ਚੰਡੀਗੜ੍ਹ, 26 ਅਪ੍ਰੈਲ, Gee98 news service-
-ਸਮਾਜ ਵਿੱਚ ਛੋਟੀਆਂ ਬੱਚੀਆਂ ਨਾਲ ਦਰਿੰਦਗੀ ਦੀਆਂ ਘਟਨਾਵਾਂ ਰੁਕਣ ਦਾ ਨਾਮ ਨਹੀਂ ਲੈ ਰਹੀਆਂ ਅਜਿਹੀ ਇੱਕ ਦਰਦਨਾਕ ਘਟਨਾ ਮੋਗਾ ਜ਼ਿਲ੍ਹੇ ਤੋਂ ਸਾਹਮਣੇ ਆਈ ਜਿੱਥੇ ਇੱਕ ਦਰਿੰਦੇ ਨੇ ਇੱਕ ਛੋਟੀ ਬੱਚੀ ਨਾਲ ਰੇਪ ਦੀ ਕੋਸ਼ਿਸ਼ ਕੀਤੀ ਪ੍ਰੰਤੂ ਜਦੋਂ ਕਾਮਯਾਬ ਨਾ ਹੋਇਆ ਤਾਂ ਉਸਨੇ ਬੱਚੀ ਦੇ ਗਲ ਵਿੱਚ ਪਰਨਾ ਬੰਨ ਕੇ ਉਸਨੂੰ ਦਰੱਖਤ ਦੀ ਇੱਕ ਟਾਹਣੀ ਨਾਲ ਲਟਕਾ ਦਿੱਤਾ ਜਿਸ ਤੋਂ ਬਾਅਦ ਬੱਚੀ ਦੀ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮੋਗਾ ਜ਼ਿਲ੍ਹੇ ਦੇ ਪਿੰਡ ਲੁਹਾਰਾ ‘ਚ ਪਿੰਡ ਤੋਂ ਕੁਝ ਦੂਰੀ ‘ਤੇ ਲੱਗਦੇ ਇੱਕ ਧਾਰਮਿਕ ਸਥਾਨ ‘ਤੇ ਮੇਲੇ ‘ਤੇ ਦੋ ਬੱਚੀਆਂ ਇਕੱਲੀਆਂ ਹੀ ਚੱਲੀਆਂ ਗਈਆਂ। ਬੱਚੀਆਂ ਤੇ ਮਾਤਾ ਪਿਤਾ ਨੇੜੇ ਹੀ ਭੱਠੇ ‘ਤੇ ਮਜ਼ਦੂਰੀ ਦਾ ਕੰਮ ਕਰਦੇ ਹਨ, ਮੇਲੇ ਵਿੱਚ ਦੋਵੇਂ ਬੱਚਿਆਂ ਨੂੰ ਇਕੱਲੀਆਂ ਵੇਖ ਕੇ ਕਾਤਲ ਦਰਿੰਦੇ ਨੇ ਬੱਚੀਆਂ ਨੂੰ ਆਪਣੀਆਂ ਗੱਲਾਂ ਵਿੱਚ ਭਰਮਾ ਲਿਆ ਅਤੇ ਖਿਡੌਣੇ ਲੈ ਕੇ ਦੇਣ ਦਾ ਲਾਲਚ ਦੇ ਕੇ ਉਹ ਬੱਚੀਆਂ ਨੂੰ ਆਪਣੇ ਸਾਈਕਲ ‘ਤੇ ਬਿਠਾ ਕੇ ਮੇਲੇ ਵਾਲੀ ਸਥਾਨ ਦੂਰ ਸਨ ਜਗ੍ਹਾ ਤੇ ਲੈ ਗਿਆ ਜਿੱਥੇ ਉਸਨੇ ਉਮਰ ਵਿੱਚ ਵੱਡੀ ਬੱਚੀ ਨੂੰ ਆਪਣੀ ਗੋਦ ਵਿੱਚ ਬਿਠਾ ਕੇ ਗਲਤ ਹਰਕਤਾਂ ਸ਼ੁਰੂ ਕਰ ਦਿੱਤੀਆਂ ਜਿਸ ਤੋਂ ਬਾਅਦ ਬੱਚੀ ਨੇ ਚੀਕਣਾ ਸ਼ੁਰੂ ਕਰ ਦਿੱਤਾ ਅਤੇ ਆਪਣੇ ਆਪ ਨੂੰ ਛੁਡਾ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਪ੍ਰੰਤੂ ਇਸ ਤਰ੍ਹਾਂ ਦਰਿੰਦੇ ਕਾਤਲ ਨੇ ਬੱਚੀ ਦਾ ਗਲ ਘੁੱਟ ਦਿੱਤਾ ਤੇ ਪਰਨਾ ਉਸ ਦੇ ਗਲੇ ਵਿੱਚ ਬੰਨ ਕੇ ਦਰੱਖ਼ਤ ਦੀ ਇੱਕ ਟਾਹਣੀ ਨਾਲ ਲਟਕਾ ਦਿੱਤਾ। ਇਹ ਸਾਰੀ ਘਟਨਾ ਪੰਜ ਕੁ ਸਾਲ ਦੀ ਛੋਟੀ ਬੱਚੀ ਵੇਖ ਰਹੀ ਸੀ ਜਦ ਉਸਨੇ ਵੱਡੀ ਭੈਣ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਕਾਤਲ ਦਰਿੰਦੇ ਨੇ ਉਸਨੂੰ ਵੀ ਫੜਨਾ ਚਾਹਿਆ ਪ੍ਰੰਤੂ ਉਹ ਕਿਸੇ ਤਰੀਕੇ ਨਾਲ ਉਥੋਂ ਭੱਜ ਨਿਕਲੀ ਅਤੇ ਸੜਕ ‘ਤੇ ਆ ਗਈ ਜਿੱਥੋਂ ਤਿੰਨ ਕਿਲੋਮੀਟਰ ਦੂਰ ਉਹ ਪੈਦਲ ਤੁਰ ਕੇ ਭੱਠੇ ‘ਤੇ ਆਪਣੇ ਮਾਪਿਆਂ ਕੋਲ ਗਈ ਅਤੇ ਸਾਰੀ ਕਹਾਣੀ ਦੱਸੀ।
