾ ਕੇ ਅੱਗ ਲਗਾ ਕੇ ਸਾੜ ਦਿੱਤਾ ਗਿਆ। ਡਾਕਟਰਾਂ ਅਨੁਸਾਰ ਅਧਿਆਪਕ 60 ਤੋਂ 65 ਫੀਸਦੀ ਸੜ ਚੁੱਕਿਆ ਹੈ ਜਿਸ ਨੂੰ ਮੁੱਢਲੇ ਇਲਾਜ ਤੋਂ ਬਾਅਦ ਫਰੀਦਕੋਟ ਰੈਫਰ ਕੀਤਾ ਗਿਆ ਹੈ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਪੁੱਜੀ ਅਤੇ ਪੁਲਿਸ ਨੂੰ ਪੀੜ੍ਹਤ ਅਧਿਆਪਕ ਵਿਸ਼ਵਦੀਪ ਕੁਮਾਰ ਦੀ ਭੈਣ ਪੁਸ਼ਪਾ ਨੇ ਦੱਸਿਆ ਕਿ ਉਸਦਾ ਭਰਾ ਫਾਜਿਲਕਾ ਵਿਖੇ ਰਹਿੰਦਾ ਹੈ ਅਤੇ ਪਿੰਡ ਹੀਰਾਂਵਾਲੀ ਵਿੱਚ ਵਿਆਹਿਆ ਹੈ। ਉਸ ਦੀ ਪਤਨੀ ਦੋ ਕੁ ਮਹੀਨੇ ਤੋਂ ਨਾਰਾਜ਼ ਹੋ ਕੇ ਕਿਸੇ ਗੱਲੋਂ ਆਪਣੇ ਪੇਕੇ ਪਿੰਡ ਬੈਠੀ ਹੈ ਜਿਸ ਨੂੰ ਮਨਾਉਣ ਲਈ ਉਹ ਆਪਣੇ ਭਰਾ ਨਾਲ ਉਸਦੇ ਸਹੁਰੇ ਪਿੰਡ ਹੀਰਾਂਵਾਲੀ ਗਏ ਸਨ। ਉਹਨਾਂ ਨਾਲ ਪੁਸ਼ਪਾ ਦਾ ਪਤੀ ਵੀ ਸੀ। ਪੀੜ੍ਹਤ ਅਧਿਆਪਕ ਦੀ ਭੈਣ ਪੁਸਪਾ ਨੇ ਦੱਸਿਆ ਕਿ ਭਰਾ ਦੇ ਸਹੁਰੇ ਘਰ ਉਹ ਅਤੇ ਉਸਦਾ ਪਤੀ ਇੱਕ ਕਮਰੇ ਵਿੱਚ ਬੈਠੇ ਸਨ ਜਦ ਕਿ ਦੂਜੇ ਕਮਰੇ ਵਿੱਚ ਉਸ ਦਾ ਭਰਾ, ਉਸਦੀ ਪਤਨੀ ਅਤੇ ਉਸਦਾ ਸਾਲਾ ਬੈਠੇ ਸਨ। ਉਸ ਨੇ ਦੱਸਿਆ ਕਿ ਕੁਝ ਸਮੇਂ ਬਾਅਦ ਉਸ ਦਾ ਭਰਾ ਕਮਰੇ ਵਿੱਚੋਂ ਅੱਗ ਨਾਲ ਸੜਦਾ ਹੋਇਆ ਬਾਹਰ ਨਿਕਲਿਆ। ਜਿਸ ਨੂੰ ਵੇਖ ਕੇ ਉਹਨਾਂ ਦੇ ਹੋਸ ਉੱਡ ਗਏ ਤੇ ਉਹਨਾਂ ਨੇ ਕਿਸੇ ਤਰੀਕੇ ਨਾਲ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਇੱਥੇ ਅੱਗ ਨਾਲ ਬੁਰੀ ਤਰ੍ਹਾਂ ਸੜ ਸੁੱਕੇ ਅਧਿਆਪਕ ਵਿਸਵਦੀਪ ਕੁਮਾਰ ਨੂੰ ਹਸਪਤਾਲ ਦਾਖਲ ਕਰਵਾਇਆ। ਪੁਲਿਸ ਦੇ ਇਸ ਮਾਮਲੇ ਦੀ ਜਾਂਚ ਸਾਰੇ ਪਹਿਲੂਆਂ ਤੋਂ ਕਰ ਰਹੀ ਹੈ।
Menu
