ਚੰਡੀਗੜ੍ਹ,1 ਅਗਸਤ , Gee98 news service
-ਅੱਜ ਤੋਂ ਭਾਵ 1 ਅਗਸਤ 2024 ਤੋਂ ਕੁਝ ਅਜਿਹੇ ਬਦਲਾਅ ਲਾਗੂ ਹੋ ਗਏ ਹਨ ਜਿਨਾਂ ਨਾਲ ਹੁਣ ਜੇਬਾਂ ਹੋਰ ਢਿੱਲੀਆਂ ਹੋਣਗੀਆਂ। ਅੱਜ ਤੋਂ 19 ਕਿਲੋਗ੍ਰਾਮ ਦਾ ਕਮਰਸ਼ੀਅਲ ਗੈਸ ਸਿਲੰਡਰ 8.50 ਰੁਪਏ ਮਹਿੰਗਾ ਹੋ ਗਿਆ ਹੈ,ਹਾਲਾਂਕਿ 14.2 ਕਿਲੋਗ੍ਰਾਮ ਘਰੇਲੂ ਗੈਸ ਸਿਲੰਡਰ ਦੀ ਕੀਮਤ ‘ਚ ਕੋਈ ਬਦਲਾਅ ਨਹੀਂ ਹੋਇਆ ਹੈ।ਇਸ ਤੋਂ ਇਲਾਵਾ ਹਵਾਬਾਜ਼ੀ ਈਂਧਨ ਦੀ ਕੀਮਤ ਵਧਣ ਨਾਲ ਹਵਾਈ ਸਫਰ ਮਹਿੰਗਾ ਹੋ ਸਕਦਾ ਹੈ। ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਐਵੀਏਸ਼ਨ ਟਰਬਾਈਨ ਫਿਊਲ (ਏ.ਟੀ.ਐੱਫ.) ਦੀਆਂ ਕੀਮਤਾਂ 2,058.29 ਰੁਪਏ ਪ੍ਰਤੀ ਕਿਲੋਲੀਟਰ (1000 ਲੀਟਰ) ਵਧਾ ਦਿੱਤੀਆਂ ਹਨ।ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਮਹਾਨਗਰਾਂ ‘ਚ ATF (ਐਵੀਏਸ਼ਨ ਟਰਬਾਈਨ ਫਿਊਲ) ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ। ਇਸ ਨਾਲ ਹਵਾਈ ਸਫਰ ਮਹਿੰਗਾ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ITR ( ਇਨਕਮ ਟੈਕਸ ਰਿਟਰਨ) ਫਾਈਲ ਕਰਨ ਦੀ ਆਖਰੀ ਮਿਤੀ 31 ਜੁਲਾਈ ਤੱਕ ਸੀ ਹੁਣ ਰਿਟਰਨ ਭਰਨ ਲਈ ਜੁਰਮਾਨਾ ਭਰਨਾ ਪਵੇਗਾ। ਜੇਕਰ ਕਿਸੇ ਵਿਅਕਤੀਗਤ ਟੈਕਸਦਾਤਾ ਦੀ ਸਾਲਾਨਾ ਆਮਦਨ 5 ਲੱਖ ਰੁਪਏ ਤੋਂ ਵੱਧ ਹੈ, ਤਾਂ ਉਸ ਨੂੰ 5,000 ਰੁਪਏ ਦੀ ਲੇਟ ਫੀਸ ਅਦਾ ਕਰਨੀ ਪਵੇਗੀ। ਜੇਕਰ ਟੈਕਸਦਾਤਾ ਦੀ ਸਾਲਾਨਾ ਆਮਦਨ 5 ਲੱਖ ਰੁਪਏ ਤੋਂ ਘੱਟ ਹੈ, ਤਾਂ ਉਸ ਨੂੰ ਲੇਟ ਫੀਸ ਵਜੋਂ 1,000 