ਬਰਨਾਲਾ,15 ਜੂਨ (ਨਿਰਮਲ ਸਿੰਘ ਪੰਡੋਰੀ) :
ਗਾਂਧੀ ਆਰੀਆ ਹਾਈ ਸਕੂਲ ਬਰਨਾਲਾ ਵਿਖੇ ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਵਿਦਿਆਰਥੀਆਂ ਲਈ 15 ਰੋਜ਼ਾ ਸਮਰ ਕੈਂਪ ਲਗਾਇਆ ਗਿਆ। ਜਾਣਕਾਰੀ ਦਿੰਦੇ ਹੋਏ ਸਕੂਲ ਦੇ ਮੁੱਖ ਅਧਿਆਪਕ ਰਾਜਮਹਿੰਦਰ ਸ਼ਰਮਾ ਨੇ ਦੱਸਿਆ ਕਿ ਇਸ ਕੈਂਪ ਦੌਰਾਨ ਲੜਕੀਆਂ ਨੂੰ ਮਹਿੰਦੀ ਲਗਾਉਣਾ, ਕੁਕਿੰਗ, ਰੰਗੋਲੀ ਬਣਾਉਣਾ, ਡਿਸਪੋਜ਼ਲ ਸਮਾਨ ਤੋਂ ਚੀਜਾਂ ਤਿਆਰ ਕਰਨੀਆਂ ਅਤੇ ਡਾਂਸ ਕਲਾਸ ਵਿੱਚ ਡਾਂਸ ਕੋਚ ਚੰਚਲ ਕੁਮਾਰ ਨੇ ਲੜਕੀਆਂ ਨੂੰ ਡਾਂਸ ਦੀ ਸਿਖਲਾਈ ਵੀ ਦਿੱਤੀ। ਕੈਂਪ ਦੀ ਸਮਾਪਤੀ ਮੌਕੇ ਇਸ ਕੈਂਪ ਦੌਰਾਨ ਚੰਗਾ ਪ੍ਰਦਰਸ਼ਨ ਕਰਨ ਵਾਲੀਆਂ ਲੜਕੀਆਂ ਨੂੰ ਵਿਸ਼ੇਸ਼ ਤੌਰ ’ਤੇ ਸਨਮਾਨਿਤ ਕੀਤਾ ਗਿਆ। ਸਕੂਲ ਮੁਖੀ ਰਾਜਮਹਿੰਦਰ ਸ਼ਰਮਾ ਨੇ ਕੈਂਪ ਦੇ ਦਿਨਾਂ ਦੌਰਾਨ ਆਪਣੀ ਪਤਨੀ ਗੀਤਾ ਸ਼ਰਮਾ ਅਤੇ ਦੋਹਤੇ ਮਨਰਾਜ ਸਿੰਘ ਦਾ ਜਨਮ ਦਿਨ ਲੜਕੀਆਂ ਨਾਲ ਮਿਲ ਕੇ ਮਨਾਇਆ। ਇਸ ਮੌਕੇ ਸਕੂਲ ਵੱਲੋਂ ਡਾਂਸ ਕੋਚ ਚੰਚਲ ਕੁਮਾਰ ਦਾ ਵੀ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਕੈਂਪ ਦੇ ਸਮਾਪਤੀ ਸਮਾਰੋਹ ਮੌਕੇ ਬਰਨਾਲਾ ਜਰਨਲਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਰਜਿੰਦਰ ਸਿੰਘ ਬਰਾੜ ਅਤੇ ਪੱਤਰਕਾਰ ਵਿਜੇ ਭੰਡਾਰੀ, ਨਿਰਮਲ ਸਿੰਘ ਪੰਡੋਰੀ, ਮੰਗਤ ਜਿੰਦਲ, ਕਰਨਪ੍ਰੀਤ ਸਿੰਘ,ਅਮਨਦੀਪ ਸਿੰਘ , ਮੰਗਲ ਸਿੰਘ ਅਤੇ ਸਟਾਫ਼ ਵੱਲੋਂ ਪ੍ਰਵੀਨ ਕੁਮਾਰ, ਰੂਬੀ ਸਿੰਗਲਾ, ਗੀਤਾ ਸ਼ਰਮਾ, ਨਵਦੀਪ ਕੌਰ ਨਵੂ, ਰੀਮਾ ਰਾਣੀ, ਰੇਖਾ ਰਾਣੀ, ਕਾਜਲ ਕੁਮਾਰੀ ਅਤੇ ਕਰਮਜੀਤ ਕੌਰ ਵੀ ਹਾਜ਼ਰ ਸਨ।
