ਡੈਅਰੀ ਮਾਲਕ ਨੂੰ ਜ਼ਖ਼ਮੀ ਕਰਕੇ ਕੀਤੀ ਲੁੱਟਖੋਹ

ਬਰਨਾਲਾ, 15 ਜੂਨ (ਨਿਰਮਲ ਸਿੰਘ ਪੰਡੋਰੀ ) :–

ਪੰਜਾਬ ’ਚ ਵਿਗੜ ਰਹੀ ਅਮਨ ਕਾਨੂੰਨ ਦਾ ਪ੍ਰਛਾਵਾਂ ਬਰਨਾਲਾ ’ਤੇ ਵੀ ਪੈਣ ਲੱਗਾ ਹੈ। ਮੰਗਲਵਾਰ ਤੇ ਬੁੱਧਵਾਰ ਦੀ ਦਰਮਿਆਨੀ ਰਾਤ ਲੁਟੇਰਿਆਂ ਨੇ ਇੱਕ ਦੁੱਧ ਦੀ ਡੈਅਰੀ ’ਤੇ ਹਮਲਾ ਕਰਕੇ ਮਾਲਕ ਨੂੰ ਜ਼ਖ਼ਮੀ ਕੀਤਾ ਅਤੇ ਲੁੱਟਖੋਹ ਕੀਤੀ। ਜਾਣਕਾਰੀ ਅਨੁਸਾਰ ਬਰਨਾਲਾ ਹੰਡਿਆਇਆ ਰੋਡ ’ਤੇ ਗੁਰਦੁਆਰਾ ਪ੍ਰਗਟਸਰ ਦੇ ਨੇੜੇ ਬੀਤੀ ਰਾਤ ਵਕਤ ਕਰੀਬ 11 ਕੁ ਵਜੇ 5-6 ਵਿਅਕਤੀਆਂ ਨੇ ਡੈਅਰੀ ਮਾਲਕ ਸ੍ਰੀ ਵਿਜੇ ਕੁਮਾਰ ਨੂੰ ਤੇਜ਼ਧਾਰ ਹਥਿਆਰਾਂ ਨਾਲ ਜ਼ਖ਼ਮੀ ਕਰਕੇ ਉਸ ਦਾ ਮੋਬਾਇਲ ਅਤੇ 10 ਹਜ਼ਾਰ ਦੇ ਕਰੀਬ ਰੁਪਏ ਦੀ ਲੁੱਟ ਕੀਤੀ ਅਤੇ ਫ਼ਰਾਰ ਹੋ ਗਏ। ਵਿਜੇ ਕੁਮਾਰ ਸਥਾਨਕ ਸਿਵਲ ਹਸਪਤਾਲ ਵਿਖੇ ਜ਼ੇਰੇ ਇਲਾਜ ਹੈ। ਇਸ ਸੰਬੰਧੀ ਥਾਣਾ ਸਿਟੀ-2 ਦੇ ਮੁਖੀ ਮੁਨੀਸ ਕੁਮਾਰ ਨੇ ਕਿਹਾ ਕਿ ਆਸਪਾਸ ਦੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ਼ ਵੇਖੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਨੂੰ ਜਲਦੀ ਕਾਬੂ ਕਰ ਲਿਆ ਜਾਵੇਗਾ।