ਰੁਪਏ ਦੇਣੇ ਹੋਣਗੇ। ਇਸ ਤੋਂ ਇਲਾਵਾ ਤਿੰਨ ਸਾਲ ਪੁਰਾਣੇ ਫਾਸਟੈਗ, 5 ਸਾਲ ਪੁਰਾਣੇ ਫਾਸਟੈਗ ਦਾ ਕੇਵਾਈਸੀ ਬਦਲਣਾ ਹੋਵੇਗਾ। ਤਿੰਨ ਸਾਲ ਪੁਰਾਣੇ ਫਾਸਟੈਗ ਦਾ ਕੇਵਾਈਸੀ (kyc) ਅੱਪਡੇਟ ਕਰਨਾ ਹੋਵੇਗਾ। ਇਸ ਤੋਂ ਇਲਾਵਾ 5 ਸਾਲ ਜਾਂ ਇਸ ਤੋਂ ਵੱਧ ਪੁਰਾਣੇ ਫਾਸਟੈਗ ਨੂੰ ਬਦਲਣਾ ਹੋਵੇਗਾ।ਵਾਹਨ ਰਜਿਸਟ੍ਰੇਸ਼ਨ ਨੰਬਰ, ਚੈਸੀ ਨੰਬਰ ਨੂੰ ਫਾਸਟੈਗ ਨਾਲ ਲਿੰਕ ਕਰਨਾ ਹੋਵੇਗਾ। ਨਵਾਂ ਵਾਹਨ ਖਰੀਦਣ ਦੇ 90 ਦਿਨਾਂ ਦੇ ਅੰਦਰ ਵਾਹਨ ਦਾ ਨੰਬਰ ਅੱਪਡੇਟ ਕਰਨਾ,ਕਾਰ ਦੇ ਸਾਈਡ ਅਤੇ ਫਰੰਟ ਦੀ ਸਾਫ ਫੋਟੋ ਅੱਪਲੋਡ ਕਰਨ, ਫਾਸਟੈਗ ਨੂੰ ਮੋਬਾਈਲ ਨੰਬਰ ਨਾਲ ਲਿੰਕ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ 1 ਅਗਸਤ ਤੋਂ ਜੇਕਰ CRED, Paytm, PhonePe ਅਤੇ ਹੋਰਾਂ ਵਰਗੇ ਥਰਡ ਪਾਰਟੀ ਐਪਸ ਰਾਹੀਂ HDFC ਬੈਂਕ ਕ੍ਰੈਡਿਟ ਕਾਰਡ ਰਾਹੀਂ ਕਿਰਾਏ ਦਾ ਭੁਗਤਾਨ (ਕਿਰਾਏ ਦਾ ਲੈਣ-ਦੇਣ) ਕੀਤਾ ਜਾਂਦਾ ਹੈ, ਤਾਂ ਉਸ ਲੈਣ-ਦੇਣ ‘ਤੇ 1% ਚਾਰਜ ਲਗਾਇਆ ਜਾਵੇਗਾ , ਨਾਲ ਹੀ ਪ੍ਰਤੀ ਲੈਣ-ਦੇਣ ਦੀ ਸੀਮਾ 3,000 ਰੁਪਏ ਰੱਖੀ ਗਈ ਹੈ। ਇਸ ਤੋਂ ਇਲਾਵਾ 15,000 ਰੁਪਏ ਤੋਂ ਵੱਧ ਦੇ ਈਂਧਨ ਲੈਣ-ਦੇਣ ‘ਤੇ 1 ਫੀਸਦੀ ਚਾਰਜ ਲਗਾਇਆ ਜਾਵੇਗਾ। ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ‘ਚ ਕੋਈ ਬਦਲਾਅ ਨਹੀਂ ਹੋਇਆ। ਇਹ ਸਾਰੇ ਬਦਲਾਅ ਇੱਕ ਅਗਸਤ 2024 ਤੋਂ ਲਾਗੂ ਹੋ ਗਏ ਹਨ। ਸਬੰਧਿਤ ਕੰਪਨੀਆਂ ਨੇ ਨਾਗਰਿਕਾਂ ਨੂੰ ਕਿਸੇ ਪਰੇਸ਼ਾਨੀ ਤੋਂ ਬਚਣ ਲਈ ਨਿਯਮਾਂ ਦੀ ਪਾਲਣਾ ਕਰਨ ਦੀ ਅਪੀਲ ਕੀਤੀ ਹੈ।
