ਬਰਨਾਲਾ ਦੇ ਵੋਕੇਸ਼ਨਲ ਮਾਸਟਰ ਗੁਰਮੀਤ ਸਿੰਘ ਦੀ ਮਾਣਮੱਤੀ ਪ੍ਰਾਪਤੀ
ਸੂਬਾ ਪੱਧਰੀ ਟੀਚਰ ਫੈਸਟ-2022 ਵਿੱਚ ਪ੍ਰਾਪਤ ਕੀਤੀ ਦੂਜੀ ਪੁਜੀਸ਼ਨ
ਬਰਨਾਲਾ 21 ਨਵੰਬਰ (ਬਲਵਿੰਦਰ ਸ਼ਰਮਾ)-
ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਸ਼੍ਰੀ ਫਤਹਿਗੜ੍ਹ ਸਾਹਿਬ ਵਿਖੇ ਕਰਵਾਏ ਗਏ ਰਾਜ ਪੱਧਰੀ ਟੀਚਰ ਫੈਸਟ-2022 ‘ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਰੂੜੇਕੇ ਕਲਾਂ ਦੇ ਅਧਿਆਪਕ ਗੁਰਮੀਤ ਸਿੰਘ ਵੋਕੇਸ਼ਨਲ ਮਾਸਟਰ ਨੇ ਮਿਸਲੇਨੀਅਸ ਅਤੇ ਹੋਰ ਗਰੁੱਪ ਵਿੱਚ ਇਲੈਕਟ੍ਰੀਕਲ ਵਿਸ਼ੇ ‘ਚ ਡਾਇਓਡਜ਼ ਅਤੇ ਰੈਕਟੀਫਾਇਅਰ ਦੇ ਮਾਡਲ ਨੂੰ ਪ੍ਰਸਤਿਤ ਕਰਕੇ ਰਾਜ ਪੱਧਰ ‘ਤੇ ਦੂਸਰੀ ਪੁਜ਼ੀਸ਼ਨ ਪ੍ਰਾਪਤ ਕਰ ਕੇ ਸਕੂਲ ਤੇ ਜ਼ਿਲ੍ਹੇ ਦਾ ਨਾਮ ਰੌਸ਼ਨ ਕੀਤਾ ਹੈ। ਸਕੂਲ ਪ੍ਰਿੰਸੀਪਲ ਮੇਜਰ ਸਿੰਘ ਅਤੇ ਇੰਚਾਰਜ ਜਗਤਾਰ ਸਿੰਘ ਨੇ ਦੱਸਿਆ ਕਿ ਰਾਜ ਪੱਧਰ ‘ਤੇ ਦੂਸਰਾ ਸਥਾਨ ਪ੍ਰਾਪਤ ਕਰਨ ‘ਤੇ ਵੋਕੇਸ਼ਨਲ ਮਾਸਟਰ ਗੁਰਮੀਤ ਸਿੰਘ ਨੂੰ ਪੰਜਾਬ ਦੇ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ, ਪ੍ਰਿੰਸੀਪਲ ਸੈਕਟਰੀ ਸਕੂਲ ਸਿੱਖਿਆ ਪੰਜਾਬ ਜਸਪ੍ਰੀਤ ਤਲਵਾੜ, ਵਿਸੇਸ਼ ਸਕੱਤਰ ਤੇ ਡੀਜੀਐੱਸਈ ਵਰਿੰਦਰ ਕੁਮਾਰ ਤੇ ਸਿੱਖਿਆ ਵਿਭਾਗ ਦੇ ਹੋਰਨਾਂ ਅਧਿਕਾਰੀਆਂ ਵੱਲੋਂ ਸਨਮਾਨਿਤ ਕੀਤਾ ਗਿਆ ਹੈ। ਜਾਣਕਾਰੀ ਅਨੁਸਾਰ ਜ਼ਿਲ੍ਹਾ ਪੱਧਰ ‘ਤੇ ਪਹਿਲੇ ਸਥਾਨ ‘ਤੇ ਰਹਿਣ ਵਾਲੇ ਅਧਿਆਪਕਾਂ ਵੱਲੋਂ ਇਨ੍ਹਾਂ ਰਾਜ ਪੱਧਰੀ ਮੁਕਾਬਲਿਆਂ ‘ਚ ਆਪੋ-ਆਪਣੇ ਵਿਸ਼ੇ ਦੇ ਮਾਡਲ, ਐਕਟਵਿਟੀ, ਨਵੀਆਂ ਤਕਨੀਕਾਂ ਤੇ ਪੜ੍ਹਾਉਣ ਲਈ ਆਧੁਨਿਕ ਟੀਚਿੰਗ ਏਡ ਆਦਿ ਤਿਆਰ ਕਰ ਕੇ ਪੇਸ਼ਕਾਰੀ ਕੀਤੀ ਜਾਦੀਂ ਹੈ। ਫ਼ਤਹਿਗੜ੍ਹ ਸਾਹਿਬ ਵਿਖੇ ਕਰਵਾਏ ਸੂਬਾ ਪੱਧਰੀ ਮੁਕਾਬਲਿਆ ‘ਚ ਪੰਜਾਬ ਭਰ ਤੋਂ ਕਰੀਬ 234 ਵੱਖ-ਵੱਖ ਵਿਸ਼ਿਆ ਦੇ ਅਧਿਆਪਕਾਂ ਨੇ ਭਾਗ ਲਿਆ ਗਿਆ ਤੇ ਆਪਣੇ ਵਿਸ਼ੇ ਦੇ ਪ੍ਰਦਰਸ਼ਨ ਕੀਤੇ। ਲਗਾਤਾਰ ਤਿੰਨ ਦਿਨ ਚੱਲੇ ਇਸ ਟੀਚਰ ਫੈਸਟ ‘ਚ ਤਿੰਨ ਰਾਊਂਡ ਪੇਸ਼ਕਾਰੀ ਕਰਵਾਈ ਗਈ, ਜਿਸ ਦੌਰਾਨ ਇਸ ਸੰਸਥਾ ਦੇ ਹੋਣਹਾਰ ਅਧਿਆਪਕ ਗੁਰਮੀਤ ਸਿੰਘ ਵੋਕੇਸ਼ਨਲ ਮਾਸਟਰ ਨੇ ਆਪਣੇ ਇਲੈਕਟ੍ਰੀਕਲ ਦੇ ਵਰਕਿੰਗ ਮਾਡਲ’ ‘ਚ ਵਧੀਆ ਪ੍ਰਦਰਸ਼ਨ ਰਾਹੀਂ ਜੱਜਾਂ ਨੂੰ ਪ੍ਰਭਾਵਿਤ ਕਰ ਕੇ ਸੂਬਾ ਪੱਧਰ ‘ਤੇ ਦੂਸਰਾ ਸਥਾਨ ਪ੍ਰਾਪਤ ਕਰਨ ‘ਚ ਕਾਮਯਾਬੀ ਹਾਸਲ ਕੀਤੀ ਹੈ। ਜ਼ਿਲ੍ਹਾ ਸਿੱਖਿਆ ਅਫਸਰ (ਸ) ਸਰਬਜੀਤ ਸਿੰਘ ਤੂਰ, ਉਪ-ਜ਼ਿਲ੍ਹਾ ਸਿੱਖਿਆ ਅਫਸਰ (ਸ) ਹਰਕੰਵਲਜੀਤ ਕੌਰ, ਉਪ-ਜਿਲ੍ਹਾ ਸਿੱਖਿਆ ਅਫਸਰ (ਐ) ਵਸੁੰਧਰਾ ਕਪਿਲਾ, ਜ਼ਿਲ੍ਹੇ ਦੇ ਸਮੂਹ ਡੀ.ਐਮਜ਼ ਅਤੇ ਸਮੂਹ ਸਕੂਲ ਸਟਾਫ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆ ਕਿਹਾ ਕਿ ਜ਼ਿਲ੍ਹੇ ਲਈ ਮਾਣ ਵਾਲੀ ਗੱਲ ਹੈ ਕਿ ਮਿਸਲੇਨੀਅਸ ਅਤੇ ਹੋਰ ਗਰੁੱਪ ਵਿੱਚ ਇਲੈਕਟ੍ਰੀਕਲ ਵਿਸ਼ੇ ‘ਚ ਸੂਬਾ ਪੱਧਰ ‘ਤੇ ਦੂਸਰੀ ਪੁਜ਼ੀਸ਼ਨ ਪ੍ਰਾਪਤ ਕਰ ਕੇ ਵੋਕੇਸ਼ਨਲ ਮਾਸਟਰ ਗੁਰਮੀਤ ਸਿੰਘ ਨੇ ਸਕੂਲ ਤੇ ਜ਼ਿਲ੍ਹਾ ਸਿੱਖਿਆ ਦਫਤਰ (ਸ) ਬਰਨਾਲਾ ਦਾ ਨਾਮ ਪੰਜਾਬ ਪੱਧਰ ‘ਤੇ ਉੱਚਾ ਕੀਤਾ ਹੈ।