ਬੱਚਿਆਂ ਦੇ ਮਾਪੇ ਤੁਰੰਤ ਘਟਨਾ ਸਥਾਨ ‘ਤੇ ਪੁੱਜੇ ਤਾਂ ਵੇਖਿਆ ਕਿ ਬੱਚੀ ਦਰੱਖਤ ਦੀ ਟਾਹਣੀ ਨਾਲ ਲਟਕ ਰਹੀ ਸੀ ਅਤੇ ਉਸਦੀ ਮੌਤ ਹੋ ਚੁੱਕੀ ਸੀ। ਆਪਣੇ ਆਪ ਨੂੰ ਕਿਸੇ ਤਰੀਕੇ ਨਾਲ ਬਚਾ ਕੇ ਬਚ ਕੇ ਨਿਕਲੀ ਛੋਟੀ ਬੱਚੀ ਨੇ ਦੱਸਿਆ ਕਿ ਜਦ ਕਾਤਲ ਨੇ ਵੱਡੀ ਬੱਚੀ ਨੂੰ ਦਰੱਖਤ ਦੀ ਟਹਿਣੀ ਨਾਲ ਲਟਕਾ ਦਿੱਤਾ ਤਾਂ ਉਹ ਹੱਸਦਾ ਰਿਹਾ। ਮਾਪਿਆਂ ਵੱਲੋਂ ਇਸ ਦਰਦਨਾਕ ਘਟਨਾ ਦੀ ਸੂਚਨਾ ਕੋਟ ਈਸੇ ਖਾਂ ਦੀ ਪੁਲਿਸ ਨੂੰ ਦਿੱਤੀ ਕਿ ਜਿਸ ਤੋਂ ਬਾਅਦ ਡੀਐਸਪੀ ਅਤੇ ਪੁਲਿਸ ਪਾਰਟੀ ਨੇ ਮੌਕੇ ‘ਤੇ ਪੁੱਜ ਕੇ ਬੱਚੀ ਦੀ ਲਾਸ਼ ਨੂੰ ਸਰਕਾਰੀ ਹਸਪਤਾਲ ਰਖਵਾਇਆ ਅਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ। ਪੁਲਿਸ ਨੇ ਹਰਕਤ ਵਿੱਚ ਆਉਂਦੇ ਹੋਏ ਮੇਲੇ ਵਾਲੇ ਸਥਾਨ ‘ਤੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੇਖੀ ਜਿਸ ਤੋਂ ਬਾਅਦ ਦੋਸ਼ੀ ਕਾਤਲ ਦੀ ਪਹਿਚਾਣ ਮਨਪ੍ਰੀਤ ਸਿੰਘ ਪਿੰਡ ਗਗੜਾ ਵਜੋਂ ਹੋਈ ਜਿਸ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਦੀ ਕਰ ਲਿਆ ਹੈ। ਕੋਟ ਈਸੇ ਖਾਂ ਦੀ ਪੁਲਿਸ ਨੇ ਬੱਚੀ ਦੇ ਵਾਰਸਾਂ ਦੇ ਬਿਆਨਾਂ ਦੇ ਆਧਾਰ ‘ਤੇ ਕਾਤਲ ਮਨਪ੍ਰੀਤ ਸਿੰਘ ਉਰਫ ਰਿੰਕੂ ਦੇ ਖ਼ਿਲਾਫ਼ BNS ਐਕਟ ਦੀ ਧਾਰਾ 103,137(1),74,140(1) ਅਤੇ 8 ਪੋਕਸੋ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਬੱਚੀ ਦੇ ਪਰਿਵਾਰਕ ਵਾਰਸਾਂ ਨੇ ਕਾਤਲ ਲਈ ਫਾਂਸੀ ਦੀ ਸਜ਼ਾ ਦੀ ਮੰਗ ਕੀਤੀ ਹੈ।
ਫੋਟੋ ਕੈਪਸ਼ਨ- ਘਟਨਾ ਸਥਾਨ ਤੋਂ ਬਚ ਕੇ ਨਿਕਲੀ ਛੋਟੀ ਬੱਚੀ ਆਪਣੇ ਮਾਪਿਆਂ ਨਾਲ
